ಮನೋರಂಜನೆ

ಮುಂಗಾರು ಮಳೆಗೆ ಮುಹೂರ್ತ

Pinterest LinkedIn Tumblr

mungarumale

ಗಾಂಧಿ ನಗರದಲ್ಲಿ ಮತ್ತೆ ಮುಂಗಾರು ಮಳೆ ಸುರಿಯಲಿದೆ ಎಂಬ ಸುದ್ದಿ ಹರಿದಾಡುತ್ತಲೇ ಇತ್ತು. ಈಗದು ನಿಜವಾಗಿದೆ. ಶಶಾಂಕ್ ನಿರ್ದೇಶನದಲ್ಲಿ ಮುಂಗಾರು ಮಳೆ 2 ಸಿನಿಮಾ ಮೂಡಿ ಬರುತ್ತಿದ್ದು, ಸದ್ದಿಲ್ಲದೇ ಚಿತ್ರಕ್ಕೆ ಮುಹೂರ್ತ ಆಗಿದೆ.

ಬೆಂಗಳೂರಿನ ಬಸವೇಶ್ವರ ನಗರದಲ್ಲಿ ಸೋಮವಾರ ಚಿತ್ರಕ್ಕೆ ಮುಹೂರ್ತ ನಡೆಯಿತು. ನಿರ್ದೇಶಕ ಶಶಾಂಕ್, ನಾಯಕ ಗಣೇಶ್, ನಿರ್ಮಾಪಕ ಈ.ಕೃಷ್ಣಪ್ಪ ಸೇರಿದಂತೆ ಹಲವರು ಈ ಸಂದರ್ಭದಲ್ಲಿ ಹಾಜರಿದ್ದರು.

ಒಳ್ಳೆಯ ದಿನ ಇರುವುದರಿಂದ ಮುಹೂರ್ತ ಮಾಡಿದ್ದೇವೆ. ಈ ಸಿನಿಮಾ ಚಿತ್ರೀಕರಣ ಮುಂದಿನ ವರ್ಷ ಏಪ್ರಿಲ್‌ನಿಂದ ಶುರುವಾಗಲಿದೆ. ಇದೊಂದು ಅಪ್ಪಟ ಲವ್‌ಸ್ಟೋರಿ ಚಿತ್ರ ಅಂತಾರೆ ನಿರ್ದೇಶಕ ಶಶಾಂಕ್. ನಿರ್ಮಾಣದ ಜವಾಬ್ದಾರಿಯನ್ನು ಜಿ.ಗಂಗಾಧರ್ ವಹಿಸಿಕೊಂಡಿದ್ದಾರೆ. ಕತೆ ಚಿತ್ರಕತೆ ಮತ್ತು ಸಂಭಾಷಣೆ ನಿರ್ದೇಶಕರದ್ದೆ. ನಾಯಕಿಯ ಆಯ್ಕೆ ಇನ್ನಷ್ಟೇ ಆಗಬೇಕು.

Write A Comment