ಮುಂಬೈ(ಜೂನ್ 07): ಸಾಲದ ಹೊರೆಯನ್ನು ತಗ್ಗಿಸಲು ವಿವಿಧ ರೀತಿಯಲ್ಲಿ ಪ್ರಯತ್ನ ಮಾಡುತ್ತಿರುವ ರಿಲಾಯನ್ಸ್ ಜಿಯೋ ಈ ನಿಟ್ಟಿನಲ್ಲಿ ಮತ್ತೊಂದು ದೃಢ ಹೆಜ್ಜೆ ಇಟ್ಟಿದೆ. ಅಬು ಧಾಬಿ ಇನ್ವೆಸ್ಟ್ಮೆಂಟ್ ಅಥಾರಿಟಿ (IDAI) ಜಿಯೋದಲ್ಲಿ ಶೇ. 1.16ರಷ್ಟು ಪಾಲು ಖರೀದಿಸಲು ನಿರ್ಧರಿಸಿದೆ. ಇದರೊಂದಿಗೆ ಐಡಿಎಐನಿಂದ 5,683 ಕೋಟಿ ರೂ ಬಂಡವಾಳ ಹೂಡಿಕೆ ಆಗಲಿದೆ.
ರಿಲಾಯನ್ಸ್ ಜಿಯೋದಲ್ಲಿ ಹೂಡಿಕೆ ಮಾಡುತ್ತಿರುವುದು ಅಥವಾ ಪಾಲು ಖರೀದಿ ಮಾಡುತ್ತಿರುವುದು ಇದು 7ನೇ ಸಂಸ್ಥೆಯಾಗಿದೆ. ಫೇಸ್ಬುಕ್, ಸಿಲ್ವರ್ ಲೇಕ್, ವಿಸ್ಟಾ ಈಕ್ವಿಟಿ, ಜನರಲ್ ಅಟ್ಲಾಂಟಿಕ್, ಕೆಕೆಆರ್, ಮುಬಾದಲ ಮತ್ತು ಈಗ ಅಬುಧಾಬಿ ಇನ್ವೆಸ್ಟ್ಮೆಂಟ್ ಅಥಾರಿಟಿ ಸಂಸ್ಥೆ ಈವರೆಗೆ ಜಿಯೋದಲ್ಲಿ ಹೂಡಿಕೆ ಮಾಡಿವೆ. ಈ 7 ಸಂಸ್ಥೆಗಳ 8 ಹೂಡಿಕೆ ಒಪ್ಪಂದಗಳಿಂದ ರಿಲಾಯನ್ಸ್ ಜಿಯೋಗೆ ಒಟ್ಟು 97,885.65 ಕೋಟಿ ರೂ ಬಂಡವಾಳ ಹರಿದುಬರಲಿದೆ. ಜಿಯೋ ಈವರೆಗೆ ತನ್ನ ಶೇ. 21.06ರಷ್ಟು ಪಾಲನ್ನು ಮಾರಿದಂತಾಗಿದೆ.
ಈವರೆಗೆ ಜಿಯೋದಲ್ಲಿ ಹೂಡಿಕೆ ಮಾಡಲಾಗಿರುವುದು:
ಫೇಸ್ಬುಕ್: 43,573 ಕೋಟಿ ರೂ
ಸಿಲ್ವರ್ ಲೇಕ್ ಪಾರ್ಟ್ನರ್: 5,655.75
ವಿಸ್ಟಾ ಈಕ್ವಿಟಿ ಪಾರ್ಟ್ನರ್: 11,367ಜನರಲ್ ಅಟ್ಲಾಂಟಿಕ್: 6,598.38
ಕೆಕೆಆರ್: 11,367
ಮುಬಾದಲ: 9,093.60
ಸಿಲ್ವರ್ ಲೇಕ್ ಪಾರ್ಟ್ನರ್: 4,546.80
ಅಬುಧಾಬಿ ಇನ್ವೆಸ್ಟ್ಮೆಂಟ್ ಅಥಾರಿಟಿ: 5,683.50
ಒಟ್ಟು ಹೂಡಿಕೆ: 97,885.65 ಕೋಟಿ ರೂ.
ಈಗ ಹೂಡಿಕೆ ಮಾಡಿರುವ ಅಬು ಧಾಬಿ ಇನ್ವೆಸ್ಟ್ಮೆಂಟ್ ಅಥಾರಿಟಿ ಕಂಪನಿಯು 1976ರಿಂದಲೂ ಅಬು ಧಾಬಿ ಸರ್ಕಾರದ ಅಧಿಕೃತ ಪ್ರತಿನಿಧಿಯಾಗಿ ಜಾಗತಿಕವಾಗಿ ಹೂಡಿಕೆ ಮಾಡುತ್ತಾ ಬಂದಿದೆ. ವಿಶ್ವದೆಲ್ಲೆಡೆ ಹತ್ತಾರು ಕಂಪನಿಗಳಲ್ಲಿ ಅದು ಹೂಡಿಕೆ ಮಾಡಿ ನಿರ್ವಹಣೆ ನಡೆಸುತ್ತಿದೆ.
Comments are closed.