ಮುಂಬೈ: ‘ಅವರ ಜತೆ ಮಲಗಲು ನಿರಾಕರಿಸಿದ್ದಕ್ಕೆ ನನ್ನನ್ನು ಚಿತ್ರದಿಂದ ಕೈಬಿಟ್ಟರು’ ಎಂದು ಅನಾಮಿಕ ಟ್ವಿಟರ್ ಬಳಕೆದಾರರೊಬ್ಬರು #MeToo ಅಭಿಯಾನದಲ್ಲಿ ಟಿ-ಸೀರೀಸ್ ಮುಖ್ಯಸ್ಥ ಭೂಷಣ್ ಕುಮಾರ್ ವಿರುದ್ಧ ಲೈಂಗಿಕ ದೌರ್ಜನ್ಯದ ಆರೋಪ ಹೊರಿಸಿದ್ದಾರೆ.
ಸಾಮಾಜಿಕ ಜಾಲತಾಣದಲ್ಲಿ #MeToo ಅಭಿಯಾನದ ಸಂಖ್ಯೆ ಹನುಮಂತನ ಬಾಲದಂತೆ ಬೆಳೆಯುತ್ತಿದ್ದು ಇದಕ್ಕೆ ಬಾಲಿವುಡ್ ಗಾಯಕಿಯೊಬ್ಬರು ಹೊಸದಾಗಿ ಸೇರ್ಪಡೆಯಾಗಿದ್ದಾರೆ. ಅನಾಮಿಕ ಖಾತೆಯೊಂದರ ಮೂಲಕ ತನ್ನ ನೋವನ್ನು ಹಂಚಿಕೊಂಡಿದ್ದಾರೆ.
ತನ್ನ ಸಾಮರ್ಥ್ಯವನ್ನು ಅರಿತಿದ್ದ ಭೂಷಣ್ ಮೂರು ಚಿತ್ರಗಳಿಗೆ ಹಾಡುವ ಆಫರ್ ಕೊಟ್ಟಿದ್ದರು. ಚಿತ್ರಗಳಿಗೆ ಸಹಿ ಹಾಕವಂತೆಯೂ ತಿಳಿಸಿದ್ದರು. ಆದರೆ ಕೆಲ ದಿನಗಳ ನಂತರ ವರ್ಸೋವಾದಲ್ಲಿರುವ ಅವರ ನಿವಾಸಕ್ಕೆ ಕರೆದರು. ನಾನು ಅದನ್ನು ನಿರಾಕರಿಸಿದ್ದೆ. ಕೆಲಸ ಮತ್ತು ಸುಖ ಎರಡನ್ನೂ ಫುಲ್ಫಿಲ್ ಮಾಡುವಂತಹ ಸಂಬಂಧವನ್ನು ನನ್ನಿಂದ ಬಯಸಿದ್ದ ಭೂಷಣ್, ಪದೇ ಪದೇ ಈ ವಿಷಯದ ಕುರಿತು ನನ್ನೊಂದಿಗೆ ಪ್ರಸ್ತಾಪಿಸಿದ್ದರು. ಆದರೆ ನಾನು ಇದನ್ನು ಒಪ್ಪದಿದ್ದಾಗ, ‘ಅವರ ಜತೆ ಮಲಗದಿದ್ದಕ್ಕೆ ನಿಮ್ಮನ್ನು ಚಿತ್ರದಿಂದ ಕೈಬಿಡಲಾಗಿದೆ’ ಎಂಬ ವಿಷಯ ತಿಳಿದು ಬಂತು. ಹಾಗೇ ಈ ವಿಷಯವನ್ನು ಯಾರಿಗಾದರೂ ತಿಳಿಸಿದರೆ ನನ್ನ ಕರಿಯರ್ನ್ನು ಸರ್ವನಾಶ ಮಾಡುವ ಬೆದರಿಕೆಯೂ ಹಾಕಿದರು ಎಂದು ವಿವರಿಸಿದ್ದಾರೆ.
This is my #metoo about #tseries head honcho #bhushankumar. @MasalaBai @spotboye @mumbaimirror
I have to use a pseudonym for my own safety and anonymity pic.twitter.com/vkzoiZxkpS
— #YouTooBollywood (@YouTooBollywood) October 12, 2018
ಈ ಕುರಿತು ಸುದ್ದಿಸಂಸ್ಥೆಗೆ ಪ್ರತಿಕ್ರಿಯಿಸಿರುವ ಭೂಷಣ್, ನನಗೆ ಅಪಖ್ಯಾತಿ ತರಲು ಈ ರೀತಿ ಲೈಂಗಿಕ ದೌರ್ಜನ್ಯದ ಆರೋಪ ಮಾಡಿದ್ದಾರೆ. ಹಾಗಾಗಿ ಅನಾಮಧೇಯ ಅಕೌಂಟ್ನಿಂದ ನನ್ನನ್ನು #MeTooಗೆ ಎಳೆದು ತಂದಿದ್ದಾರೆ. ನಾನು ಸದಾ ವೃತ್ತಿಪರತೆಯನ್ನು ಉಳಿಸಿಕೊಂಡು ಬಂದಿದ್ದೇನೆ ಎಂದು ತಮ್ಮ ವಿರುದ್ಧ ಆರೋಪವನ್ನು ಅಲ್ಲಗಳೆದಿದ್ದಾರೆ.
ಈ ಆರೋಪವನ್ನು ನಾನು ಗಂಭೀರವಾಗಿ ಪರಿಗಣಿಸಿದ್ದು, ಮುಂಬೈ ಸೈಬರ್ ಪೊಲೀಸರ ಬಳಿ ದೂರು ದಾಖಲಿಸುತ್ತೇನೆ, ಈ ಆರೋಪ ಮಾಡಿರುವುದು ಯಾರು ಎಂಬುದನ್ನು ತಿಳಿದುಕೊಳ್ಳುತ್ತೇನೆ ಎಂದು ಹೇಳಿದ್ದಾರೆ.
ಈ ಹಿಂದೆ ಬಾಲಿವುಡ್ನ ವಿಕಾಸ್ ಬಹಲ್, ಸುಭಾಷ್ ಘಾಯ್, ನಾನಾ ಪಾಟೇಕರ್, ಅಲೋಕ್ ನಾಥ್ ಮತ್ತು ಸಾಜಿದ್ ಖಾನ್ #MeToo ಅಭಿಯಾನದಲ್ಲಿ ಲೈಂಗಿಕ ಕಿರುಕುಳದ ಆರೋಪ ಎದುರಿಸುತ್ತಿದ್ದಾರೆ.
Comments are closed.