ಟೀಚರ್‌ ಹೊಡೆದರು ಎಂದು ಆತ್ಮಹತ್ಯೆ ಮಾಡಿಕೊಂಡ ಬಾಲಕಿ!

ಮುಂಬಯಿ: ಪರೀಕ್ಷೆಯಲ್ಲಿ ಕಡಿಮೆ ಅಂಕ ಪಡೆದ ಕಾರಣಕ್ಕೆ ಟೀಚರ್‌ ಹೊಡೆದರು ಎಂದು ಬೇಸತ್ತ 12ರ ಬಾಲಕಿ ಆತ್ಮಹತ್ಯೆಗೆ ಶರಣಾದ ಘಟನೆ ದೊಂಬಿವ್ಲಿಯಲ್ಲಿ ನಡೆದಿದೆ.

ದೊಂಬಿವ್ಲಿಯ ಗೋಗ್ರಸ್ವಾಡಿ ನಿವಾಸಿಯಾಗಿರುವ ಬಾಲಕಿ ಏಳನೇ ತರಗತಿ ಕಲಿಯುತ್ತಿದ್ದು, ಇತ್ತೀಚೆಗೆ ನಡೆದ ಪರೀಕ್ಷೆಯಲ್ಲಿ ಕಡಿಮೆ ಅಂಕ ಪಡೆದಿದ್ದಳು. ಹೀಗಾಗಿ ಶಾಲಾ ಶಿಕ್ಷಕಿ ಆಕೆಗೆ ಹೊಡೆದು ಬಳಿಕ ಪೋಷಕರನ್ನು ಕರೆದುಕೊಂಡು ಬರುವಂತೆ ಹೇಳಿದ್ದರು.

ಶಾಲೆಯಿಂದ ಮನೆಗೆ ಬಂದ ಬಾಲಕಿ ಕೂಡಲೇ ಬ್ಯಾಗನ್ನು ಎಸೆದು ಪೋಷಕರಿಗೆ ನಡೆದ ಸಂಗತಿ ತಿಳಿಸಿ ಕೋಣೆ ಸೇರಿಕೊಂಡಿದ್ದಾಳೆ. ಆದರೆ ರಾತ್ರಿ ಸುಮಾರು 8 ಗಂಟೆಯಾದರೂ ಮಗಳು ಹೊರ ಬಾರದನ್ನು ಗಮನಿಸಿದ ಪೋಷಕರು ಆಕೆಯನ್ನು ಕರೆಯಲು ಕೋಣೆ ಬಾಗಿಲು ತಟ್ಟಿದ್ದಾರೆ. ಎಷ್ಟೇ ಬಾಗಿಲು ಬಡಿದರೂ ಆಕೆ ಬಾಗಿಲು ತೆರೆಯದ ಹಿನ್ನೆಲೆಯಲ್ಲಿ ಬಾಗಿಲು ಒಡೆದು ನೋಡಿದಾಗ ಆಕೆ ಫ್ಯಾನ್‌ಗೆ ನೇಣು ಹಾಕಿ ಆತ್ಮಹತ್ಯೆಗ ಶರಣಾಗಿರುವುದ ಬೆಳಕಿಗೆ ಬಂದಿದೆ.

ಈಕೆಯ ಸಾವಿನಿಂದ ಕುಟುಂಬವೇ ಶೊಕಸಾಗರದಲ್ಲಿ ಮುಳುಗಿದ್ದ, ರಾಮನಗರ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ನಡೆಸುತ್ತಿದ್ದಾರೆ.