ಬೆಂಗಳೂರು(ಜು.24): ದೊಡ್ಡ ಗಾತ್ರದ ಆನೆಯೊಂದನ್ನು ಸಣ್ಣ ಪ್ರಾಣಿಯೊಂದು ಅಟ್ಟಾಡಿಸಿರುವ ವಿಡಿಯೋ ಸೋಷಿಯಲ್ ಮೀಡಿಯಾದಲ್ಲಿ ಭಾರೀ ವೈರಲ್ ಆಗಿದೆ. ಎಮ್ಮೆಯೊಂದು ಆನೆಯನ್ನು ಅಟ್ಟಾಡಿಸಿರುವುದು ವಿಡಿಯೋದಲ್ಲಿ ಸೆರೆಯಾಗಿದೆ. ಈ ವೇಳೆ ಎಮ್ಮೆ ತನ್ನನ್ನು ಏನು ಮಾಡಿಬಿಡುತ್ತದೋ? ಎಂದು ಹೆದರಿ ಆನೆ ಎರಡೆಜ್ಜೆ ಹಿಂದೆ ಇಟ್ಟಿರುವುದು ವಿಡಿಯೋದಲ್ಲಿ ಎದ್ದು ಕಾಣುತ್ತದೆ.
ಭಾರತೀಯ ಅರಣ್ಯ ಸೇವಾ ಅಧಿಕಾರಿ ಸುಶಾಂತ್ ನಂದಾ ಎಂಬುವರು ಈ ವಿಡಿಯೋ ಟ್ವಿಟರ್ನಲ್ಲಿ ಶೇರ್ ಮಾಡಿದ್ಧಾರೆ. ಜೀವಕ್ಕಿಂತಲೂ ಮುಖ್ಯವಾದದ್ದು ಧೈರ್ಯ ಎಂಬ ಕ್ಯಾಪ್ಷನ್ ನೀಡಿ ಈ ವಿಡಿಯೋ ಪೋಸ್ಟ್ ಮಾಡಲಾಗಿದೆ. 20 ಸೆಕೆಂಡ್‌ನ ಈ ವಿಡಿಯೋ ಟ್ವಿಟ್ಟರ್‌ನಲ್ಲಿ ದೇಶದ ಗಮನ ಸೆಳೆಯುತ್ತಿದೆ. ಸುಮಾರು 6 ಸಾವಿರಕ್ಕೂ ಅಧಿಕ ಮಂದಿ ವಿಡಿಯೋ ನೋಡಿದ್ಧಾರೆ.
Comments are closed.