ಮ೦ಗಳೂರು, ಡಿಸಂಬರ್. 3: ಡಿಸಂಬರ್ 2 ರಂದು ಪೋಲ್ಯಾಂಡ್ನ‌ಲ್ಲಿ ನಡೆದ ಅಂತರಾಷ್ಟ್ರೀಯ ಸೌಂದರ್ಯ ಸ್ಪರ್ಧೆ ಮಿಸ್‌ ಸೂಪ್ರಾ ನ್ಯಾಷನಲ್‌ ಸ್ಪರ್ಧೆಯಲ್ಲಿ ಮೂಲ್ಕಿಯ ಚೆಲುವೆ ಶ್ರೀನಿಧಿ ರಮೇಶ್‌ ಶೆಟ್ಟಿ ಅವರು ನೂರಾರು ಸುಂದರಿಯರನ್ನು ಹಿಂದಿಕ್ಕುವ ಮೂಲಕ ಮಿಸ್‌ ಸೂಪ್ರಾ ನ್ಯಾಷನಲ್‌ ಕಿರೀಟವನ್ನು ತಮ್ಮ ಮುಡಿಗೇರಿಸಿಕೊಂಡಿದ್ದಾರೆ.
ಹಿಂದಿನ ವರ್ಷದ ಮಿಸ್‌ ಸೂಪ್ರಾ ನ್ಯಾಷನಲ್‌ ಕಿರೀಟಕ್ಕೆ ಭಾಜನರಾಗಿದ್ದ ಸ್ಟೆಫಾನಿ ಸ್ಟೆಗನ್‌ ಅವರು ಭಾರತವನ್ನು ಪ್ರತಿನಿಧಿಸಿ ಈ ಬಾರಿಯ ಸೂಪ್ರಾ ನ್ಯಾಷನಲ್‌ ಸ್ಪರ್ಧೆಯಲ್ಲಿ ವಿಜೇತರಾದ ಶ್ರೀನಿಧಿ ಅವರಿಗೆ ಕೀರಿಟ ತೋಡಿಸಿದರು. ಶ್ರೀನಿಧಿ ಅವರು ಈಗಾಗಲೇ ಮಿಸ್‌ ಕರ್ನಾಟಕ, ಮಿಸ್‌ ಬ್ಯೂಟಿಫ‌ುಲ್‌ ಸ್ಮೈಲ್ , ಮಣಪ್ಪುರಂ ಮಿಸ್‌ ಕ್ವೀನ್‌ ಮೊದಲಾದ ಪ್ರಶಸ್ತಿಗಳಿಗೆ ಭಾಜನರಾಗಿದ್ದಾರೆ.
ಸೂಪ್ರಾನ್ಯಾಷನಲ್‌ ಕಿರೀಟ ಮಾತ್ರವಲ್ಲದೆ ತನ್ನ ಚೆಲುವಿಕೆ, ದೇಹಸಿರಿ ಮತ್ತು ಫೋಟೋಜನಿಕ್‌ ಫೇಸ್‌ಗಾಗಿ ಮೂರು ಫ್ಯಾಷನ್‌ ಶೋ ಮತ್ತು ಮಾಡೆಲಿಂಗ್‌ ಮಾಡುತ್ತಿರುವ ಶ್ರೀನಿಧಿ ಅವರು ಈಗಾಗಲೇ ಹಲವು ರಾಷ್ಟ್ರ ಮಟ್ಟದ ಸೌಂದರ್ಯ ಸ್ಫರ್ಧೆಗಳಲ್ಲಿ ಗಮನ ಸೆಳೆದಿದ್ದಾರೆ.
Comments are closed.