ಮಂಗಳೂರಿನ ಸೆಂಟ್ರಲ್ ರೈಲು ನಿಲ್ದಾಣದಲ್ಲಿ ವೈಫೈ ಸೇವೆ ಆರಂಭ

ಮಂಗಳೂರು, ನ.12: ಇಂದಿನಿಂದ ಮಂಗಳೂರಿನ ಸೆಂಟ್ರಲ್ ರೈಲು ನಿಲ್ದಾಣದಲ್ಲಿ ಕೂಡ ವೈಫೈ ಸೇವೆ ಆರಂಭಗೊಂಡಿದೆ. ದೇಶದ 400 ‘ಎ’ ಮತ್ತು ‘ಎ1’ ರೈಲು ನಿಲ್ದಾಣಗಳಿಗೆ ಕಲ್ಪಿಸಲಾಗುತ್ತಿರುವ ವೈಫೈ ಸಂಪರ್ಕದ ಪೈಕಿ ಮಂಗಳೂರಿನ ಸೆಂಟ್ರಲ್ ರೈಲು ನಿಲ್ದಾಣದಲ್ಲಿ ರಾಜ್ಯದಲ್ಲೇ ಪ್ರಥಮ ಬಾರಿಗೆ ವೈಫೈ ಸೇವೆಗೆ ಶನಿವಾರ ಸಂಸದ ನಳಿನ್ ಕುಮಾರ್ ಕಟೀಲ್ ಚಾಲನೆ ನೀಡಿದ್ದಾರೆ.

ರೈಲು ನಿಲ್ದಾಣದ ವೈಫೈ ಸಂಪರ್ಕಕ್ಕೆ ಗೂಗಲ್ ಪಾಲುದಾರ ಸಂಸ್ಥೆಯಾಗಿದೆ. ರೇಲೆಟೆಲ್ ಸಂಸ್ಥೆ ಅನುಷ್ಠಾನಕ್ಕೆ ತರುತ್ತಿದೆ.ಸಾಮಾಜಿಕ ಜಾಲತಾಣ ಕ್ರಾಂತಿ ಮಾಡುತ್ತಿರುವ ಈ ಕಾಲದಲ್ಲಿ ನಿಲ್ದಾಣದಲ್ಲಿ ಕಾಯುವ ಸಂದರ್ಭ ಗ್ರಾಹಕರು ಉಚಿತವಾಗಿ ಇದನ್ನು ಬಳಸಿಕೊಳ್ಳಬಹುದು. ಆಧುನಿಕ ಯುಗದಲ್ಲಿ ಮಂಗಳೂರಿನಲ್ಲಿ ಪ್ರಥಮ ಹಂತದಲ್ಲೆ ವೈಫೈ ಸಂಪರ್ಕ ನೀಡಿರುವುದು ರೈಲ್ವೆ ಇಲಾಖೆಯ ಮಹತ್ವದ ಹೆಜ್ಜೆ. ಇದರಿಂದ ಸಾಫ್ಟ್ವೇರ್ ಎಂಜಿನಿಯರ್ ಸೇರಿದಂತೆ ಜನಸಮಾನ್ಯರೂ ಪ್ರಯೋಜನ ಪಡೆಯಬಹುದು.

ಶಾಸಕ ಜೆ.ಆರ್.ಲೋಬೊ, ಎಮ್.ಎಲ್.ಸಿ ಐವನ್ ಡಿಸೋಜ ಹಾಗೂ ರೈಲ್ವೇ ಇಲಾಖೆಯ ಅಧಿಕಾರಿಗಳು ಈ ವೇಳೆ ಉಪಸ್ಥಿತರಿದ್ದರು.