ಗಾಂಜಾ ಮಾರಾಟಕೆ ಯತ್ನ : ನಾಲ್ಕು ಆರೋಪಿಗಳ ಸೆರೆ.

ಬಂಟ್ವಾಳ,ನ,೦5 : ಸೋಮವಾರ ತಡರಾತ್ರಿ ಸಜಿಪನಡು ಪೇಟೆಯಲ್ಲಿ ಕಾರ್ಯಾಚರಣೆ ನಡೆಸಿದ ಬಂಟ್ವಾಳ ಗ್ರಾಮಾಂತರ ಪೊಲೀಸರು ಗಾಂಜಾ ಮಾರಾಟಕ್ಕೆ ಯತ್ನಿಸುತ್ತಿದ್ದ ನಾಲ್ವರನ್ನು ಬಂಧಿಸಿದ್ದಾರೆ. ಬಂಧಿತರನ್ನು ತೊಕ್ಕೊಟ್ಟು, ಉಳ್ಳಾಲ, ಕಿನ್ಯ ನಿವಾಸಿಗಳಾದ ಅಶ್ರಫ್ (37)  ಸಿದ್ದೀಕ್ (35) ಅಬ್ದುಲ್ ಖಾದರ್ (35) ಹಾಗೂ ಇಸಾಖ್ (35) ಎಂದು ಗುರುತಿಸಲಾಗಿದೆ.

ಆರೋಪಿಗಳು ಸೋಮವಾರ ರಾತ್ರಿ ರಿಟ್ಸ್ ಕಾರಿನಲ್ಲಿ ಗಾಂಜಾ ಮಾರಾಟಕ್ಕೆ ಯತ್ನಿಸುತ್ತಿದ್ದ ವೇಳೆ ಬಂಟ್ವಾಳ ಗ್ರಾಮಾಂತರ ಠಾಣಾಧಿಕಾರಿ ರಕ್ಷಿತ್ ಮತ್ತು ಸಿಬ್ಬಂದಿಗಳು ದಾಳಿ ನಡೆಸಿ ಆರೋಪಿಗಳನ್ನು ಬಂಧಿಸಿದ್ದಾರೆ. ಬಂಧಿತರಿಂದ 12 ಗ್ರಾಂ. ಗಾಂಜಾ ಹಾಗೂ ಕಾರನ್ನು ವಶಪಡಿಸಿಕೊಳ್ಳಲಾಗಿದ್ದು, ಬಂಧಿತ ಆರೋಪಿಗಳನ್ನು ನ್ಯಾಯಾಲಯಕ್ಕೆ ಹಾಜರುಪಡಿಸಲಾಗಿದೆ.