ಏಳು ವರ್ಷಗಳ ದಾಂಪತ್ಯ ಅಂತ್ಯಕಂಡಾಗ ಆಕೆ ವಾರದ ಏಳು ರಾತ್ರಿ ಏಳು ಗಂಡಸರ ಜತೆ ಕಳೆದಳು

ಸಿಡ್ನಿ: ಏಳು ವರ್ಷಗಳ ದಾಂಪತ್ಯ ಅಂತ್ಯ ಕಂಡಾಗ ತನ್ನ ಆಂತರ್ಯವನ್ನು ಕಂಡುಕೊಳ್ಳಲು ಮಹಿಳೆಯೊಬ್ಬರು ಮಾಡಿದ ಎಕ್ಪೆರಿಮೆಂಟ್​ ಸಾಮಾಜಿಕ ಜಾಲತಾಣಗಳಲ್ಲಿ ಭಾರೀ ಚರ್ಚೆಗೆ ನಾಂದಿ ಹಾಡಿದೆ. ನಾದಿಯಾ ಬೊಕೊಡಿ ಎಂಬ ಆಸ್ಟ್ರೇಲಿಯಾ ಮೂಲದ ಮಹಿಳೆ ಕಳೆದ ಏಳು ವರ್ಷಗಳ ಹಿಂದೆ ಮದುವೆಯಾಗಿದ್ದರು. ಆದರೆ ಇತ್ತೀಚೆಗೆ ವಿಚ್ಛೇದನ ಪಡೆದ ಅವರು ಜೀವಂತಿಕೆ ಕಂಡುಕೊಳ್ಳಲು ಸತತ ಏಳು ದಿನ ಏಳು ಗಂಡಸರ ಜತೆ ಲೈಂಗಿಕ ಕ್ರಿಯೆಯಲ್ಲಿ ಭಾಗಿಯಾಗಿರುವುದಾಗಿ ಹೇಳಿಕೊಂಡಿದ್ದಾರೆ. ಈ ಬಗ್ಗೆ ಡೈಲಿ ಮೇಲ್​ ಸೇರಿದಂತೆ ಹಲವು ಪತ್ರಿಕೆಗಳು ವರದಿ ಮಾಡಿವೆ.

ಅವರ ಮಾಲೀಕತ್ವದ ನಾದಿಯಾ ವೆಬ್​ಸೈಟ್​ನಲ್ಲಿ ಅವರಾಗಿಯೇ ಈ ವಿಚಾರವನ್ನು ಬೆಳಕಿಗೆ ತಂದಿದ್ದಾರೆ. ಜತೆಗೆ ದಾಂಪತ್ಯ ಜೀವನದ ಏಕತಾನತೆಯಿಂದ ಹೊರಬರಲು, ಜೀವನದಲ್ಲಿ ಮತ್ತೆ ಜೀವಂತಿಕೆ ಪಡೆಯಲು ಅವರ ಈ ಕೆಲಸ ಸಹಕಾರಿಯಾಗಿದೆ ಎಂದೂ ಅವರು ಹೇಳಿಕೊಂಡಿದ್ದಾರೆ. ಸದ್ಯ ನಾದಿಯಾ ತಾವೇ ಹೇಳಿಕೊಂಡಿರುವಂತೆ ಕ್ಯಾನನ್​ ಎಂಬೊಬ್ಬರ ಜತೆ ರಿಲೇಷನ್​ಶಿಪ್​ನಲ್ಲಿದ್ದಾರೆ.

ನಾದಿಯಾ ಪ್ರಕಾರ, ಅವರ ಈ ಕಾರ್ಯದಿಂದ ದೈನಂದಿನ ಜೀವನದ ಜಂಜಾಟಗಳು ಮತ್ತು ಸಮಾಜದ ಕಟ್ಟುಪಾಡುಗಳಾಚೆಗಿನ ಪ್ರಪಂಚಕ್ಕೆ ಅವರು ಕಾಲಿಟ್ಟಿದ್ದಾರೆ. ಪ್ರತಿಯೊಬ್ಬರಲ್ಲೂ ಅತಿಮಾನುಷ ಕೃತ್ಯಗಳನ್ನು ಮಾಡುವ, ಕೈಗೆಟುಕದ ಕ್ರಿಯೆಯಲ್ಲಿ ಭಾಗಿಯಾಗುವ ಮನುಷ್ಯ ಸಹಜ ಗುಣವಿರುತ್ತದೆ. ಆದರೆ ಅದು ನೈಜತೆಯಲ್ಲಿ ಮರೀಚಿಕೆಯಾಗಿರುತ್ತದೆ. ಯಾರಿಗೂ ಹೇಳಿಕೊಳ್ಳಲು ಸಾಧ್ಯವಾಗದ ಆಸೆಗಳನ್ನು ವಿಚ್ಛೇದನದ ನಂತರ ತೀರಿಸಿಕೊಂಡರಂತೆ ನಾದಿಯಾ.

“ಯಾರಿಗೂ ಹಂಚಿಕೊಳ್ಳಲಾಗದ ಮನದ ವಾಂಛೆಯನ್ನು ತೀರಿಸಿಕೊಳ್ಳಲು ಮತ್ತು ನನ್ನನ್ನು ನಾನು ಕಂಡುಕೊಳ್ಳಲು ಏಳು ದಿನಗಳ ಹೊಸ ಚಾಲೆಂಜ್​ ಸ್ವೀಕರಿಸಿದೆ. ಬಹಳ ವರ್ಷಗಳ ನಂತರ ನಾನು ಸಂಪೂರ್ಣವಾಗಿ ಚೈತನ್ಯ ಪಡೆದೆ. ಲೈಂಗಿಕ ಕ್ರಿಯೆಯ ನಂತರ ಆನಂದಭಾಷ್ಪ ನನ್ನ ಕಣ್ಣಿಂದ ಉದುರಿತ್ತು,” ಎನ್ನುತ್ತಾರೆ ನಾದಿಯಾ.

ಇದಕ್ಕೂ ಮುಂಚೆ ನಾನು ನಾನಾಗಿರಲಿಲ್ಲ. ನಾನು ಒಬ್ಬರ ಹೆಂಡತಿಯೋ, ಪ್ರಿಯತಮೆಯೋ ಅಥವಾ ಇನ್ನೊಂದಾಗಿಯೋ ಮಾತ್ರ ಗುರುತಿಸಿಕೊಂಡಿದ್ದೆ. ನನ್ನದೇ ಆದ ಸ್ವಂತಿಕೆ ಒಂದರ್ಥದಲ್ಲಿ ಕಳೆದುಕೊಂಡಿದ್ದೆ. ಆದರೀಗ ನಾನು ಸ್ವತಂತ್ರಳು. ನಾನು ನಾನಾಗಿದ್ದೇನೆ. ಮದುವೆಗೂ ಮುನ್ನ ಇದ್ದ ನಾದಿಯಾ ಈಗ ಮತ್ತೆ ಹುಟ್ಟಿ ಬಂದಿದ್ದಾಳೆ ಅನಿಸುತ್ತಿದೆ, ಎನ್ನುತ್ತಾರೆ ನಾದಿಯಾ.

ಏಳು ದಿನ ಏಳು ಗಂಡಸರ ಜತೆ ಲೈಂಗಿಕ ಕ್ರಿಯೆಯಲ್ಲಿ ಭಾಗಿಯಾದ ನಂತರ ತಾನು ಲೈಂಗಿಕ ಕ್ರಿಯೆಗೆ ಅಡಿಕ್ಟ್​ ಆಗಿದ್ದೇನೆ ಎಂಬ ಅರಿವೂ ಆಯಿತಂತೆ. ಅದೂ ಕೂಡ ದಾಂಪತ್ಯ ಜೀವನದಲ್ಲಿ ಸಂತುಷ್ಟಿ ಪಡೆಯದಿರಲು ಕಾರಣವಿರಬಹುದು ಎಂದೂ ಅವರು ಅಭಿಪ್ರಾಯ ಪಟ್ಟಿದ್ದಾರೆ.

ಆಸ್ಟ್ರೇಲಿಯಾದ ಕೈಲ್​ ಮತ್ತು ಜಾಕಿ ಓ ಆಸ್ಟ್ರೇಲಿಯನ್​ ಎಂಬ ರೇಡಿಯೋ ಷೋನಲ್ಲಿ ಮಾತನಾಡಿದ ಅವರು, ದಿನವೊಂದರಲ್ಲಿ ಅತಿ ಹೆಚ್ಚು ಬಾರಿ ಲೈಂಗಿಕ ಕ್ರಿಯೆಯಲ್ಲಿ ಭಾಗಿಯಾದ ಬಗ್ಗೆಯೂ ಮಾತನಾಡಿದ್ದಾರೆ. ನಾದಿಯಾ ದಿನವೊಂದಕ್ಕೆ ಆರು ಅಥವಾ ಏಳು ಬಾರಿ ಲೈಂಗಿಕ ಕ್ರಿಯೆಯಲ್ಲಿ ತೊಡಗಿದ್ದಾರಂತೆ. ದಿನವೊಂದರಲ್ಲೇ ಎರಡು ಪ್ರತ್ಯೇಕ ಗಂಡಸರ ಜತೆಯೂ ಲೈಂಗಿಕ ಕ್ರಿಯೆ ನಡೆಸಿದ್ದಾರಂತೆ. ಆದರೆ ಇಬ್ಬರಿಗಿಂತ ಹೆಚ್ಚು ಗಂಡಸರ ಜತೆ ಒಂದೇ ಲೈಂಗಿಕ ಕ್ರಿಯೆಯಲ್ಲಿ ಭಾಗಿಯಾಗಿಲ್ಲ ಎಂಬುದನ್ನೂ ಅವರೇ ಹೇಳಿಕೊಂಡಿದ್ದಾರೆ.ನಾದಿಯಾ ತಾನು ಲೈಂಗಿಕ ಕ್ರಿಯೆಗೆ ಅಡಿಕ್ಟ್​ ಆಗಿದ್ದೇನೆ ಎಂಬುದನ್ನು ಅರಿತಿದ್ದು ಕ್ಯಾನನ್​ ಜತೆ ರಿಲೇಷನ್​ಶಿಪ್​ ಆರಂಭಿಸಿದ ಮೇಲಂತೆ. ಸೆಕ್ಸ್​ಗೆ ಅಡಿಕ್ಟ್​ ಆಗಿದ್ದೀನಿ ಎಂಬ ಭಯ ಆರಂಭವಾದ ಬೆನ್ನಲ್ಲೇ ನಾದಿಯಾ ಚಿಕಿತ್ಸೆಯನ್ನೂ ಪಡೆಯುತ್ತಿದ್ದಾರೆ. ನಿತ್ಯ ಮನೋವಿಜ್ಞಾನಿಗಳಿಂದ ಚಿಕಿತ್ಸೆ ಪಡೆಯುತ್ತಿರುವ ನಾದಿಯಾ, ಅವರಂತೆಯೇ ಇರುವ ಇನ್ನಿತರ ಸೆಕ್ಸ್​ ಅಡಿಕ್ಟ್​ಗಳ ಜತೆ ಸಂಪರ್ಕದಲ್ಲೂ ಇದ್ದಾರೆ. ಅದೊಂದು ರೀತಿಯ ಡಿ-ಅಡಿಕ್ಷನ್​ ಕಾರ್ಯಗಾರವಿದ್ದಂತೆ.

ಮೊದಮೊದಲು ಹೆಚ್ಚು ಹೆಚ್ಚು ಲೈಂಗಿಕ ಕ್ರಿಯೆಯಲ್ಲಿ ತೊಡಗುವುದರಿಂದ ಪುಳಕಿತರಾಗಿದ್ದ ನಾದಿಯಾ, ಈಗ ಇದೊಂದು ನೆಗೆಟಿವ್​ ಮನಸ್ಥಿತಿ ಎಂಬ ನಿರ್ಧಾರಕ್ಕೆ ಬಂದಿದ್ದಾರೆ.

ಕಡೆಕಡೆಗೆ ಲೈಂಗಿಕ ಕ್ರಿಯೆಯದ್ದೇ ಚಿಂತೆಯಾಗಿ ನಾದಿಯಾರನ್ನು ಕಾಡ ತೊಡಗಿತ್ತು. ಕೆಲಸದ ಮೇಲಾಗಲೀ, ಇತರೆ ವಿಚಾರಗಳ ಮೇಲಾಗಲೀ ನಾದಿಯಾ ಗಮನ ಹರಿಸಲು ಸಾಧ್ಯವಾಗದಷ್ಟು ಮಟ್ಟಕ್ಕೆ ಹೋಗಿದ್ದರಂತೆ. ಅವರೇ ಹೇಳಿಕೊಳ್ಳುವಂತೆ, ಕೆಲ ಸಮಯ ಕಚೇರಿಯ ಊಟದ ಸಮಯದಲ್ಲಿ ಸಾಮಾಜಿಕ ಜಾಲತಾಣದಲ್ಲಿ ಆಗಷ್ಟೇ ಸ್ನೇಹಿತರಾದ ಗಂಡಸರ ಜತೆಯೂ ಲೈಂಗಿಕ ಕ್ರಿಯೆ ನಡೆಸಿದ್ದರಂತೆ.

ನಮ್ಮ ಸಮಾಜದಲ್ಲಿ ಹಲವು ರೀತಿಯ ನಶೆಗಳಿಗೆ ದಾಸರಾದವರಿದ್ದಾರೆ. ಒಂದು ಹಂತದವರೆಗೆ ಸಮಾಜ ಕುಡುಕರನ್ನು, ಮಾದಕ ವ್ಯಸನಿಗಳನ್ನು ಒಪ್ಪಿಕೊಳ್ಳುತ್ತದೆ. ಆದರೆ ಲೈಂಗಿಕ ಕ್ರಿಯೆಗೆ, ಅದೂ ಒಂದು ಹೆಣ್ಣು ಅಡಿಕ್ಟ್​ ಆಗಿದ್ದಾಳೆಂದರೆ ಸಮಾಜ ಒಪ್ಪುವುದೇ ಇಲ್ಲ. ಆಕೆಯನ್ನು ಸಮಾಜ ನೋಡುವ ದೃಷ್ಟಿಯೇ ಬದಲಾಗುತ್ತದೆ. ಮತ್ತು ಆಕೆಯನ್ನು ಯಾರೂ ಸ್ವೀಕರಿಸುವುದಿಲ್ಲ. ಆದರೆ ಇದೂ ಒಂದು ನಶೆ, ಇದರಿಂದ ಆಚೆ ಬರಲು ವೈದ್ಯಕೀಯ ಚಿಕಿತ್ಸೆ ಮತ್ತು ಮಾನಸಿಕ ಸ್ಥೈರ್ಯ ಅನಿವಾರ್ಯ ಎಂದು ಅಭಿಪ್ರಾಯ ಪಡುತ್ತಾರೆ ನಾದಿಯಾ.

ಅಡಿಕ್ಷನ್​ ಎಂಬುದು ಯಾವಾಗಲೂ ಸಂತಸವನ್ನೇ ನೀಡುತ್ತದೆ. ಅದು ಕೆಟ್ಟದೋ ಒಳ್ಳೆಯದೋ ಎಂಬುದು ನಶೆಯಲ್ಲಿರುವ ವ್ಯಕ್ತಿಯ ಸ್ಥಿಮಿತವನ್ನು ಮೀರಿರುವ ಉತ್ತರವಾಗಿರುತ್ತದೆ. ತಪ್ಪು ಎಂದು ಅನಿಸಿದರೂ ಅದರಲ್ಲಿರುವ ಸುಖ ಮತ್ತೆ ಮತ್ತೆ ಕರೆಸಿಕೊಳ್ಳುತ್ತದೆ ಎನ್ನುತ್ತಾರೆ ನಾದಿಯಾ.