ಜಗತ್ತಿನ ಅತಿ ಶ್ರೀಮಂತ ವ್ಯಕ್ತಿಯಾಗಿರುವ ಅಮೇಜಾನ್ ಸಂಸ್ಥಾಪಕ ಜೆಫ್ ಬೆಝೋಸ್ ತನ್ನ ಪತ್ನಿಗೆ ವಿಚ್ಛೇದನ ನೀಡಿದ್ದಾರೆ. ವಿಚ್ಛೇದನ ಒಪ್ಪಂದದ ಪ್ರಕಾರ ತನ್ನ ಆಸ್ತಿಯಲ್ಲಿನ 2.4 ಲಕ್ಷ ಕೋಟಿಯಷ್ಟು ಪಾಲನ್ನು ಅವರ ಪತ್ನಿಗೆ ನೀಡಿದ್ದರೂ, ಶ್ರೀಮಂತ ಸಾಲಿನಲ್ಲಿರುವ ಜೆಫ್ ಅವರ ಸ್ಥಾನಕ್ಕೆ ಯಾವುದೇ ಚ್ಯುತಿ ಬಂದಿಲ್ಲ ಎಂಬುದು ವಿಶೇಷ.
ದೈತ್ಯ ಉದ್ಯಮಿ ಎಂದೇ ಹೆಸರುವಾಸಿಯಾಗಿದ್ದ ಜೆಫ್ ಶೇ.16 ರಷ್ಟು ಅಂದರೆ 140 ಶತಕೋಟಿಯಷ್ಟು ಆಸ್ತಿಯನ್ನು ಹೊಂದಿದ್ದಾರೆ. ಆದರೆ ವಿಚ್ಚೇದನ ಸಮಯದಲ್ಲಿ ತನ್ನ ಪತ್ನಿ ಮ್ಯಾಕೆಂಜಿಗಾಗಿ 2.4 ಲಕ್ಷ ಕೋಟಿಯಷ್ಟು ಪಾಲು ನೀಡಿದ್ದು. ಇತಿಹಾಸದಲ್ಲಿ ಅತಿದೊಡ್ಡ ವಿಚ್ಛೇದನ ಎಂದು ಸಾಬೀತಾಗಿದೆ.
ಜೆಫ್ ಮತ್ತು ಮ್ಯಾಕೆಂಜಿ ಅವರು ವಿಚ್ಛೇದನಕ್ಕಾಗಿ ಸಲ್ಲಿಸಿದ ಡೈವೋರ್ಸ್ ಅಗ್ರಿಮೆಂಟ್ ಪ್ರಕಾರ ಅಮೇಜಾನ್ ಸಂಸ್ಥೆಯ ಶೇ.4 ರಷ್ಟು ಪಾಲನ್ನು ತನ್ನ ಪತ್ನಿಗಾಗಿ ನೀಡಿದ್ದಾರೆ. ವಿಚ್ಛೇದನ ಒಪ್ಪಂದ ಪ್ರಕಾರ ದಿ ವಾಷಿಂಗ್ಟನ್ ಪೋಸ್ಟ್ ಮತ್ತು ಬಾಹ್ಯಾಕಾಶ ಪರಿಶೋಧನ ಸಂಸ್ಥೆಯಾಗಿರುವ ಬ್ಲೂ ಒರಿಜಿನ್ನಲ್ಲಿದ್ದ ಪಾಲನ್ನು ಪತ್ನಿ ಮ್ಯಾಕೆಂಜಿಗೆ ನೀಡಿದ್ದಾರೆ. ಈ ಮೂಲಕ ಮ್ಯಾಕೆಂಜಿ ಕೂಡ ಜಗತ್ತಿನ ಮೂರನೇ ಶ್ರೀಮಂತ ಮಹಿಳೆಯಾಗಿ ಹೊರಹೊಮ್ಮಲಿದ್ದಾರೆ.
ನಾಲ್ಕು ಮಕ್ಕಳನ್ನು ಹೊಂದಿರುವ ಜೆಫ್ ಮತ್ತು ಮ್ಯಾಕೆಂಜಿ 1993 ರಲ್ಲಿ ವಿವಾಹವಾಗಿದ್ದರು. 1994 ರಲ್ಲಿ ಜೆಫ್ ಸಣ್ಣ ಗರಾಜಿನ ಮೂಲಕ ಅಮೇಜಾನ್ ಸಂಸ್ಥೆಯನ್ನು ಪ್ರಾರಂಭಿಸಿದ್ದರು. ಇದೀಗ ಜಗತ್ತಿನಲ್ಲಿ ಅತಿ ದೊಡ್ಡ ರೀಟೇಲ್ ಸಂಸ್ಥೆಯಾಗಿ ಬೆಳೆದು ನಿಂತಿದೆ
Comments are closed.