ಪೋರ್ಟ್ಲೆಂಡ್: ಒಂದೇ ಆಸ್ಪತ್ರೆಯ 9 ನರ್ಸ್ಗಳು ಒಂದೇ ಬಾರಿಗೆ ಗರ್ಭಿಣಿಯರಾಗಿರುವ ಘಟನೆ ಪೋರ್ಟ್ಲೆಂಡ್ನಲ್ಲಿ ನಡೆದಿದೆ.
ಆಸ್ಪತ್ರೆಯಲ್ಲಿ ಕೆಲಸ ಮಾಡುವ ಪ್ರಸೂತಿ ವಿಭಾಗದ 9 ನರ್ಸ್ಗಳು ಗರ್ಭ ಧರಿಸಿದ್ದು, ಇನ್ನೊಂದೆರಡು ತಿಂಗಳೊಳಗೆ ಮಗುವಿಗೆ ಜನ್ಮ ನೀಡಲಿದ್ದಾರೆ. ಈ ಬಗ್ಗೆ ಆಸ್ಪತ್ರೆಯ ಅಧಿಕಾರಿಗಳೇ ಫೋಟೋ ಸಮೇತ ಮಾಹಿತಿ ಹಂಚಿಕೊಂಡಿದ್ದು, ಗರ್ಭ ಧರಿಸಿರುವ 8 ನರ್ಸ್ಗಳು ನಿಂತಿರುವ ಫೋಟೋವನ್ನು ಶೇರ್ ಮಾಡಿದ್ದಾರೆ.
ಏಪ್ರಿಲ್ ಮತ್ತು ಜುಲೈನಲ್ಲಿ ಈ ಎಲ್ಲ 9 ನರ್ಸ್ಗಳಿಗೂ ಹೆರಿಗೆಯಾಗಲಿದೆ. ತಮ್ಮ ಆಸ್ಪತ್ರೆಯ ಯೂನಿಫಾರಂ ಧರಿಸಿ ಫೋಟೋಗೆ ಪೋಸ್ ನೀಡಿರುವ ಈ ಫೋಟೋ ಸಾಮಾಜಿಕ ಜಾಲತಾಣಗಳಲ್ಲೂ ಹರಿದಾಡುತ್ತಿದೆ.
ಈ ಹಿಂದೆ ಅಮೆರಿಕದ ಅರಿಜೋನಾ ಆಸ್ಪತ್ರೆಯ ಐಸಿಯುನಲ್ಲಿ ಕಾರ್ಯ ನಿರ್ವಹಿಸುತ್ತಿದ್ದ 16 ನರ್ಸ್ಗಳು ಏಕಕಾಲಕ್ಕೆ ಗರ್ಭಿಣಿಯರಾಗಿದ್ದ ವಿಷಯ ಹೊರಬಿದ್ದಿತ್ತು. ಕಳೆದ ವರ್ಷ 16 ನರ್ಸ್ಗಳು ಒಂದೇ ಬಾರಿ ಗರ್ಭಿಣಿಯರಾಗಿದ್ದು, ಕೆಲವೇ ದಿನಗಳ ಅಂತರದಲ್ಲಿ ಮಗುವಿಗೆ ಜನ್ಮ ನೀಡಿದ್ದರು. ಇದೀಗ ಪೋರ್ಟ್ಲೆಂಡ್ನಲ್ಲಿ ಕೂಡ ಇಂಥದ್ದೇ ಘಟನೆ ಹೊರಬಿದ್ದಿದೆ.
Comments are closed.