ಇಸ್ಲಾಮಾಬಾದ್ : ಆಲ್ ಆಜಿಜ್ ಪ್ರಕರಣಕ್ಕೆ ಸಂಬಂಧಿಸಿದಂತೆ ಭ್ರಷ್ಟಾಚಾರ ವಿರೋಧಿ ನ್ಯಾಯಾಲಯ ಪಾಕ್ ಮಾಜಿ ಪ್ರಧಾನಿ ನವಾಜ್ ಶರೀಫ್ ಅವರಿಗೆ ಏಳು ವರ್ಷ ಜೈಲು ಶಿಕ್ಷೆ ವಿಧಿಸಿ ಆದೇಶ ಹೊರಡಿಸಿದೆ. ಇದೇ ವೇಳೆ ಫ್ಲಗ್ ಶಿಪ್ ಪ್ರಕರಣದಲ್ಲಿ ಅವರನ್ನು ನಿರ್ದೋಷಿ ಎಂದು ತೀರ್ಮಾನಿಸಿದೆ.
ಫ್ಲಗ್ ಶಿಪ್ ಹಾಗೂ ಆಲ್ ಆಜಿಜ್ ಪ್ರಕರಣವನ್ನು ಸೋಮವಾರದೊಳಗೆ ಇತ್ಯರ್ಥ ಪಡಿಸಬೇಕೆಂದು ಸುಪ್ರೀಂ ಕೋರ್ಟ್ ಡೆಡ್ಲೈನ್ ನೀಡಿತು.
ಕಳೆದ ವಾರ ಈ ಕುರಿತು ತೀರ್ಪು ಕಾಯ್ದಿರಿಸಿದ್ದ ಅಕೌಂಟಬಿಲಿಟಿ ನ್ಯಾ. ಮಹಮ್ಮದ್ ಆರ್ಶದ್ ಮಲ್ಲಿಕ್ ಇಂದು ತೀರ್ಪು ನೀಡಿದ್ದಾರೆ.
ತೀರ್ಪಿಗೆ ಮುಂಚೆ ಮಾತನಾಡಿದ ಶರೀಫ್ ನನಗೆ ಯಾವುದೇ ಭಯವಿಲ್ಲ. ಇದರಲ್ಲಿ ನನ್ನ ಯಾವುದೇ ತಪ್ಪು ಇಲ್ಲ. ನಾನು ದೇಶಕ್ಕಾಗಿ ಪ್ರಾಮಾಣಿಕ ಸೇವೆ ಸಲ್ಲಿಸಿದ್ದು, ನನ್ನ ಆತ್ಮಸಾಕ್ಷಿಗೆ ಅನುಗುಣವಾಗಿ ಕಾರ್ಯನಿರ್ವಹಿಸಿದ್ದೇವೆ. ಪ್ರಕರಣಕ್ಕೆ ಸಂಬಂಧಿಸಿದಂತೆ ನನ್ನ ವಿರುದ್ಧ ಯಾವುದೇ ಸಾಕ್ಷ್ಯಗಳು ಇಲ್ಲ ಎಂದಿದ್ದರು.
ತೀರ್ಪಿನ ಬಗ್ಗೆ ಪ್ರತಿಕ್ರಿಯಿಸಿದರು ಅವರು, ಈ ಶಿಕ್ಷೆಗೆ ಕಾರಣವಾದ ಆರೋಪಗಳನ್ನು ರಾಜಕೀಯವಾಗಿ ಪ್ರೇರೆಪಿಸಲಾಗಿದೆ ಎಂದಿದ್ದಾರೆ.
ಈ ಹಿಂದೆ ಪನಾಮ ಪೇಪರ್ನಲ್ಲಿ ಶರೀಫ್ ಅಕ್ರಮ ಹಣಗಳಿಸಿ ಲಂಡನ್ನಲ್ಲಿ ಐಷಾರಾಮಿ ಬಂಗಲೆ ಮತ್ತು ಆಸ್ತಿ ಮಾಡಿದ್ದಾರೆ ಎಂಬ ಆರೋಪದ ಮೇಲೆ ಇದೇ ನ್ಯಾಯಾಲಯ ಅವರಿಗೆ 10 ವರ್ಷ ಸೆರೆವಾಸ ಶಿಕ್ಷೆ ವಿಧಿಸಿತು.
Comments are closed.