ನೌಕಾಯಾನದ ಬಗ್ಗೆ ವಿದೇಶಿಗರಿಗೆ ಅತೀವ ಕುತೂಹಲ. ಜತೆಗೆ ಐಷಾರಾಮಿ ಬದುಕನ್ನೂ ಅವರು ಬಯಸುತ್ತಾರೆ. ಹೀಗಾಗಿ ವಿದೇಶಿ ಸಂಸ್ಥೆಗಳು ದೈತ್ಯಾಕಾರದ ಹಡಗುಗಳನ್ನು ನಿರ್ವಿುಸುವುದರಲ್ಲಿ ಪೈಪೋಟಿಗೆ ಬಿದ್ದಂತಿವೆ. ಬ್ರಿಟನ್ನ ನೌಕಾಯಾನ ಸಂಸ್ಥೆ ‘ರಾಯಲ್ ಕೆರಿಬಿಯನ್’ ಜಗತ್ತಿನ ಅತಿ ದೊಡ್ಡ ಪ್ರವಾಸಿ ಹಡಗು (ಕ್ರೂಸ್ಶಿಪ್) ಸಿದ್ಧಪಡಿಸುತ್ತಿದೆ. ‘ಸಿಂಫೋನಿ ಆಫ್ ದಿ ಸೀಸ್’ ಹೆಸರಿನ ಕ್ರೂಸ್ ಹಡಗು, 18 ಡೆಕ್ಗಳನ್ನು ಹೊಂದಿದೆ. 959 ಮಿಲಿಯನ್ ಬ್ರಿಟನ್ ಪೌಂಡ್ ವೆಚ್ಚದಲ್ಲಿ (ಅಂದಾಜು 86,79,07,16,203 ರೂ.) ನಿರ್ವಣವಾಗುತ್ತಿರುವ ಈ ಹಡಗು ಮಾರ್ಚ್ನಲ್ಲಿ ಸಿದ್ಧವಾಗಿ ಮೊದಲ ಪ್ರಯಾಣ ಕೈಗೊಳ್ಳಲಿದೆ.
8,000 ಜನರಿಗೆ ಆರಾಮವಾಗಿ ತಂಗಲು ಅವಕಾಶವಿದ್ದು, ಹಡಗು 1,188 ಅಡಿ ಉದ್ದವಿದೆ. ಒಟ್ಟು 2,28,081 ಟನ್ ತೂಕವಿದ್ದು, ನಿರ್ಮಾಣ ಪೂರ್ತಿಯಾದ ಬಳಿಕ ಇನ್ನಷ್ಟು ಭಾರವಾಗಲಿದೆ. ಫ್ರಾನ್ಸ್ನ ಸೇಂಟ್ ನಾಝಿರೆ ಶಿಪ್ಯಾರ್ಡ್ನಲ್ಲಿ ಹಡಗು ನಿರ್ವಣವಾಗುತ್ತಿದ್ದು, 20 ರೆಸ್ಟೋರೆಂಟ್ಗಳು, 6 ಬಾರ್ಗಳು, ವಿವಿಧ ಗೇಮ್ ಮಿನಿ ಗಾಲ್ಪ್ ಕೋರ್ಸ್, ಬಾಸ್ಕೆಟ್ಬಾಲ್ ಅಂಕಣ, ಬೃಹತ್ ಥಿಯೇಟರ್ ಸಹಿತ ಹಲವು ಸೌಲಭ್ಯಗಳನ್ನು ಹೊಂದಿದೆ. ವಿಶೇಷವೆಂದರೆ ಈ ಹಡಗಿನಲ್ಲಿ 23 ಈಜುಕೊಳಗಳಿವೆ. ಹಲವು ವಾಟರ್ ಸ್ಲೆೈಡ್ಗಳಿದ್ದು, ಈ ಪೈಕಿ ಒಂದು 100 ಅಡಿ ಎತ್ತರವಿದ್ದು, ಹಡಗಿನಲ್ಲಿರುವ ಅತಿ ಎತ್ತರದ ವಾಟರ್ ಸ್ಲೆೈಡ್ ಎನಿಸಿದೆ.
Comments are closed.