ಇದು ಪ್ರಪಂಚದ ಅತಿ ಕೆಟ್ಟ ಜೈಲುಗಳಲ್ಲಿ ಒಂದು. ಇಲ್ಲಿನ ಖೈದಿಗಳ ಸ್ಥಿತಿ ಹೇಗಿದೆ ಗೊತ್ತಾ?

ಮನೀಲಾ: ಪ್ರಪಂಚದಲ್ಲಿಯ ಅತಿ ಕೆಟ್ಟ ಜೈಲು ಹೇಗಿದೆ ಮತ್ತು ಎಲ್ಲಿದೆ ಎಂಬುದರ ಮಾಹಿತಿ ಈ ಸುದ್ದಿ ಓದಿದರೆ ಗೊತ್ತಾಗುತ್ತದೆ ಮತ್ತು ಜೈಲಿನಲ್ಲಿರುವ ಖೈದಿಗಳು ಯಾವ ತೊಂದರೆಗಳನ್ನು ಅನುಭವಿಸುತ್ತಿದ್ದಾರೆ ಎಂಬುದು ತಿಳಿಯುತ್ತದೆ.

ಈ ಜೈಲು ಇರುವುದು ಪಿಲಿಫೈನ್ ದೇಶದ ಕ್ವಿಜೊನ್ ಎಂಬಲ್ಲಿ. ಜಿಲ್ಲೆಯ ಸಿಟಿ ಕಾರಾಗೃಹದ ಕಥೆಯಿದು. ಇತ್ತೀಚಿಗೆ ಪಿಲಿಫೈನ್ಸ್ ದೇಶದಲ್ಲಿ ಮಾದಕ ವಸ್ತುಗಳ ಸೇವನೆಯಿಂದ ಒಂದು ವರ್ಷದ ಅವಧಿಯಲ್ಲಿ 8 ಸಾವಿರ ಜನರು ಸಾವನ್ನಪ್ಪಿದ್ದಾರೆ. ಹಾಗೂ ಅನೇಕರು ತಮ್ಮ ತಪ್ಪು ಒಪ್ಪಿಕೊಂಡು ಪೊಲೀಸರಿಗೆ ಶರಣಾಗಿದ್ದಾರೆ. ಆದ್ದರಿಂದ ಜೈಲು ಖೈದಿಗಳಿಂದ ತುಂಬಿ ತುಳುಕುತ್ತಿದೆ. ಕಳೆದ ನಾಲ್ಕು ತಿಂಗಳಿಂದ ಈ ಜೈಲಿನಲ್ಲಿ ಖೈದಿಗಳ ಸಂಖ್ಯೆ ದಿನೇ ದಿನೇ ಹೆಚ್ಚಾಗುತ್ತಿದೆ.

ಹೇಗಿದೆ ಜೈಲು: ಕ್ವಿಜೋನ್ ಸಿಟಿ ಕಾರಾಗೃಹದಲ್ಲಿ 800 ಖೈದಿಗಳನ್ನ ಹೊಂದೋ ಸಾಮಥ್ಯ೵ವಿದೆ. ಆದರೆ ಪ್ರಸ್ತುತ ಜೈಲಿನಲ್ಲಿ 3800ಕ್ಕೂ ಹೆಚ್ಚು ಖೈದಿಗಳು ಇದ್ದಾರೆ. ಒಂದು ಸೆಲ್‍ನಲ್ಲಿ 20 ಜನ ಇರಬಹುದಾದ ಸ್ಥಳದಲ್ಲಿ ಸದ್ಯ 160 ರಿಂದ 200 ಖೈದಿಗಳನ್ನು ಇರಿಸಲಾಗಿದೆ. ಈ ಜೈಲಿನಲ್ಲಿ ಖೈದಿಗಳಿಗೆ ಮಲಗಲು ಖಾಲಿ ಜಾಗ ಸಹ ಸಿಗುವುದಿಲ್ಲ. ಅಂತಹ ಪರಿಸ್ಥತಿಯಲ್ಲಿ ಜೈಲು ಭರ್ತಿಯಾಗಿದೆ. ಜೈಲಿನಲ್ಲಿ ಖೈದಿಗಳು ಧರಿಸುವ ಹಳದಿ ಬಣ್ಣದ ಯುನಿಫಾರ್ಮ್ ಸಹ ಕೆಲವೊಬ್ಬರಿಗೆ ಸಿಗುತ್ತಿಲ್ಲ. ಜೈಲಿನಲ್ಲಿ ಪರಿಮಿತ ಪ್ರಮಾಣದಲ್ಲಿ ಲಭ್ಯವಿರುವ ಸೌಲಭ್ಯಗಳನ್ನು ಪಡೆಯಲು ಖೈದಿಗಳಲ್ಲಿ ಪೈಪೋಟಿ ನಡೆಯುತ್ತದೆ.

ಈ ಕಾರಾಗೃಹವನ್ನು 60ರ ದಶಕದಲ್ಲಿ ನಿರ್ಮಿಸಲಾಗಿತ್ತು. ಮೊದಲು ಇಲ್ಲಿ ಕೋರ್ಟ್‍ನಲ್ಲಿ ವಿಚಾರಣೆ ಎದುರಿಸುವ ಅಪರಾಧಿಗಳನ್ನು ಇರಿಸುತ್ತಿದ್ದರು. ಜೈಲು ಪೂರ್ಣವಾಗಿ ಭರ್ತಿಯಾಗಿದ್ದರಿಂದ ಜೈಲಿನಲ್ಲಿ ಸ್ವಚ್ಚತೆ ಕೂಡ ಇಲ್ಲ.

ಇಲ್ಲಿಯ ವಾಸ ನರಕ ಯಾತನೆ: ಈ ಜೈಲಿನಲ್ಲಿ ಶಿಕ್ಷೆ ಅನುಭವಿಸಿದ ಅನೇಕ ಖೈದಿಗಳು ಇಲ್ಲರಿವುದು ನರಕದಲ್ಲಿ ಇದ್ದಂತೆ ಎಂದಿದ್ದಾರೆ. ಮತ್ತೆ ಕೆಲ ಖೈದಿಗಳು ಇಲ್ಲಿಯ ಪ್ರತಿ ಕ್ಷಣವೂ ಜೀವನದ ಕೊನೆಯ ಕ್ಷಣದಂತೆ ಆಗಿತ್ತು. ಇಲ್ಲಿ ಊಟವನ್ನು ನಿಗಧಿತ ಸಮಯದಲ್ಲಿ ನೀಡುತ್ತಿರಲಿಲ್ಲ. ಎಂದು ತಮ್ಮ ಅನುಭವ ಹಂಚಿಕೊಂಡಿದ್ದಾರೆ.