ಇಸ್ಲಾಮಾಬಾದ್: ದೇಶಭಕ್ತಿಗೂ ಧರ್ಮಕ್ಕೂ ತಾಳೆ ಹಾಕಬೇಡಿ ಎಂದು ಪಾಕಿಸ್ತಾನದ ಹಿಂದೂ ಸಂಸದ ಲಾಲ್ ಮಾಲ್ಹಿ ಮನವಿ ಮಾಡಿದ್ದಾರೆ.
ಸಂಸತ್ ಅಧಿವೇಶನದಲ್ಲಿ ಭಾವನಾತ್ಮಕ ಭಾಷಣ ಮಾಡಿದ, ಮಾಲ್ಹಿ,”ನನ್ನನ್ನು ಪದೇಪದೆ ಗೋಪೂಜೆ ಮಾಡುವವರು ಎಂದು ಹಂಗಿಸಲಾಗುತ್ತದೆ. ಹೌದು ನಾನು ಹಿಂದೂ ಗೋಪೂಜೆ ಮಾಡುವುದು ನನ್ನ ಹಕ್ಕು. ಅದನ್ನು ಯಾರೂ ಪ್ರಶ್ನಿಸುವುದಕ್ಕಾಗದು,” ಎಂದರು.
”ಪಾಕಿಸ್ತಾನದಲ್ಲಿರುವ ಹಿಂದೂ ಕೂಡ ಪಾಕಿಸ್ತಾನಿ ಪೌರನೇ. ಅದರಲ್ಲಿ ಯಾವುದೇ ಸಂಶಯ ಬೇಡ,” ಎಂದು ಖಡಕ್ ಉತ್ತರ ನೀಡಿದರು.
ಭಾರತವನ್ನು ಟೀಕಿಸುವ ಬದಲು, ಕಾರಣವಿಲ್ಲದೆ ಹಿಂದೂಗಳನ್ನು ಟೀಕಿಸಲಾಗುತ್ತದೆ. ಇತ್ತೀಚೆಗೆ ಹಿಂದೂ ಹದಿಹರೆಯದ ಹುಡುಗಿಯ ಅಪಹರಣ ಮತ್ತು ಬಲವಂತದ ಮತಾಂತರದ ಬಗ್ಗೆ ಯಾರೂ ಚರ್ಚಿಸಲು ಸಿದ್ಧರಿಲ್ಲ ಎಂದು ಕಟುವಾಗಿ ಮಾತನಾಡಿದ ವಿಡಿಯೋ ಯುಟ್ಯೂಬ್‌ನಲ್ಲಿ ಅಪ್‌ಲೋಡ್ ಆಗಿದ್ದು ಕೆಲವೇ ತಾಸುಗಳಲ್ಲಿ ಬಹಳಷ್ಟು ಮಂದಿ ಅದನ್ನು ವೀಕ್ಷಿಸಿದ್ದಾರೆ.
