ದೇಶದ 32 ಜಿಲ್ಲೆಗಳಿಂದ ಕೊರೋನಾ ಅಬ್ಬರ: ಈ ಪಟ್ಟಿಯಲ್ಲಿ ಬೆಂಗಳೂರು!

ನವದೆಹಲಿ: ದೇಶದ ಮಹಾರಾಷ್ಟ್ರ, ತಮಿಳುನಾಡು, ಪಶ್ಚಿಮ ಬಂಗಾಳ ಮತ್ತು ಇತರ ಮೂರು ರಾಜ್ಯಗಳಲ್ಲಿ ಒಟ್ಟು ಕೊರೊನಾವೈರಸ್ ಸಾವುಗಳಲ್ಲಿ ಶೇ.86ರಷ್ಟಿದ್ದು, 32 ಜಿಲ್ಲೆಗಳಲ್ಲಿಯೇ ಶೇ. 80ರಷ್ಟು ಸಾವು ಸಂಭವಿಸಿದೆ.

ಕೋವಿಡ್ ಪರಿಸ್ಥಿತಿ ಪರಿಶೀಲನೆಗೆ ರಚನೆಯಾಗಿರುವ ಉನ್ನತ ಮಟ್ಟದ ಸಚಿವರ ತಂಡ (ಜಿಓಎಂ) ಗೆ ಸರ್ಕಾರದ ಕ್ರಮಗಳ ಕುರಿತು ವಿವರ ನೀಡಿದ ಕೇಂದ್ರ ಆರೋಗ್ಯ ಸಚಿವ ಡಾ.ಹರ್ಷವರ್ಧನ್, ವಿಶ್ವದ ಅತಿ ಹೆಚ್ಚು ಸೋಂಕು ಪೀಡಿತ ಐದು ದೇಶಗಳೀಗೆ ಹೋಲಿಸಿದರೆ ಭಾರತದಲ್ಲಿ ಅತಿ ಕಡಿಮೆ ಸೋಂಕಿನ ಪ್ರಮಾಣವಿದೆ ಎಂದಿದ್ದಾರೆ.

ದೇಶದೊಳಗೆ, ಮಹಾರಾಷ್ಟ್ರ, ತಮಿಳುನಾಡು, ದೆಹಲಿ, ಕರ್ನಾಟಕ, ತೆಲಂಗಾಣ, ಆಂಧ್ರಪ್ರದೇಶ, ಉತ್ತರ ಪ್ರದೇಶ ಮತ್ತು ಗುಜರಾತ್ ನಂತಹ 8 ರಾಜ್ಯಗಳು ಒಟ್ಟು ಸೋಂಕಿನ ಪ್ರಮಾಣಕ್ಕೆ ಶೇ. 90ರಷ್ಟು ಮತ್ತು 49 ಜಿಲ್ಲೆಗಳು ಶೇ. 80ರಷ್ಟು ಸಕ್ರಿಯ ಕೊಡುಗೆ ನೀಡಿವೆ. ಮಹಾರಾಷ್ಟ್ರ, ದೆಹಲಿ, ಗುಜರಾತ್, ತಮಿಳುನಾಡು, ಉತ್ತರ ಪ್ರದೇಶ ಮತ್ತು ಪಶ್ಚಿಮ ಬಂಗಾಳದಲ್ಲಿ ಸಾವಿನ ಪ್ರಮಾಣ ಶೇ.86 ರಷ್ಟಿದೆ, ಮತ್ತು 32 ಜಿಲ್ಲೆಗಳಲ್ಲಿ ಶೇ. 80ರಷ್ಟು ಸಾವು ಸಂಭವಿಸಿದೆ ಎಂದು ಮಾಹಿತಿ ನೀಡಿದರು.

ದೇಶ ಅನ್ಲಾಕ್ 2.0ನತ್ತ ಸಾಗುತ್ತಿರುವಾಗ, ಕಟ್ಟುನಿಟ್ಟಾದ ನಿಯಂತ್ರಣ ಕ್ರಮಗಳು ಮತ್ತು ಕಣ್ಗಾವಲುಗಳನ್ನು ಹೆಚ್ಚಿಸಲಾಗಿದೆ. ಪೂರ್ಣ ಪರೀಕ್ಷಾ ಸಾಮರ್ಥ್ಯದ ಬಳಕೆ, ವಯಸ್ಕ ಜನಸಂಖ್ಯೆಯ ಮೇಲ್ವಿಚಾರಣೆ ಮತ್ತು ಆರೋಗ್ಯಾ ಸೇತು ಮುಂತಾದ ಡಿಜಿಟಲ್ ಪರಿಕರಗಳನ್ನು ನಿಯಂತ್ರಿಸುವ ಹಾಟ್‌ಸ್ಟಾಪ್‌ಗಳ ನಿರ್ವಹಣೆಯತ್ತ ಗಮನಹರಿಸಲಾಗಿದೆ ಎಂದರು.

ಹಲವು ಪ್ರದೇಶಗಳಲ್ಲಿ ಅಗತ್ಯ ಚಟುವಟಿಕೆಗಳೊಂದಿಗೆ ಮಾತ್ರ ಅನುಮತಿಸಲಾಗುವುದು. ತೀವ್ರವಾದ ಸಂಪರ್ಕ ಪತ್ತೆಹಚ್ಚುವಿಕೆ, ಮನೆ-ಮನೆಗೆ ಹುಡುಕಾಟ , ಕಣ್ಗಾವಲು ಮತ್ತು ಕಂಟೈನ್‌ಮೆಂಟ್ ವಲಯಗಳ ಹೊರಗೆ ಬಫರ್ ವಲಯಗಳನ್ನು ಗುರುತಿಸಲಾಗುವುದು.

ಕೇಂದ್ರ ಮತ್ತು ರಾಜ್ಯ, ಕೇಂದ್ರಾಡಳಿತ ಪ್ರದೇಶಗಳ ಸಲಹೆಗಳನ್ನು ತೆಗೆದುಕೊಳ್ಳಲಾಗುತ್ತಿದೆ. ಸಾರ್ವಜನಿಕ ಆರೋಗ್ಯ ತಜ್ಞರ ಕೇಂದ್ರ ತಂಡಗಳು ಹೆಚ್ಚು ಪೀಡಿತ ರಾಜ್ಯಗಳಿಗೆ ನಿಯಮಿತವಾಗಿ ಭೇಟಿ ನೀಡುತ್ತಿವೆ ಮತ್ತು ಸಂಪುಟ ಕಾರ್ಯದರ್ಶಿಯ ನೇತೃತ್ವದಲ್ಲಿ ಎಲ್ಲಾ ರಾಜ್ಯಳಲ್ಲಿ ಪರೀಕ್ಷೆ ಹೆಚ್ಚಳ ಹಾಗೂ ಮರಣ ಪ್ರಮಾಣ ಕಡಿಮೆಗೊಳಿಸಲು ಪ್ರಯತ್ನಿಸಲಾಗುವುದು ಎಂದರು.

ದೇಶದ ಕೋವಿಡ್ -19 ಆರೋಗ್ಯ ಮೂಲಸೌಕರ್ಯ ಕುರಿತು ವಿವರಿಸಿದ ಅವರು, ದೇಶದಲ್ಲಿ ಒಟ್ಟು ದೇಶದಲ್ಲಿ 3,77,737 ಪ್ರತ್ಯೇಕ ಹಾಸಿಗೆಗಳು (ಐಸಿಯುರಹಿತ), 39,820 ಐಸಿಯು ಹಾಸಿಗೆಗಳು ಮತ್ತು 1,42,415 ಆಮ್ಲಜನಕ ಬೆಂಬಲಿತ ಹಾಸಿಗೆಗಳಿವೆ. ಜೊತೆಗೆ 20,047 ವೆಂಟಿಲೇಟರ್‌ಗಳಿವೆ. ಹೆಲ್ತ್‌ಕೇರ್ ಲಾಜಿಸ್ಟಿಕ್ಸ್ ವಿಷಯದಲ್ಲಿ, ಒಟ್ಟು 213.55 ಲಕ್ಷ ಎನ್ 95 ಮುಖವಾಡಗಳು, 120.94 ಲಕ್ಷ ಪಿಪಿಇಗಳು ಮತ್ತು 612.57 ಲಕ್ಷ ಎಚ್‌ಸಿಕ್ಯು ಮಾತ್ರೆಗಳನ್ನು ವಿತರಿಸಲಾಗಿದೆ ಎಂದರು.

ಸಾಂಕ್ರಾಮಿಕ ಸಮಯದಲ್ಲಿ ಭಾರತದಲ್ಲಿ ಕೈಗೊಂಡ ಕಣ್ಗಾವಲು ಪ್ರಯತ್ನಗಳ ಬಗ್ಗೆ ವಿವರವಾದ ವರದಿಯನ್ನು (ರಾಷ್ಟ್ರೀಯ ರೋಗ ನಿಯಂತ್ರಣ ಕೇಂದ್ರ) ನಿರ್ದೇಶಕ ಡಾ.ಸುಜೀತ್ ಕೆ ಸಿಂಗ್ ಮಂಡಿಸಿದರು. ಜ್ವರ ಮತ್ತು ಉಸಿರಾಟದ ಸಮಸ್ಯೆಯುಳ್ಳ ಪ್ರಕರಣಗಳ ಕಟ್ಟುನಿಟ್ಟಾದ ನಿಗಾ, ಸೆರೋಲಾಜಿಕಲ್ ಸಮೀಕ್ಷೆ ಮತ್ತು ದೇಶಾದ್ಯಂತದ ಪರೀಕ್ಷೆಯನ್ನು ವಿಸ್ತರಿಸುವ ವಿವರಗಳನ್ನು ನೀಡಲಾಯಿತು.

ಶಕ್ತ ಗುಂಪು -8 (ಮಾಹಿತಿ, ಸಂವಹನ ಮತ್ತು ಸಾರ್ವಜನಿಕ ಜಾಗೃತಿ ಕುರಿತು) ಅಧ್ಯಕ್ಷ ಅಮಿತ್ ಖರೆ, ಮಾಹಿತಿಯ ಸಂವಹನ ಮತ್ತು ಸಾರ್ವಜನಿಕರಲ್ಲಿ ಜಾಗೃತಿ ಮೂಡಿಸುವಲ್ಲಿ ತೆಗೆದುಕೊಂಡ ಪ್ರಮುಖ ಕ್ರಮಗಳ ಬಗ್ಗೆ ಸರ್ಕಾರಕ್ಕೆ ವಿವರಿಸಿದರು. ಈ ಸಮಯದಲ್ಲಿ 6,755 ನಕಲಿ ಸುದ್ದಿಗಳ ವಿವರ ನೀಡಲಾಯಿತು. ಈ ತಂಡ 98 ದೈನಂದಿನ ಕೋವಿಡ್ -19 ಬುಲೆಟಿನ್‌ಗಳು, 92 ಮಾಧ್ಯಮ ವಿವರಣೆಗಳು ಮತ್ತು 2,482 ಪತ್ರಿಕಾ ಪ್ರಕಟಣೆಗಳಿಗೆ ಸಹಕರಿಸಿದೆ ಎಂದರು.

ದೇಶದಲ್ಲಿ ಸೋಂಕು ಸಮುದಾಯಕ್ಕೆ ಹರಡಿಲ್ಲ:
ದೇಶದಲ್ಲಿ ಕೊರೊನಾ ವೈರಸ್ ಹರಡುತ್ತಿರುವ ಬಗ್ಗೆ ಕೇಂದ್ರ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಸಚಿವ ಹರ್ಷವರ್ಧನ್ ಇಂದು ಅಂಕಿ ಅಂಶ ನೀಡುವ ಮೂಲಕ ವೈರಸ್ ಸಮುದಾಯ ಪ್ರಸರಣಗೊಂಡಿಲ್ಲ ಎಂದು ಸ್ಪಷ್ಟಪಡಿಸಿದ್ದಾರೆ. ಕೇವಲ ೮ ರಾಜ್ಯಗಳಲ್ಲಿ ಮಾತ್ರ ಶೇ ೯೦ ರಷ್ಟು ಸಕ್ರಿಯ ಪ್ರಕರಣಗಳು ಇವೆ ಎಂದು ಅವರು ಹೇಳಿದ್ದಾರೆ.

ದೇಶದಲ್ಲಿ ಇಂದು ಅತ್ಯಧಿಕ ಸಂಖ್ಯೆಯಲ್ಲಿ ೨೪.೮೭೯ ಪ್ರಕರಣಗಳು ವರದಿಯಾಗಿರುವ ಹಿನ್ನಲೆಯಲ್ಲಿ ಆರೋಗ್ಯ ಸಚಿವರು ಹೇಳಿಕೆ ಮಹತ್ವ ಪಡೆದುಕೊಂಡಿದೆ. ಮಹಾರಾಷ್ಟ್ರ, ತಮಿಳುನಾಡು, ಕರ್ನಾಟಕ, ದೆಹಲಿ, ತೆಲಂಗಾಣ, ಉತ್ತರ ಪ್ರದೇಶ ಹಾಗೂ ಆಂಧ್ರ ಪ್ರದೇಶ ರಾಜ್ಯಗಳಲ್ಲಿ ಅತ್ಯಂತ ಹೆಚ್ಚಿನ ಪ್ರಮಾಣದಲ್ಲಿ ಕೊರೊನಾ ವೈರಸ್ ಪ್ರಕರಣಗಳು ವರದಿಯಾಗಿವೆ ಎಂದು ಸಚಿವರು ವಿವರಿಸಿದ್ದಾರೆ.

ದೇಶದಲ್ಲಿ ಸೋಂಕು ಪ್ರಕರಣಗಳು ದ್ವಿಗುಣಗೊಳ್ಳುತ್ತಿರುವ ಅವಧಿ ೨೧.೮ಕ್ಕೆ ತಲುಪಿದೆ ಎಂದು ಸಚಿವರು ತಿಳಿಸಿದ್ದಾರೆ. ದೇಶದಲ್ಲಿ ಈವರೆಗೆ ಸೋಂಕು ಸಮುದಾಯ ಪ್ರಸರಣಗೊಂಡಿಲ್ಲ. ಆರು ರಾಜ್ಯಗಳಲ್ಲಿ ಶೇ ೮೬ ರಷ್ಟು ಸಾವುಗಳು ವರದಿಯಾಗಿವೆ. ಪ್ರಸ್ತುತ ದೇಶದಲ್ಲಿ ಕೊರೊನಾ ಸೋಂಕಿನ ಸಾವುಗಳ ಪ್ರಮಾಣ ಶೇ ೨.೭೫ರಷ್ಟಿದೆ ಎಂದು ನುಡಿದಿದ್ದಾರೆ. ಮಹಾರಾಷ್ಟ್ರದಲ್ಲಿ ಕೊರೊನಾದಿಂದ ಮೃತಪಟ್ಟವರ ಸಂಖ್ಯೆ ೫ ಸಾವಿರ ದಾಟಿದೆ.