ಯಡಿಯೂರಪ್ಪ ಪಟ್ಟಾಭಿಷೇಕಕ್ಕೆ ಹೈಕಮಾಂಡ್​ ತಡೆ​​! ಕಾದುನೋಡುವ ತಂತ್ರಕ್ಕೆ ಮೊರೆ ಹೋದ ಬಿಜೆಪಿ ನಾಯಕರು!!

ಇನ್ನೇನು ಶುಕ್ರವಾರ ಬಿಎಸ್​ವೈ ಅಧಿಕಾರದ ಗದ್ದುಗೆ ಏರಿದ್ರು ಅಂತ ಬಿಜೆಪಿ ಪಾಳಯ ಸಂಭ್ರಮದಲ್ಲಿರುವಾಗಲೇ ರಾಜ್ಯ ಬಿಜೆಪಿಗೆ ಹೈಕಮಾಂಡ್​ ಮೂಗುದಾರ ಹಾಕಿದೆ. ಹೌದು ರಾಜ್ಯ ಬಿಜೆಪಿಕಲಿಗಳ ಅತಿವೇಗಕ್ಕೆ ಬ್ರೇಕ್​ ಹಾಕಿರುವ ಹೈಕಮಾಂಡ್​ ಮತ್ತು ಆರ್​ಎಸ್​ಎಸ್​ ಒಂದಷ್ಟು ದಿನ ಕಾದು ನೋಡುವ ತಂತ್ರ ಅನುಸರಿಸಲು ಚಿಂತನೆ ನಡೆಸಿದೆ.

ಹೌದು ಸರ್ಕಾರ ರಚನೆಯ ಆತುರದಲ್ಲಿದ್ದ ಬಿಜೆಪಿಗೆ ಹೈಕಮಾಂಡ್ ಹಾಗೂ ಆರ್​ಎಸ್​ಎಸ್​​ ಬುದ್ಧಿ ಹೇಳಿದ್ದು, ಅತೃಪ್ತ ಶಾಸಕರ ರಾಜೀನಾಮೆ ವಿಚಾರ ತೀರ್ಮಾನವಾಗುವರೆಗೂ ಕಾದು ನೋಡುವ ತಂತ್ರ ಅನುಸರಿಸಲು ಮುಂದಾಗಿದೆ. ಹೀಗಾಗಿ ಬಿಜೆಪಿಯ ಶಾಸಕಾಂಗ ಸಭೆ, ರಾಜ್ಯಪಾಲರ ಭೇಟಿಯನ್ನು ಬಿಎಸ್​ವೈ ಮುಂದೂಡಿದ್ದಾರೆ.

ಸಂಜೆ ದೆಹಲಿಯಲ್ಲಿ ನಡೆಯಲಿರುವ ಸಂಸದೀಯ ಮಂಡಳಿ ಸಭೆಯಲ್ಲಿ ಹೈಕಮಾಂಡ್​ ರಾಜ್ಯದಲ್ಲಿ ಅಧಿಕಾರ ಸ್ಥಾಪಿಸುವ ಕುರಿತು ಅಂತಿಮ ತೀರ್ಮಾನಕೈಗೊಳ್ಳಲಿದ್ದು, ಈ ಸಭೆ ಬಳಿಕ ರಾಜ್ಯಕ್ಕೆ ಬಿಜೆಪಿ ಕಾರ್ಯಾಧ್ಯಕ್ಷ ಜೆ.ಪಿ.ನಡ್ಡಾ ಆಗಮಿಸಲಿದ್ದು ಬಳಿಕ ರಾಜ್ಯದ ಪ್ರಮುಖ ನಾಯಕರ ಜೊತೆ ಸಭೆ ನಡೆಸಲಿದ್ದಾರೆ.

ರಾಜೀನಾಮೆ ಸಲ್ಲಿಸಿರುವ ಅತೃಪ್ತರ ಪ್ರಕರಣದಲ್ಲಿ ಸ್ಪೀಕರ್​ ತಾಂತ್ರಿಕ ಕಾರಣಗಳನ್ನು ಒಡ್ಡಿ ರಾಜೀನಾಮೆ ಅಂಗೀಕಾರಕ್ಕೆ ಅಡ್ಡಿಪಡಿಸೋ ಸಾಧ್ಯತೆ ಇದೆ. ಕಾಂಗ್ರೆಸ್​ ಈ ತಂತ್ರದಿಂದ ಒಂದೊಮ್ಮೆ ಸರ್ಕಾರ ರಚಿಸಿದ್ರೂ ಬಿಜೆಪಿ ಮುಂದೆ ಮುಜುಗರಕ್ಕೊಳಗಾಗುವ ಸಾಧ್ಯತೆ ಇದೆ. ಹೀಗಾಗಿ ಮುಜುಗರ ತಪ್ಪಿಸಿಕೊಳ್ಳಲು ಕಾದು ನೋಡುವ ತಂತ್ರಕ್ಕೆ ಬಿಜೆಪಿ ಮನಸ್ಸು ಮಾಡಿದ್ದು, ಹೀಗಾಗಿ ಸಧ್ಯ ಬಿಎಸ್​ವೈ ಪಟ್ಟಾಭಿಷೇಕಕ್ಕೆ ಸಧ್ಯ ಬಿದ್ದಂತಾಗಿದೆ.