ನವದೆಹಲಿ : ದೆಹಲಿ ಬಿಜೆಪಿ ಘಟಕದ ಅಧಿಕೃತ ವೆಬ್ಸೈಟ್ ಹ್ಯಾಕ್ ಮಾಡಿರುವ ಘಟನೆ ನಡೆದಿದೆ. ದಿಲ್ಲಿ ಬಿಜೆಪಿ ಆರ್ಗನೈಸೇಷನ್ (delhi.bjp.org)ವೆಬ್ಸೈಟ್ ಅನ್ನು ಹ್ಯಾಕ್ ಮಾಡಿರುವ ಕಿಡಿಗೇಡಿಗಳ ತಂಡವು ಪ್ರಮುಖ ಮಾಹಿತಿ ವಿಭಾಗಗಳ ಹೆಸರುಗಳನ್ನು ಬದಲಿಸಿದ್ದಾರೆ. ಹ್ಯಾಕರುಗಳು ಬಿಜೆಪಿ ಎಂದಿರುವ ಜಾಗದಲ್ಲಿ ಬೀಫ್ ಎಂದು ನಮೂದಿಸಿ ಒಂದಷ್ಟು ಖಾದ್ಯಗಳ ಮೆನುವನ್ನು ನೀಡಿದ್ದಾರೆ.
ಹೋಮ್ ಪೇಜ್ನಲ್ಲಿ ಯಾವುದೇ ಬದಲಾವಣೆ ಮಾಡಿಕೊಳ್ಳದ ತಂಡವು, ಇತರೆ ವಿಭಾಗಗಳ ಮೇಲೆ ಕಣ್ಣಿಟ್ಟಿದ್ದಾರೆ. ಇಲ್ಲಿ ಬೀಫ್ ಹಿಸ್ಟರಿ, ಬೀಫ್ ಫ್ರೈ, ಬೀಫ್ ಕೀಮಾ ಸೇರಿದಂತೆ ಹಲವು ಭಕ್ಷ್ಯಗಳ ಹೆಸರುಗಳನ್ನು ನಮೂದಿಸಲಾಗಿದೆ. ಅಷ್ಟೇ ಅಲ್ಲದೆ ಬೀಫ್ ಪಾಕ ವಿಧಾನಗಳ ವಿಡಿಯೋಗಳನ್ನು ಅಪ್ಲೋಡ್ ಮಾಡಿದ್ದಾರೆ.
ಇಂದು ಎರಡನೇ ಬಾರಿ ಪ್ರಧಾನಿಯಾಗಿ ನರೇಂದ್ರ ಮೋದಿ ಪ್ರಮಾಣವಚನ ಸ್ವೀಕರಿಸಲಿದ್ದು, ಇದರ ಬೆನ್ನಲ್ಲೇ ಬಿಜೆಪಿ ವೆಬ್ಸೈಟ್ ಮೇಲೆ ದಾಳಿ ಮಾಡಲಾಗಿದೆ. ‘Shadow_V1P3R’ ಹೆಸರಿನ ತಂಡವೊಂದು ಹ್ಯಾಕಿಂಗ್ ನಡೆಸಿದ್ದು, ಆದರೆ ಎಲ್ಲಿಂದ ಹ್ಯಾಕಿಂಗ್ ಮಾಡಲಾಗಿದೆ ಎಂಬುದರ ಮಾಹಿತಿ ತಿಳಿದು ಬಂದಿಲ್ಲ.
ಈ ಹಿಂದೆ ಕೂಡ ಬಿಜೆಪಿ ಅಧಿಕೃತ ವೆಬ್ಸೈಟ್ ಹ್ಯಾಕ್ ಮಾಡಲಾಗಿತ್ತು. ಕಳೆದ ಬಾರಿ ಹ್ಯಾಕ್ ಮಾಡಿದ ಬಿಜೆಪಿ ವೆಬ್ಸೈಟ್ನಲ್ಲಿ ‘ವಿ ವಿಲ್ ಬ್ಯಾಕ್ ಸೂನ್ (ನಾವು ಶೀಘ್ರದಲ್ಲೇ ಮತ್ತೆ ನಿಮ್ಮನ್ನು ಸಂಪರ್ಕಿಸುತ್ತೇವೆ)’ ಎಂಬ ಮೆಸೇಜ್ ಹಾಕಿದ್ದರು. ಅದರ ಸ್ಕ್ರೀನ್ಶಾಟ್ ತೆಗೆದು ಕಾಂಗ್ರೆಸ್ ಟ್ವೀಟ್ ಮಾಡಿ ನಿಮಗೇನಾದರೂ ಬ್ಯಾಕಪ್ ಬೇಕಿದ್ದರೆ ನಾವು ಸಹಾಯ ಮಾಡುತ್ತೇವೆ ಎಂದು ಬಿಜೆಪಿಯ ಕಾಲೆದಿತ್ತು.
Comments are closed.