ಹೆಣ್ಣು ಮಗುವಿನ ತಂದೆಯಾದ ಲೂಸ್​ ಮಾದ..!

ಸ್ಯಾಂಡಲ್​ವುಡ್​ನ ಲೂಸ್​ ಮಾದ ಎಂದೇ ಖ್ಯಾತಿ ಪಡೆದಿರುವ ಯೋಗಿ ಅಪ್ಪ ಆಗಿದ್ದಾರೆ. ಸಾಹಿತ್ಯಾ ಅರಸ್​ ಹಾಗೂ ಯೋಗಿ ದಂಪತಿಗೆ ಹೆಣ್ಣು ಮಗುವಾಗಿದೆ. ಯೋಗಿ ಮೊದಲೇ ತನಗೆ ಹೆಣ್ಣು ಮಗು ಬೇಕೆಂದು ಆಸೆ ಪಟ್ಟಿದ್ದರಂತೆ. ಅದರಂತೆ ಈಗ ಅವರ ಮನೆಗೆ ಲಕ್ಷ್ಮಿ ಕಾಲಿಟ್ಟಿದ್ದಾಳೆ.

ಶುಕ್ರವಾರ ಬೆಳಿಗ್ಗೆ ಸಾಹಿತ್ಯಾ ಹೆಣ್ಣು ಮಗುವಿಗೆ ಜನ್ಮ ನೀಡಿದ್ದು, ತಾಯಿ ಹಾಗೂ ಮಗು ಆರೋಗ್ಯವಾಗಿದ್ದಾರೆ. ಈಗ ಯೋಗಿ ತಮ್ಮ ಮುದ್ದು ಮಗಳು ಮಿನಿಯ ಫೋಟೊವನ್ನು ಇನ್ಸ್​ಸ್ಟಾಗ್ರಾಂನಲ್ಲಿ ಹಂಚಿಕೊಂಡಿದ್ದಾರೆ.

ಯೋಗಿ ತಮ್ಮ ಬಾಲ್ಯದ ಗೆಳತಿ ಸಾಹಿತ್ಯಾರನ್ನು ಪ್ರೀತಿಸಿ ವಿವಾಹವಾಗಿದ್ದರು. ಇಬ್ಬರು ಬಹಳ ಸಮಯದಿಂದ ಪ್ರೀತಿಸುತ್ತಿದ್ದು, ನಂತರ ಎರಡೂ ಕಡೆಯ ಮನಯವರನ್ನು ಒಪ್ಪಿಸಿ 2017ರ ನವೆಂಬರ್​ 2ರಂದು ವಿವಾಹವಾಗಿದ್ದರು.