ಶ್ರೀನಗರ: ಕಳೆದ ಶುಕ್ರವಾರ ನಾಪತ್ತೆಯಾಗಿ ಲಷ್ಕರ್‌ ಉಗ್ರ ಸಂಘಟನೆಯನ್ನು ಸೇರಿಕೊಂಡಿರುವುದಾಗಿ ಶಂಕಿಸಲಾಗಿರುವ ಇಲ್ಲಿನ ಖಾನ್ಯಾರ್‌ ನಿವಾಸಿ ಫೈದ್‌ ಮುಷ್ತಾಕ್‌ ವಝಾ ಗೆ ಆತನ ಮನೆಯವರು, ಹಿಂಸೆ ಮತ್ತು ಭಯೋತ್ಪಾದನೆಯ ಮಾರ್ಗವನ್ನು ತ್ಯಜಿಸಿ ಮನೆಗೆ ಮರಳುವಂತೆ ಮತ್ತು ಅಸ್ವಸ್ಥರಾಗಿರುವ ತನ್ನ ಹೆತ್ತವರನ್ನು ಸೇರಿಕೊಳ್ಳುವಂತೆ ಕೋರಿದ್ದಾರೆ.
ಕಳೆದ ಶುಕ್ರವಾರ ನಾಪತ್ತೆಯಾಗಿದ್ದ ಫೈದ್‌ ಮುಷ್ತಾಕ್‌ ವಝಾ ನ ಬಂದೂಕು ಹಿಡಿದುಕೊಂಡಿರುವ ಫೋಟೋ ಸಾಮಾಜಿಕ ಮಾಧ್ಯಮಗಳಲ್ಲಿ ವೈರಲ್ ಆಗಿತ್ತು. ಆತ ಲಷ್ಕರ್‌ ಎ ತಯ್ಯಬ ಉಗ್ರ ಸಂಘಟನೆಯನ್ನು ಸೇರಿಕೊಂಡಿದ್ದಾನೆ ಎನ್ನುವುದಕ್ಕೆ ಇದು ಸಾಕ್ಷಿಯಾಗಿತ್ತು.
ಈ ಹಿನ್ನೆಲೆಯಲ್ಲಿ ವಝಾ ನ ಹೆತ್ತವರು ಜಮ್ಮು ಕಾಶ್ಮೀರದಲ್ಲಿನ ಪ್ರಸ್‌ ಎನ್‌ಕ್ಲೇವ್‌ ನಲ್ಲಿ ಸುದ್ದಿ ಗೋಷ್ಠಿ ಏರ್ಪಡಿಸಿ ತಮ್ಮ ಮಗನನ್ನು ಬಿಟ್ಟುಕೊಟ್ಟು ಮನೆಗೆ ಕಳುಹಿಸುವಂತೆ ಮತ್ತು ಅಸ್ವಸ್ಥರಾಗಿರುವ ತಮ್ಮನ್ನು ಸೇರಿಕೊಳ್ಳುವಂತೆ ಕೇಳಿಕೊಂಡರು.
ಪೊಲೀಸರು ಇದಕ್ಕೆ ಯಾವುದೇ ಪ್ರತಿಕ್ರಿಯೆ ಅಥವಾ ಹೇಳಿಕೆಯನ್ನು ನೀಡಿಲ್ಲ.
-ಉದಯವಾಣಿ
Comments are closed.