ಹೊಸದಿಲ್ಲಿ: ಅಪ್ಪಿ ತಪ್ಪಿ ತಾವು ಅರಿಯದೇ ಅಥವಾ ವಿವಿಧ ಭಾವನೆಗಳು ಅಥವಾ ಸಿಟ್ಟಿನಿಂದ ಮೆಸೇಜ್ ಕಳುಹಿಸಿದ ಬಳಿಕ ಅದನ್ನು ಕಳುಹಿಸಬಾರದಿತ್ತು ಎಂದು ಅಂದುಕೊಳ್ಳುವ ಗ್ರಾಹಕರೀಗ ಸಿಹಿ ಸುದ್ದಿ ಬಂದಿದೆ.
ಅದೇನೆಂದರೆ ಇನ್ನು ಮುಂದೆ ನೀವು ಕಳುಹಿಸಿದ ವಾಟ್ಸಪ್ ಮೆಸೇಜ್ ಡಿಲೀಟ್ ಮಾಡಬಹುದು. ಈ ಮೂಲಕ ತಮಗೆ ಎದುರಾಗುವ ಮುಜುಗರ ಹಾಗೂ ಕ್ಷಮೆ ಕೇಳುವಂತಹ ಸನ್ನಿವೇಶಗಳನ್ನು ತಪ್ಪಿಸಬಹುದಾಗಿದೆ.
ಸದ್ಯ ಕೆಲವು ಆಯ್ದ ಗ್ರಾಹಕರಿಗೆ ಮಾತ್ರ ವಾಟ್ಸಪ್ ಇಂತಹದೊಂದು ಫೀಚರ್ ಒದಗಿಸುತ್ತಿದೆ. ಇದು ಆಂಡ್ರಾಯ್ಡ್ ಸೇರಿದಂತೆ ಐಒಎಸ್, ವಿಂಡೋಸ್ ಫೋನ್ ಬಳಕೆದಾರರಿಗೂ ಲಭ್ಯವಾಗಲಿದೆ.
ಹೇಗೆ ಕೆಲಸ ಮಾಡುತ್ತದೆ?
ಬಳಕೆದಾರ ಆಕಸ್ಮಿಕವಾಗಿ ಕಳುಹಿಸಿದ ಮೆಸೇಜ್ ಡಿಲೀಟ್ ಮಾಡಿದಾಗ, ಸ್ವೀಕೃತರಿಗೆ ನಕಲಿ ಮೆಸೇಜ್ (this message was deleted for everyone ) ರವಾನೆಯಾಗುತ್ತದೆ. ಇದನ್ನು ಪಡೆದ ವ್ಯಕ್ತಿಗೆ ನೋಟಿಫಿಕೇಷನ್ ಅಲರ್ಟ್‌ನಲ್ಲಿ ಮೆಸೇಜ್ ತೋರಿಸುತ್ತಿಲ್ಲ. ಚಾಟ್ ಹಿಸ್ಟರಿನಲ್ಲೂ ವಾಟ್ಸಪ್ ಇದನ್ನು ಸೇವ್ ಮಾಡಿ ಇಟ್ಟುಕೊಳ್ಳುವುದಿಲ್ಲ.
ಇದರ ಬದಲಾಗಿ ಹಿಂದಕ್ಕೆ ಪಡೆಯಲಾದ ಆ ನಿರ್ದಿಷ್ಟ ಸಂದೇಶ ಡೇಟಾಬೇಸ್‌ನಲ್ಲಿ ಇದೆಯೇ ಎಂಬುದನ್ನು ವಾಟ್ಸಪ್ ಪರಿಶೀಲಿಸಲಿದೆ. ಒಂದು ವೇಳೆ ಅಸ್ತಿತ್ವದಲ್ಲಿದ್ದರೆ ಅದನ್ನು ಹಿಂತೆಗೆದುಕೊಳ್ಳಲಿದೆ.
ಎಷ್ಟು ನಿಮಿಷದೊಳಗೆ ಡಿಲೀಟ್ ಮಾಡಬೇಕು?
ಬಳಕದಾರರಿಗೆ ತಾವು ಕಳುಹಿಸಿದ ಮೆಸೇಜ್ ಡಿಲೀಟ್ ಮಾಡಲು ಏಳು ನಿಮಿಷಗಳ ಸಮಯವನ್ನು ವಾಟ್ಸಪ್ ನೀಡುತ್ತದೆ. ಆದರೆ ಇದು ವಿಚಿತ್ರ ಅನಿಸುತ್ತಿದ್ದು, ಯಾಕೆಂದರೆ ಮೆಸೇಜ್ ಸ್ವೀಕೃತರಿಗೆ ತಲುಪಿದ ಕೆಲವೇ ಸೆಕೆಂಡುಗಳಲ್ಲಿ ಅದನ್ನು ತೆರೆದು ಓದುವ ಸಾಧ್ಯತೆಯಿರುತ್ತದೆ. ಹಾಗಾಗಿ ಬಳಕೆದಾರ ತಮ್ಮ ತಪ್ಪನ್ನು ಅರಿತು ತ್ವರಿತ ಗತಿಯಲ್ಲಿ ಮೆಸೇಜ್ ಡಿಲೀಟ್ ಮಾಡಬೇಕಾಗುತ್ತದೆ.
Comments are closed.