ಮಂಗಳಮುಖಿಯರಿಗೆ ಮೂರನೇ ಲಿಂಗವಾಗಿ ಐ.ಆರ್.ಸಿ.ಟಿ.ಸಿ ಅರ್ಜಿಯಲ್ಲಿ ಸೇರ್ಪಡೆ

ದೆಹಲಿ: ಭಾರತೀಯ ರೈಲ್ವೆ ಮತ್ತು ಐ.ಆರ್.ಸಿ.ಟಿ.ಸಿಯು ಮುಂಗಡ ಟಿಕೆಟ್ ಹಾಗೂ ರದ್ದುಗೊಳಿಸುವ ಅರ್ಜಿಯಲ್ಲಿ ಪುರುಷ ಹಾಗೂ ಮಹಿಳೆಯೊಂದಿಗೆ ತೃತೀಯ ಲಿಂಗಿಯರನ್ನು ಸೇರ್ಪಡೆಗೊಳಿಸಿದೆ.

ದೆಹಲಿ ಮೂಲದ ವಕೀಲರೊಬ್ಬರು ದೆಹಲಿ ಹೈ.ಕೋ ನಲ್ಲಿ ಕಳೆದ ಫೆಬ್ರವರಿಯಲ್ಲಿ ದಾವೆ ಹೂಡಿದ್ದರು. ಈ ನಿಟ್ಟಿನಲ್ಲಿ, ಕೋರ್ಟ್ ಸಹ ರೈಲ್ವೆ ಇಲಾಖೆಯಲ್ಲೂ ಅರ್ಜಿ ಕುರಿತಂತೆ ಮಾತುಕತೆ ನಡೆಸಲು ತಿಳಿಸಿತ್ತು.

ಏಪ್ರಿಲ್ 2014 ರ ಅಪೇಕ್ಸ್ ನ್ಯಾಯಾಲಯದ ನಿರ್ದೇಶನದ ಮೇರೆಗೆ, ಸಚಿವಾಲಯವು, ಹಕ್ಕು ರಕ್ಷಣೆಯಡಿಯಲ್ಲಿ ಹಿಜ್ಡಾಗಳಿಗೆ ತೃತೀಯ ಲಿಂಗಿಗಳು ಎಂಬ ಮಾನ್ಯತೆ ನೀಡಲಾಗುವುದು ಎಂದು ಹೇಳಿತ್ತು. ಸಂವಿಧಾನದ ಭಾಗ-3 ರ ಅಡಿಯಲ್ಲಿ ಹಕ್ಕುಗಳ ರಕ್ಷಣೆಗಾಗಿ, ಹಿಜಡಾಗಳಿಗೆ ತೃತೀಯ ಲಿಂಗಿ ಮಾನ್ಯತೆ ನೀಡಲು ತಮ್ಮ ಆದೇಶದಲ್ಲಿ ನಿರ್ದೇಶನ ನೀಡಿದೆ.

ಈ ಪ್ರಕಾರ, ಮುಂಗಡ ರೈಲ್ವೆ ಟಿಕೆಟ್ ಕಾಯ್ದಿರಿಸುವಿಕೆ ಹಾಗೂ ರದ್ದುಗೊಳಿಸುವ ಅರ್ಜಿಯಲ್ಲಿ ತೃತೀಯ ಲಿಂಗಿ ಸೇರ್ಪಡೆ ಮತ್ತು
ಪೂರ್ಣ ದರದ ಟಿಕೆಟ್ ನೀಡಬೇಕು ಎಂದು ಆದೇಶದಲ್ಲಿ ತಿಳಿಸಲಾಗಿದೆ. ವಕೀಲ ಜಮ್ಶೆಡ್ ಅನ್ಸಾರಿ ಅವರು, ‘ತೃತೀಯ ಲಿಂಗಿ’ ಗಳನ್ನು ಅರ್ಜಿಗಳಲ್ಲಿ ಲಿಂಗಗಳ ಪಟ್ಟಿಯಲ್ಲಿ ಸೇರಿಸದಿರುವುದಕ್ಕೆ ಐ.ಆರ್.ಸಿ.ಟಿ.ಸಿ ನ ಪರಿಚ್ಛೇದ 14,15,19 ಮತ್ತು 21 ರ ನಿಯಮ ಉಲ್ಲಂಘನೆಗಾಗಿ ಹೈ.ಕೋ ನಲ್ಲಿ ದೂರು ಸಲ್ಲಿಸಿದ್ದರು.

ಅರ್ಜಿಗಳಲ್ಲಿ ಮಾತ್ರವಲ್ಲದೆ, ರೈಲುಗಳಲ್ಲಿ ತೃತೀಯ ಲಿಂಗಿಗಳ ಸುರಕ್ಷತಾ ದೃಷ್ಟಿಯಿಂದ ವಿಶೇಷ ಬೋಗಿ ಹಾಗೂ ಸೀಟುಗಳನ್ನು
ಒದಗಿಸುವ ಕುರಿತು ಬೇಡಿಕೆ ಸಲ್ಲಿಸಿದ್ದರು. ಮುಖ್ಯ ನ್ಯಾಯಾಧೀಶ ಜಿ.ರೋಹಿಣಿ ನೇತ್ಋತ್ದ ಪೀಠವು ಅರ್ಜಿ ವಿಚಾರಣೆಗೆ ನಡೆಸಿತ್ತು.