ಪುಣೆ: ಕೊನೇ ಓವರ್ ತನಕ ಚಂಚಲೆಯಾಗಿದ್ದ ‘ವಿಜಯಲಕ್ಷಿ ್ಮ ಯನ್ನು ಅಂತಿಮ ಎಸೆತದಲ್ಲಿ ಒಲಿಸಿಕೊಂಡ ಗುಜರಾತ್ ಲಯನ್ಸ್ ತಂಡ ಐಪಿಎಲ್-9ರಲ್ಲಿ ಪುಣೆ ಸೂಪರ್ಜೈಂಟ್ಸ್ ತಂಡಕ್ಕೆ ಮತ್ತೆ ಸೋಲಿನ ಶಾಕ್ ನೀಡಿತು. ಡ್ವೇನ್ ಸ್ಮಿತ್ (63 ರನ್, 37 ಎಸೆತ, 9ಬೌಂಡರಿ, 1 ಸಿಕ್ಸರ್) ಹಾಗೂ ಬ್ರೆಂಡನ್ ಮೆಕ್ಕಲಂ (43 ರನ್, 22 ಎಸೆತ, 5 ಬೌಂಡರಿ, 2 ಸಿಕ್ಸರ್) ಅಬ್ಬರದ ಆರಂಭದಿಂದ ಸುರೇಶ್ ರೈನಾ ಪಡೆ, ಎಂಎಸ್ ಧೋನಿ ಸಾರಥ್ಯದ ತಂಡದ ವಿರುದ್ಧ 3 ವಿಕೆಟ್ಗಳಿಂದ ಜಯ ದಾಖಲಿಸಿತು. ಟೂರ್ನಿಯ 6 ಗೆಲುವುಗಳಲ್ಲಿ 5ರಲ್ಲಿ ಚೇಸಿಂಗ್ ಮೂಲಕವೇ ಯಶ ಕಂಡಿರುವ ಲಯನ್ಸ್ ತಂಡ ಅಂಕಪಟ್ಟಿಯಲ್ಲಿ ಅಗ್ರಸ್ಥಾನ ಭದ್ರಪಡಿಸಿಕೊಂಡಿದೆ.
ಮಹಾರಾಷ್ಟ್ರ ಕ್ರಿಕೆಟ್ ಸಂಸ್ಥೆ ಸ್ಟೇಡಿಯಂನಲ್ಲಿ ಶುಕ್ರವಾರ ನಡೆದ ‘ಹೊಸ’ ತಂಡಗಳ ಪಂದ್ಯದಲ್ಲಿ ಟಾಸ್ ಸೋತು ಬ್ಯಾಟಿಂಗ್ಗೆ ಇಳಿದ ಪುಣೆ ತಂಡ, ಆಸ್ಟ್ರೇಲಿಯಾ ತಂಡದ ನಾಯಕ ಸ್ಟೀವನ್ ಸ್ಮಿತ್ (101 ರನ್, 54 ಎಸೆತ, 8 ಬೌಂಡರಿ, 5 ಸಿಕ್ಸರ್) ಅಮೋಘ ಶತಕ ಹಾಗೂ ಅಜಿಂಕ್ಯ ರಹಾನೆ (53 ರನ್, 45 ಎಸೆತ, 5 ಬೌಂಡರಿ) ಸಹನೆಯ ಬ್ಯಾಟಿಂಗ್ ನೆರವಿನಿಂದ 3 ವಿಕೆಟ್ಗೆ 195 ರನ್ ಗಳಿಸಿತು. ಪ್ರತಿಯಾಗಿ ಗುಜರಾತ್ ಭರ್ಜರಿ ಆರಂಭದ ನೆರವಿನಿಂದ ಕೊನೇ ಎಸೆತದಲ್ಲಿ ಗೆಲುವಿನ ರನ್ ಕಸಿದು 7 ವಿಕೆಟ್ಗೆ 196 ರನ್ ಗಳಿಸಿ ಸಂಭ್ರಮಿಸಿತು.
ಸ್ಮಿತ್-ರಹಾನೆ ಜುಗಲ್ಬಂದಿ: ಈ ಮುನ್ನ ಬ್ಯಾಟಿಂಗ್ ಮಾಡಿದ ಪುಣೆ ಉತ್ತಮ ಆರಂಭ ಕಂಡಿರಲಿಲ್ಲ. ಸೌರಭ್ ತಿವಾರಿ (1) ನಿರೀಕ್ಷೆ ಉಳಿಸಿಕೊಳ್ಳಲು ವಿಫಲರಾದರು. ಬಳಿಕ ಎಚ್ಚರಿಕೆಯಿಂದ ಸಿಂಗಲ್ಸ್- ಡಬಲ್ಸ್ ರನ್ ಗಳಿಸುತ್ತಾ ಕ್ರೀಸಿಗಂಟಿಕೊಂಡ ರಹಾನೆ- ಸ್ಮಿತ್ ಜೋಡಿ ನಿಧಾನವಾಗಿ ಬಿರುಸಿನ ಹೊಡೆತಕ್ಕೆ ಕೈ ಹಾಕಿತು. ಈ ನಡುವೆ 29 ಎಸೆತಗಳಲ್ಲಿ ಅರ್ಧಶತಕ ಪೂರೈಸಿದ ಸ್ಮಿತ್ ಅಬ್ಬರದಾಟಕ್ಕೆ ಇಳಿದೊಡನೆ ಅನಗತ್ಯ ರನ್ಗಾಗಿ ಓಡಿದ ಅಜಿಂಕ್ಯ ರಹಾನೆ (53 ರನ್, 45 ಎಸೆತ, 5 ಬೌಂಡರಿ) ರನೌಟಾದರು. ಈ ಜೋಡಿ 2ನೇ ವಿಕೆಟ್ 111 ರನ್ ಜತೆಯಾಟವಾಡಿ ಬೃಹತ್ ಮೊತ್ತಕ್ಕೆ ನೆರವಾಯಿತು.
ಸ್ಮಿತ್-ಧೋನಿ ಬಿರುಸಿನ ಆಟ
ರಹಾನೆ ಔಟಾದ ನಂತರ ಕಣಕ್ಕಿಳಿದ ಧೋನಿ (30*ರನ್, 18 ಎಸೆತ, 2 ಬೌಂಡರಿ, 2 ಸಿಕ್ಸರ್), ಸ್ಟೀವನ್ ಸ್ಮಿತ್ ಜತೆ ಅಬ್ಬರದ ಬ್ಯಾಟಿಂಗ್ ನಿರ್ವಹಣೆ ತೋರಿ 3ನೇ ವಿಕೆಟ್ಗೆ 35 ಎಸೆತಗಳಲ್ಲಿ ಬಿರುಸಿನ 64 ರನ್ ಸೇರಿಸಿ ತಂಡದ ಮೊತ್ತವನ್ನು 200ರ ಸನಿಹ ತಂದರು. ಡ್ವೇನ್ ಬ್ರಾವೊ ಎಸೆದ ಇನಿಂಗ್ಸ್ನ ಕಡೇ ಓವರ್ನ 2ನೇ ಎಸೆತದಲ್ಲಿ ಬೌಂಡರಿ ಸಿಡಿಸಿ ಶತಕ ಪೂರೈಸಿದ ಸ್ಮಿತ್ ಮರು ಎಸೆತದಲ್ಲೇ ಔಟಾಗಿ ನಿರ್ಗಮಿಸಿದರು.
ಡ್ವೇನ್ ಸ್ಮಿತ್-ಮೆಕ್ಕಲಂ ಬ್ರೇಕಿಲ್ಲದ ಬ್ಯಾಟಿಂಗ್
ಲಯನ್ಸ್ನ ಬಿಗ್ ಟ್ರಂಪ್ ಕಾರ್ಡ್ ಸ್ಮಿತ್- ಮೆಕ್ಕಲಂ ಜೋಡಿ ಬೃಹತ್ ಸವಾಲಿಗೆ ತಕ್ಕ ಬ್ಯಾಟಿಂಗ್ ಆರಂಭಿಸಿತು. ಮೊದಲೆರಡು ಓವರ್ಗಳಲ್ಲಿ ಕೇವಲ 3 ರನ್ ದಾಖಲಿಸಿ ಶಾಂತಚಿತ್ತದಿಂದಿದ್ದ ಈ ಜೋಡಿ 3ನೇ ಓವರ್ನಲ್ಲಿ ರೌದ್ರರೂಪ ತಾಳಿತು. ಮಾರ್ಕೆಲ್ ಎಸೆದ ಓವರ್ನಲ್ಲಿ 3 ಬೌಂಡರಿ, 1 ಸಿಕ್ಸರ್ ಒಳಗೊಂಡಂತೆ 24 ರನ್ ಚಚ್ಚಿ ಅಬ್ಬರಕ್ಕೆ ಚಾಲನೆ ನೀಡಿತಲ್ಲದೆ ನೋಡ ನೋಡುತ್ತಿದ್ದಂತೆ 8 ಓವರ್ಗಳಲ್ಲಿ 93 ರನ್ ಬಾರಿಸಿ ಪುಣೆ ಬೌಲರ್ಗಳ ಬೆವರಿಸಿಳಿತು. ಏತನ್ಮಧ್ಯೆ 34 ರನ್ ಗಳಿಸಿದ್ದಾಗ ಸ್ಮಿತ್ ಕ್ಯಾಚ್ ಕೈಚೆಲ್ಲಿದ ಪೆರೇರಾ ಜೀವದಾನ ನೀಡಿದರು. ಗುಜರಾತ್ ತಂಡದ ಮೊತ್ತ 115ರೊಳಗೆ ಮೆಕ್ಕಲಂರನ್ನು ಭಾಟಿಯಾ ಹಾಗೂ ಸ್ಮಿತ್ರನ್ನು ಪೆರೇರಾ ಡಗ್ಔಟ್ ಸೇರಿಸಿದಾಗ ಪುಣೆ ನಿಟ್ಟುಸಿರುಬಿಟ್ಟಿತು. ಕಳೆದ ಪಂದ್ಯದಂತೆ ಇಲ್ಲೂ ಜತೆಯಾದ ರೈನಾ(34) ಮತ್ತು ದಿನೇಶ್ ಕಾರ್ತಿಕ್(33) ಸಾಧ್ಯವಾದಷ್ಟು ಡಬಲ್ಸ್-ಬೌಂಡರಿ ಬಾರಿಸಿ ಆರಂಭಿಕ ಜೋಡಿ ನೀಡಿದ್ದ 10 ರನ್ ಸರಾಸರಿ ಕಾಯ್ದುಕೊಂಡರು. ಅಶ್ವಿನ್ ಸ್ಪಿನ್ದ್ವಯರೂ ವಿಕೆಟ್ ಪಡೆಯಲು ಎಷ್ಟೇ ಪ್ರಯತ್ನಪಟ್ಟರೂ ಸಾಧ್ಯವಾಗಲಿಲ್ಲವಾದರೂ, ಕಳೆದ ಪಂದ್ಯದ ಹೀರೋ ಅಶೋಕ್ ದಿಂಡಾ ಕಾರ್ತಿಕ್ರನ್ನು ಡಗ್ಔಟ್ ಸೇರಿಸಿ ಪುಣೆ ಪಾಳಯದಲ್ಲಿ ಗೆಲುವಿನ ಸಣ್ಣ ಆಸೆ ಮೂಡಿಸಿದರು.
ರೋಚಕ ಕೊನೇ ಓವರ್
ಕೊನೇ 2 ಓವರ್ಗಳಲ್ಲಿ 20 ರನ್ ಅಗತ್ಯವಿದ್ದಾಗ ಬ್ರಾವೊ(7) ಮತ್ತು ಜಡೇಜಾ(0) 19ನೇ ಓವರ್ನಲ್ಲಿ ಔಟಾದರು. ಈ ನಡುವೆ ಗುಜರಾತ್ ಒತ್ತಡಕ್ಕೆ ಸಿಲುಕಿದರೂ 11ರನ್ ಕಸಿಯಿತು. ನಿರ್ಣಾಯಕ ಓವರ್ನಲ್ಲಿ 9 ರನ್ ಅಗತ್ಯವಿದ್ದಾಗ ದಾಳಿಗಿಳಿದ ವೇಗಿ ಪೆರೇರಾ ಮೊದಲ ಎಸೆತದಲ್ಲೇ ಬೌಂಡರಿ ಬಿಟ್ಟು ಕೊಟ್ಟರೆ, ನಂತರ ವೈಡ್ ಮತ್ತು ಸಿಂಗಲ್ ರನ್ ಹೋಯಿತು. 3 ಮತ್ತು 4ನೇ ಎಸೆತದಲ್ಲಿ ಕ್ರಮವಾಗಿ ರೈನಾ ಮತ್ತು ಕಿಶನ್(0) ಡಗ್ಔಟ್ ಸೇರಿದರು. ಇದರಿಂದ 2 ಎಸೆತದಲ್ಲಿ 3 ರನ್ ಗಳಿಸಬೇಕಿದ್ದಾಗ ‘ಬರ್ತ್ಡೇ ಬಾಯ್’ ಫೌಲ್ಕ್ನರ್ 2 ರನ್ ಕಸಿದರು. ಕೊನೇ ಎಸೆತದಲ್ಲಿ ಸಿಂಗಲ್ ಮೂಲಕ ಗೆಲುವು ತಂದರು.
ಪುಣೆ ಸೂಪರ್ಜೈಂಟ್ಸ್: 3 ವಿಕೆಟ್ಗೆ 195
ರಹಾನೆ ರನೌಟ್ (ಬ್ರಾವೊ) 53
ಸೌರಭ್ ತಿವಾರಿ ರನೌಟ್ (ರೈನಾ) 1
ಸ್ಟೀವನ್ ಸ್ಮಿತ್ ಬಿ ಬ್ರಾವೊ 101
ಎಂಎಸ್ ಧೋನಿ ಅಜೇಯ 30
ಥಿಸ್ಸರ ಪೆರೇರಾ ಔಟಾಗದೆ 3
ಇತರೆ: 7. ವಿಕೆಟ್ ಪತನ: 1-13, 2-124, 3-188. ಬೌಲಿಂಗ್: ಪ್ರವೀಣ್ಕುಮಾರ್ 4-0-37-0, ಧವಳ್ ಕುಲಕರ್ಣಿ 3-0-25-0, ಜಡೇಜಾ 4-0-37-0, ಶಿವಿಲ್ ಕೌಶಿಕ್ 3-0-32-0, ಫೌಲ್ಕ್ನರ್ 2-0-22-0, ಡ್ವೇನ್ ಬ್ರಾವೊ 4-0-40-1.
ಗುಜರಾತ್ ಲಯನ್ಸ್: 7 ವಿಕೆಟ್ಗೆ 196
ಡ್ವೇನ್ ಸ್ಮಿತ್ ಬಿ ಪೆರೇರಾ 63
ಮೆಕ್ಕಲಂ ಸಿ ಮಾರ್ಕೆಲ್ ಬಿ ಭಾಟಿಯಾ 43
ಸುರೇಶ್ ರೈನಾ ಬಿ ಪೆರೇರಾ 34
ದಿನೇಶ್ ಕಾರ್ತಿಕ್ ಸಿ ರಹಾನೆ ಬಿ ದಿಂಡಾ 33
ಡ್ವೇನ್ ಬ್ರಾವೊ ಸಿ ಧೋನಿ ಬಿ ದಿಂಡಾ 7
ರವೀಂದ್ರ ಜಡೇಜಾ ರನೌಟ್ 0
ಜೇಮ್್ಸ ಫೌಲ್ಕ್ನರ್ ಔಟಾಗದೆ 9
ಇಶಾನ್ ಕಿಶನ್ ರನೌಟ್ 0
ಪ್ರವೀಣ್ ಕುಮಾರ್ ಔಟಾಗದೆ 0
ಇತರೆ: 7. ವಿಕೆಟ್ ಪತನ: 1-93, 2-115, 3-166, 4-180, 5-180, 6-193, 7-193. ಬೌಲಿಂಗ್: ಅಲ್ಬಿ ಮಾರ್ಕೆಲ್ 2-0-30-0, ಅಶೋಕ್ ದಿಂಡಾ 4-0-40-2, ಥಿಸ್ಸರ ಪೆರೇರಾ 4-0-41-2, ಆರ್ ಅಶ್ವಿನ್ 4-0-37-0, ರಜತ್ ಭಾಟಿಯಾ 3-0-26-1, ಎಂ ಅಶ್ವಿನ್ 3-0-22-0.
