ಮುಂಬೈ: ಬಾಲಿವುಡ್ ನಟ ಅರ್ಬಾಜ್ ಖಾನ್ ಮತ್ತು ನಟಿ ಮಲೈಕಾ ಆರೋರಾ ಅವರ ವಿಚ್ಛೇದನ ವಿಚಾರ ಇದೀಗ ಎಲ್ಲರಿಗೂ ತಿಳಿದಿರುವ ವಿಚಾರ. ಹೊಸ ವಿಚಾರವೆಂದರೆ ಈ ದಪಂತಿಗಳಿಗೆ ಓರ್ವ ಪುತ್ರನಿದ್ದು, ಪುತ್ರನ ಮೇಲಿನ ಸಂಪೂರ್ಣ ಹಕ್ಕು ತಮಗೇ ಬೇಕು ಎಂದು ಮಲೈಕಾ ಅರೋರಾ ಅವರು ಕೇಳಿದ್ದಾರೆ ಎಂದು ಹೇಳಲಾಗುತ್ತಿದೆ.
17 ವರ್ಷಗಳ ದಾಂಪತ್ಯ ಜೀವನಕ್ಕೆ ಎಳ್ಳು-ನೀರು ಬಿಡಲು ನಿರ್ಧರಿಸಿರುವ ಬಾಲಿವುಡ್ ನ ಈ ಜೋಡಿ, ಇದೀಗ ತಮ್ಮ ಪುತ್ರನ ಸ್ವಾಧೀನ ವಿಚಾರಕ್ಕೆ ಸಂಬಂಧಿಸಿದಂತೆ ಜಟಾಪಟಿಗೆ ನಿಂತಿದ್ದಾರೆ. ಮೂಲಗಳ ಪ್ರಕಾರ ವಿಚ್ಛೇದನಕ್ಕೆ ಸಂಬಂಧಿಸಿದಂತೆ ಈಗಾಗಲೇ ಮಲೈಕಾ ಅರೋರಾ ಅವರು ಕೌಟುಂಬಿಕ ನ್ಯಾಯಾಲಯದಲ್ಲಿ ಅರ್ಜಿ ಸಲ್ಲಿಸಿದ್ದು, ಅರ್ಜಿಯಲ್ಲಿ ಪುತ್ರನ ಸ್ವಾಧೀನದ ಹಕ್ಕನ್ನು ತಮಗೇ ನೀಡಬೇಕು ಎಂದು ಮಲೈಕಾ ಕೋರಿದ್ದಾರೆ ಎಂದು ತಿಳಿದುಬಂದಿದೆ.
ಅಂತೆಯೇ ಅರ್ಬಾಜ್ ಖಾನ್ ಬೇಕಿದ್ದರೆ ತಮಗಿಷ್ಟ ಬಂದಾಗ ಮನೆಗೆ ಬಂದು ಪುತ್ರನನ್ನು ನೋಡಬಹುದು ಎಂದು ಮಲೈಕಾ ಅರ್ಜಿಯಲ್ಲಿ ಸ್ಪಷ್ಟಪಡಿಸಿದ್ದಾರೆ.
