ಹೊಸದಿಲ್ಲಿ: ಮಾತ್ರೆ ತೆಗೆದುಕೊಳ್ಳಲು ಮೆಡಿಕಲ್ ಶಾಪ್‌ಗೆ ಹೋದಾಗ ಅಂಗಡಿಯವರು ಸಸ್ಯಾಹಾರಿಯೋ, ಮಾಂಸಾಹಾರಿಯೋ ಎಂದು ಪ್ರಶ್ನೆ ಕೇಳುವ ದಿನ ದೂರವಿಲ್ಲ!
ಯಾಕೆಂದರೆ ಅನೇಕ ಕ್ಯಾಪ್ಸೂಲ್ಗಳ ಹೊರಕವಚಕ್ಕೆ ಪ್ರಾಣಿಜನ್ಯ ವಸ್ತುಗಳನ್ನು ಬಳಸಲಾಗುತ್ತದೆ. ಇದು ಅನೇಕ ಸಸ್ಯಾಹಾರಿಗಳಿಗೆ ಇರಸು ಮುರುಸಿಗೆ ಕಾರಣವಾಗುತ್ತಿತ್ತು. ಈ ಹಿನ್ನೆಲೆಯಲ್ಲಿ ಔಷಧ ನಿಯಂತ್ರಣ ಮಹಾನಿರ್ದೇಶ ನಾಲಯ(ಡಿಸಿಜಿಐ)ಗೆ ಸಲಹೆ ನೀಡುವ ವೈಜ್ಞಾನಿಕ ಸಮಿತಿಯು ಕ್ಯಾಪ್ಸೂಲ್ಗಳ ಹೊರಕವಚವನ್ನು ಸಸ್ಯಜನ್ಯ ವಸ್ತು (ಸೆಲ್ಯುಲೋಸ್)ಗಳಿಂದಲೂ ಉತ್ಪಾದಿಸುವ ವಿಚಾರವನ್ನು ಚರ್ಚೆಗೆತ್ತಿಕೊಂಡಿದೆ.
ಕಳೆದ ತಿಂಗಳು ಬಿಐಎಸ್(ಬ್ಯೂರೋ ಆಫ್ ಇಂಡಿಯನ್ ಸ್ಟ್ಯಾಂಡರ್ಡ್) ಕ್ಯಾಪ್ಸೂಲ್ಗಳ ಹೊರ ಕವಚಕ್ಕೆ ಗ್ಯಾಲೆತಿನ್(ಪ್ರಾಣಿ ಜನ್ಯ ವಸ್ತುಗಳಿಂದ ನಿರ್ಮಿತ ಕ್ಯಾಪ್ಸೂಲ್ಗಳ ಹೊರ ಕವಚ)ಗೆ ಪರ್ಯಾಯವಾಗಿ ಸಸ್ಯಜನ್ಯ ಉತ್ಪನ್ನಗಳಿಂದ ರಚಿಸಿದ ಕವಚಗಳನ್ನೂ ಬಳಸುವಂತೆ ಸೂಚಿಸಿದೆ. ಜತೆಗೆ, ರೋಗಿಯ ಆಯ್ಕೆಯನ್ನೂ ಡೋಸೆಜ್ ಪಟ್ಟಿಯಲ್ಲಿ ನೀಡುವಂತೆ ಹೇಳಿದೆ.
