ಹೈದರಾಬಾದ್,ಜು.24- ವೇಶ್ಯಾವಾಟಿಕೆ ಜಾಲದ 44 ಮಂದಿ ಮಾನವಕಳ್ಳ ಸಾಗಣೆದಾರರನ್ನು ಬಂಧಿಸಿರುವ ತೆಲಂಗಾಣ ಪೊಲೀಸರು, ಮಹಾರಾಷ್ಟರದ ಚಂದ್ರಾಪುರ್ನಿಂದ 8 ಮಂದಿ ಅಪ್ರಾಪ್ತ ಬಾಲಕಿಯರು ಸೇರಿದಂತೆ ಒಟ್ಟು 39 ಮಹಿಳೆಯರನ್ನು ರಕ್ಷಿಸಿದ್ದಾರೆ. ತಮಗೆ ದೊರೆತ ಸುಳಿವಿನ ಮೇಲೆ ಈ ದಾಳಿ ನಡೆಸಿದ ಅಪರಾಧ ತನಿಖಾ ವಿಭಾಗದ(ಸಿಐಡಿ) ಪೊಲೀಸರು ಈ ಕಾರ್ಯಚರಣೆ ನಡೆಸಿದ್ದು , ಆರೋಪಿಗಳನ್ನು ನ್ಯಾಯಾಲಯಕ್ಕೆ ಹಾಜರುಪಡಿಸಲಾಗಿದೆ ಎಂದು ಸಿಐಡಿ
ಹೆಚ್ಚವರಿ ಮಹಾನಿರ್ದೇಶಕ ಎ.ಸತ್ಯ ನಾರಾಯಣ ಹೇಳಿದ್ದಾರೆ. 44 ಆರೋಪಿಗಳಲ್ಲಿ 30 ಮಂದಿ ಮಹಿಳೆಯರು 7 ಮಂದಿ ಬಾಲಕರು ಸೇರಿದ್ದು , ಅವರನ್ನೆಲ್ಲ ಮಹಾರಾಷ್ಟ್ರ ಪೊಲೀಸರ ವಶಕ್ಕೆ ನೀಡಲಾಗಿದೆ ಎಂದು ಅವರು ತಿಳಿಸಿದ್ದಾರೆ.