ಬಾಹುಬಲಿ ಚಿತ್ರದ ನಂತರ ಪ್ರಭಾಸ್‌ ನಟಿಸುತ್ತಿರುವ ಸಾಹೋ ಚಿತ್ರದ ಬಗ್ಗೆ ಆಸಕ್ತಿಕರ ಸಂಗತಿಗಳು ಹೊರಬಿದ್ದಿವೆ. ಇದೇ ಗುರುವಾರದಿಂದ ದುಬೈನಲ್ಲಿ ಈ ಚಿತ್ರದ ಆ್ಯಕ್ಷನ್‌ ಭಾಗ, ಅಂದರೆ ಬಹುತೇಕ ಕ್ಲೈಮ್ಯಾಕ್ಸ್‌ ದೃಶ್ಯಗಳನ್ನು ಚಿತ್ರಿಸಲು ಇಡೀ ಚಿತ್ರತಂಡ ಅಲ್ಲಿಗೆ ತೆರಳಿದೆ. ಇಪ್ಪತ್ತು ನಿಮಿಷಗಳಷ್ಟು ಆ್ಯಕ್ಷನ್‌ ದೃಶ್ಯಗಳನ್ನು ಶೂಟ್‌ ಮಾಡಲು ಅಲ್ಲಿಯೇ ಭಾರೀ ಸೆಟ್‌ ಹಾಕಲಾಗಿದೆ.
ಇದಕ್ಕಾಗಿಯೇ ಲೊಕೇಶನ್‌ ಹುಡುಕಲು ಆರ್ಟ್‌ ಡೈರೆಕ್ಟರ್‌ ಸಾಬು ಸಿರೀಲ್‌ ಎಂಟು ಸಲ ದುಬೈಗೆ ಹೋಗಿ ಬಂದಿದ್ದಾರೆ. ಸದ್ಯಕ್ಕೆ ಕಲಾ ವಿಭಾಗದ 300ಕ್ಕೂ ಹೆಚ್ಚು ಮಂದಿ ದುಬೈನಲ್ಲಿ ಕೆಲಸ ಮಾಡುತ್ತಿದ್ದಾರೆ. ಅಷ್ಟೇ ಅಲ್ಲ, ಆ ಸೆಟ್‌ನ ಬಹುತೇಕ ಬೇಕಾದ ಪೂರ್ವಭಾವಿ ಕೆಲಸವನ್ನು ಹೈದರಾಬಾದ್‌ನಲ್ಲೇ ಮುಗಿಸಲಾಗಿದೆ. ನಾಲ್ಕು ಕಂಟೈನರ್‌ಗಳಲ್ಲಿ ಅದೆಲ್ಲವನ್ನು ತುಂಬಿ ದುಬೈಗೆ ಕಳಿಸಲಾಗಿದೆ ಎಂದು ಮೂಲಗಳು ತಿಳಿಸಿವೆ.
ಇನ್ನು ದುಬೈನಲ್ಲಿ ಏನೆಲ್ಲಾ ಶೂಟ್‌ ಮಾಡಬೇಕು ಎಂದು ನಿರ್ದೇಶಕ ಸುಜಿತ್‌, ಕ್ಯಾಮೆರಾಮನ್‌ ಮದಿ, ಹಾಲಿವುಡ್‌ ಆ್ಯಕ್ಷನ್‌ ಕೊರಿಯೋಗ್ರಫರ್‌ ಕೆನ್ನಿ ಬೇಟ್ಸ್‌ ಸೇರಿ ಸುಮಾರು 16 ದಿನ ಚರ್ಚೆ ಮಾಡಿಕೊಂಡಿದ್ದಾರೆ. ಇನ್ನು ಕೆನ್ನಿ ಟೀಮ್‌ನಲ್ಲಿ ಲಂಡನ್‌, ಲಾಸ್‌ ಏಂಜೆಲ್ಸ್‌ನಿಂದ ಬಂದಿರುವ 120 ಕೂಡ ಶೂಟಿಂಗ್‌ನಲ್ಲಿ ಪಾಲ್ಗೊಳ್ಳಲಿದ್ದಾರೆ. ಇವೆಲ್ಲ ಕ್ರಾಷಿಂಗ್‌, ಬ್ಲಾಸ್ಟ್‌ ಹಾಗೂ ರೋಫ್ಸ್‌ ನಿಪುಣರು.
Comments are closed.