—ಕಾರ್ಯಕ್ರಮದ 100ಕ್ಕೂ ಹೆಚ್ಚು ವಿಶೇಷ ಚಿತ್ರ ಇಲ್ಲಿದೆ—
ಚಿತ್ರ : ಸತೀಶ್ ಕಾಪಿಕಾಡ್
ಮಂಗಳೂರು, ಮೇ 15 : 2016 ಅತ್ಯುತ್ತಮ ಪ್ರತಿಭೆಗಳನ್ನು ಪಡೆಯಲು ಮ್ಯಾಕ್ಸ್ ನಡೆಸುವ ಮ್ಯಾಕ್ಸ್ಕಿಡ್ಸ್ ಫೆಸ್ಟ್ನ ಆರನೇಆವೃತ್ತಿ, ಮ್ಯಾಕ್ಸ್ಕಿಡ್ಸ್ ಫೆಸ್ಟ್ 2016 ಕಾರ್ಯಕ್ರಮಕ್ಕೆ ಮಂಗಳೂರಿನ ಫೋರಮ್ ಫಿಜ಼್ಜಾ ಮಾಲ್ನಲ್ಲಿ ಇದೇ 2016ರ ಏಪ್ರಿಲ್ 29ರಂದು ಚಾಲನೆ ನೀಡಿತ್ತು.
ಈ ಕಾರ್ಯಕ್ರಮಕ್ಕೆ ಪೂರಕವಾಗಿ, ಮಕ್ಕಳಲ್ಲಿನ ಪ್ರತಿಭೆ ಹೊರಗೆಳೆಯಲು ‘ಮ್ಯಾಕ್ಸ್ ಲಿಟ್ಟಲ್ಐಕಾನ್’ ಎಂಬ ಪ್ರತಿಭಾನ್ವೇಷಣೆ ಚಟುವಟಿಕೆಯನ್ನೂ ಆರಂಭಿಸಿದೆ. ಮಕ್ಕಳು ತಮ್ಮಲ್ಲಿನ ಗಾಯನ, ನೃತ್ಯ ಮತ್ತು ಚಿತ್ರ ಕಲೆ ಪ್ರದರ್ಶಿಸಲು ಇದೊಂದು ಉತ್ತಮ ವೇದಿಕೆಯಾಗಿದೆ. ಇಲ್ಲಿ ಮಕ್ಕಳು ಉತ್ಸಾಹದಿಂದ ಪಾಲ್ಗೊಂಡು ಪ್ರದರ್ಶನ ನೀಡಿದರೆ, ಅವರ ಪೋಷಕರು ಕುಳಿತು, ಮಕ್ಕಳ ಪ್ರತಿಭಾ ಪ್ರದರ್ಶನ ನೋಡಿ ಆನಂದಿಸಿದರು. 2ರಿಂದ 8 ವರ್ಷದೊಳಗಿನ ಮಕ್ಕಳನ್ನು ಗುರಿಯಾಗಿಸಿಕೊಂಡು ರೂಪುಗೊಂಡ `ಮ್ಯಾಕ್ಸ್ ಲಿಟ್ಟಲ್ಐಕಾನ್’, ಮಕ್ಕಳ ಪ್ರತಿಭೆಗಷ್ಟೇ ಅಲ್ಲದೆ, ಸ್ಟೈಲ್ ಸೆನ್ಸ್ ಪ್ರದರ್ಶನಕ್ಕೂ ವೇದಿಕೆ ಒದಗಿಸಿತು.
ಈ ವರ್ಷದ ಆಡಿಷನ್ಸ್ನಲ್ಲಿ ಹಲವು ಗಾಯಕರು, ನೃತ್ಯಗಾರರು ಮತ್ತು ಕಲಾವಿದರು ತಮ್ಮ ಪ್ರತಿಭೆ ಒರೆಗೆ ಹಚ್ಚಿದ್ದು, ಮ್ಯಾಕ್ಸ್ ಹಲವು ಪ್ರತಿಭೆಗಳನ್ನು ಗುರುತಿಸಿದೆ. `ಮ್ಯಾಕ್ಸ್ ಲಿಟ್ಟಲ್ಐಕಾನ್ 2016′ ಮಂಗಳೂರು ಗ್ರಾಂಡ್ ಫಿನಾಲೆಯಲ್ಲಿ ಪುಟಾಣಿಗಳಾದ; ಅನನ್ಯ ನಾರಾಯಣ್-ಹಾಡುಗಾರಿಕೆ (ವಯಸ್ಸು7 ವರ್ಷ- ಹೋಲಿ ಫ್ಯಾಮಿಲಿ ಇಂಗ್ಲಿಷ್ ಮೀಡಿಯಂ ಸ್ಕೂಲ್), ಕಪಿಶ್ ಕುಮಾರ್- ನೃತ್ಯ (ವಯಸ್ಸು 7 ವರ್ಷ- ಗುಣ ಶ್ರೀ ವಿದ್ಯಾಲಯ ಸ್ಕೂಲ್) ಮತ್ತು ಚಿತ್ರಕಲೆಯಲ್ಲಿ ಸಿಂಚನ(ವಯಸ್ಸು6 ವರ್ಷ- ಸೇಂಟ್ ಅಲೋಷಿಯಸ್ ಇಂಗ್ಲಿಷ್ ಮೀಡಿಯಂ, ಉರ್ವ, ಮಂಗಳೂರು) ಬಹುಮಾನಗಳನ್ನು ಗೆದ್ದರು. ಕನ್ನಡದ ಹಿನ್ನೆಲೆ ಗಾಯಕರಾದ ರಮೇಶ್ ಚಂದ್ರ, ಉತ್ಸಾಹಿ ಗಾಯಕ ಹಾಗೂ ಅದ್ಭುತ ಪರ್ಫಾರ್ಮರ್ ಪ್ರಕಾಶ್ ಮಹಾದೇವನ್, ಡ್ಯಾನ್ಸ್ಡ್ಯಾನ್ಸ್ (ನಮ್ಮ ಟಿವಿ) ಜ್ಯೂರಿ ಸದಸ್ಯ ಸುದೀಪ್ ಶೆಟ್ಟಿ ,ಕೋಸ್ಟಲ್ವುಡ್ ಕೋರಿಯಾಗ್ರಫರ್ ಅವಿನಾಶ್ ಮತ್ತು ವಿಸ್ತಾರ ಆರ್ಟ್ ಅಕಾಡೆಮಿಯ ಶರತ್ ಹೊಳ್ಳ ಅವರು ತೀರ್ಪುಗಾರರಾಗಿದ್ದರು.
ಈ ವೇಳೆ ಮಾತನಾಡಿದ ವಸಂತ್ ಅವರು, ಅತ್ಯುತ್ತಮ ಸ್ಪಂದನೆ ಪಡೆಯುತ್ತಿರುವ ಚಟುವಟಿಕೆಗಳಲ್ಲಿ ಮ್ಯಾಕ್ಸ್ಕಿಡ್ಸ್ ಫೆಸ್ಟ್ ಕೂಡ ಒಂದಾಗಿದೆ. ಮ್ಯಾಕ್ಸ್ ಲಿಟ್ಟಲ್ ಐಕಾನ್ ಸ್ಪರ್ಧೆಯು ಮಕ್ಕಳಲ್ಲಿನ ಪ್ರತಿಭೆಯನ್ನು ಹೊರಗೆಳೆಯಲು ನೆರವಾಗಿದೆ. ಈ ಬಾರಿ ನಮ್ಮ ಸ್ಟೋರ್ನಲ್ಲಿ ಮಕ್ಕಳಿಗಾಗಿ ಆಕರ್ಷಕ ಸಂಗ್ರಹಗಳಿವೆ. ಅದರಲ್ಲೂ ನಾವು `ದಿ ಜಂಗಲ್ ಬುಕ್’ ಸಿನಿಮಾದೊಂದಿಗೆ ಸಹಭಾಗಿತ್ವ ಸಾಧಿಸಿದ್ದು, ಮಕ್ಕಳು ಖಂಡಿತವಾಗ್ಯೂ ಇದನ್ನು ಮೆಚ್ಚಿಕೊಳ್ಳಲಿದ್ದಾರೆ ಎಂದರು.
ಬೇಸಿಗೆ ರಜೆ ಅವಧಿಯಲ್ಲಿ ಮ್ಯಾಕ್ಸ್ ಮಕ್ಕಳ ಮೋಜಿಗೆ ಮತ್ತಷ್ಟು ಸಂಭ್ರಮವನ್ನು ಸೇರ್ಪಡೆಗೊಳಿಸಲು ದೇಶದಾದ್ಯಂತ ಇರುವ ಸ್ಟೋರ್ಗಳಲ್ಲಿ ಹಲವು ಚಟುವಟಿಕೆಗಳನ್ನು ಆಯೋಜಿಸಿದೆ. ಇಲ್ಲಿ ಮಕ್ಕಳು ಮತ್ತು ಅವರ ತಾಯಂದಿರು, `ಜಂಗಲ್ ಬುಕ್ ಪಜ಼ಲ್’, ‘ಮಾಮ್ಸ್ಕ್ಯಾಂಪ್’ ಮತ್ತು `ಸೆಲ್ಫಿ ವಿತ್ ಮೌಗ್ಲಿ’ ರೀತಿಯ ಆಟಗಳನ್ನು ಆಡಬಹುದು,
ಅಂದ ಹಾಗೆ ಸ್ಪರ್ಧೆಯ ಎಲ್ಲ ವಿಜೇತರು ಮುಂಬೈನಲ್ಲಿ ನಡೆಯುವ, ಮ್ಯಾಕ್ಸ್ ಸಹಪ್ರಾಯೋಜಕತ್ವದ `ಇಂಡಿಯಾ ಕಿಡ್ಸ್ ಫ್ಯಾಷನ್ ವೀಕ್’ನಲ್ಲಿ ರ್ಯಾಂಪ್ ವಾಕ್ ಮಾಡಲಿದ್ದಾರೆ.
Photo : Sathish Kapikad -Mob : 9845896141