ವಿಚಿತ್ರ ಘಟನೆ ! ಲೂಡೋ ಆಡುವಾಗ ತಂದೆ ತನಗೆ ಮೋಸ ಮಾಡಿದ್ದಾರೆ ಎಂದು ಕೋರ್ಟು ಮೆಟ್ಟಿಲೇರಿದ ಮಗಳು!

ಮಧ್ಯ ಪ್ರದೇಶ: ತಂದೆ-ಮಗ-ಮಗಳ ಮಧ್ಯೆ ಏನೆಲ್ಲ ವಿಷಯಕ್ಕಾಗಿ ಕಚ್ಚಾಟ, ಜಗಳ, ಕೇಸು, ಕೋರ್ಟು ಮೆಟ್ಟಿಲೇರಿರುವುದು ನಾವು ನೋಡಿದ್ದೇವೆ. ಆದರೆ ಇಲ್ಲಯೊಬ್ಬಳು ಮಗಳು, ತನ್ನ ತಂದೆ ಲೂಡೋ ಆಡುವಾಗ ಮೋಸ ಮಾಡಿದ್ದಾರೆ ಎಂದು ಕೋರ್ಟು ಮೆಟ್ಟಿಲೇರಿದ್ದಾಳೆ. ಈ ಸುದ್ದಿ ವಿಚಿತ್ರ ಆದರೂ ನಿಜ !

ಮಧ್ಯಪ್ರದೇಶದಲ್ಲಿ ನಡೆದಿರುವ ಈ ಘಟನೆಯನ್ನು ಕೇಳಿರುವ ಜನ ಒಮ್ಮೆಗೆ ಆಶ್ಚರ್ಯಚಕಿತರಾಗಿದ್ದಾರೆ.

ಮಧ್ಯ ಪ್ರದೇಶದ ಕುಟುಂಬವೊಂದು ಇತ್ತೀಚೇಗೆ ಲೂಡೋ ಆಟದಲ್ಲಿ ತೊಡಗಿತ್ತು. ಈ ವೇಳೆ ಅಪ್ಪ, ಮಗಳನ್ನು ಸೋಲಿಸಿದ್ದ. ಇದಕ್ಕೆ ಸಿಟ್ಟಾದ ಮಗಳು ಕೋರ್ಟ್​ ಮೆಟ್ಟಿಲೇರಿದ್ದಾಳೆ.

“ನನ್ನ ತಂದೆ ನನಗೆ ಮೋಸ ಮಾಡುತ್ತಾನೆ ಎಂದು ನಾನು ಭಾವಿಸಿರಲಿಲ್ಲ. ಈ ಘಟನೆ ನಂತರದಲ್ಲಿ ನನಗೆ ತಂದೆ ಮೇಲಿದ್ದ ಗೌರವ ಸಂಪೂರ್ಣ ನಾಶವಾಗಿದೆ. ಈ ಮೋಸದ ವಿಚಾರವಾಗಿ ನಾನು ಭೋಪಾಲ್​ ಕುಟುಂಬ ನ್ಯಾಯಾಲಯದಲ್ಲಿ ಪ್ರಕರಣ ದಾಖಲು ಮಾಡಿದ್ದೇನೆ ಎಂದಿದ್ದಾಳೆ,” ಮಗಳು.

ಮಹಿಳೆ ತನ್ನ ಸಹೋದರು ಹಾಗೂ ತಂದೆ ಜೊತೆ ಲೂಡೋ ಆಡುತ್ತಿದ್ದಳು. ಈ ಆಟದಲ್ಲಿ ಆಕೆ ಸೋತಿದ್ದಳು. ಈ ವೇಳೆ ಸಿಟ್ಟಾದ ಮಗಳು, “ನೀನು ನನ್ನ ಖುಷಿಗಾಗಿ ನನ್ನನ್ನು ಗೆಲ್ಲಿಸಬಹುದಿತ್ತು. ಆದರೆ, ನೀನು ಆರೀತಿ ಮಾಡದೇ ನೀನೇ ಗೆದ್ದಿದ್ದೀಯಾ. ನೀನು ನನಗೆ ಮೋಸ ಮಾಡುತ್ತೀಯಾ ಎಂದು ಕನಸಲ್ಲೂ ಭಾವಿಸಿರಲಿಲ್ಲ,” ಎಂದಿದ್ದಾಳೆ. ಅಲ್ಲದೆ ತಂದೆ ಜೊತೆಗಿನ ಸಂಬಂಧವನ್ನೂ ಸಂಪೂರ್ಣವಾಗಿ ಕಡಿದುಕೊಳ್ಳಲು ಆಕೆ ನಿರ್ಧರಿಸಿದ್ದಾಳೆ.