ಬೆಂಗಳೂರು: ಒಂದು ತಿಂಗಳಿಗೂ ಹೆಚ್ಚು ಕಾಲ ಬಾಗಿಲೆಳೆದುಕೊಂಡಿದ್ದ ಮದ್ಯದಂಗಡಿಗಳು ತೆರೆಯುವ ದಿನ ಕೊನೆಗೂ ಬಂದೇ ಬಿಟ್ಟಿದೆ. ಕಂಟೈನ್ಮೆಂಟ್ ಝೋನ್ ಹೊರತುಪಡಿಸಿ ರಾಜ್ಯದ ಎಲ್ಲೆಡೆ ಲಿಕ್ಕರ್ ಶಾಪ್ಗಳು ಇಂದಿನಿಂದ ತೆರೆಯಲಿವೆ. ಹಸಿರು, ಕಿತ್ತಳೆ ಅಲ್ಲದೆ ಕೆಂಪು ವಲಯಗಳಲ್ಲೂ ವೈನ್ ಶಾಪ್ ಆರಂಭವಾಗಲಿರುವುದು ವಿಶೇಷ.
ಹಲವು ಷರತ್ತುಗಳೊಂದಿಗೆ ಮದ್ಯದ ಅಂಗಡಿಗಳನ್ನು ತೆರೆಯಲು ಅಬಕಾರಿ ಆಯುಕ್ತರು ಆದೇಶ ಹೊರಡಿಸಿದ್ದಾರೆ. ಬೆಳಿಗ್ಗೆ 9 ರಿಂದ ಸಂಜೆ 7 ಗಂಟೆ ವರೆಗೆ ವೈನ್ ಶಾಪ್ಗಳು ತೆರೆದಿರಲಿವೆ.
ಷರತ್ತುಗಳೇನು?
* ಕಂಟೈನ್ಮೆಂಟ್ ಝೋನ್ಗಳಲ್ಲಿ ಯಾವುದೇ ಮದ್ಯದಂಗಡಿಗಳು ತೆರೆಯುವಂತಿಲ್ಲ. ಉದಾಹರಣೆಗೆ ಪಾದರಾಯನಪುರ, ಹೊಂಗಸಂದ್ರ ಇತ್ಯಾದಿ.
* ಉಳಿದೆಡೆಗಳಲ್ಲೂ ಸಿಎಲ್- 2 ಮತ್ತು ಸಿಎಲ್ -11 ಸಿ (ಎಂಎಸ್ಐಎಲ್) ಮಳಿಗೆಗಳು ಮಾತ್ರ ತೆರೆಯಲಿವೆ. ಬೇರಾವುದೇ ಮಳಿಗೆಗಳು ತೆರೆಯುವುದಿಲ್ಲ. ಒಂದೊಮ್ಮೆ ಇವೇ ಮಳಿಗೆಗಳು ಮಾಲ್, ಸೂಪರ್ ಮಾರ್ಕೆಟ್ನಲ್ಲಿದ್ದರೆ ಅವುಗಳನ್ನೂ ತೆರೆಯುವಂತಿಲ್ಲ.
* ಬೆಳಿಗ್ಗೆ 9 ಗಂಟೆಯಿಂದ ಸಂಜೆ 7 ಗಂಟೆವರೆಗೆ ಮಾತ್ರ ಮದ್ಯದ ಅಂಗಡಿಗಳನ್ನು ತೆರೆಯಲು ಅವಕಾಶ.
* ವೈನ್ ಶಾಪ್ಗಳಲ್ಲಿ ಕೇವಲ 5 ಜನ ಗ್ರಾಹಕರು ಮಾತ್ರ ಇರಬೇಕು ಮತ್ತು ಅವರು 6 ಅಡಿ ಅಂತರವನ್ನು ಕಾಪಾಡಿಕೊಳ್ಳಬೇಕು.
* ನೌಕರರು ಮತ್ತು ಗ್ರಾಹಕರು ಕಡ್ಡಾಯವಾಗಿ ಮಾಸ್ಕ್ ಧರಿಸಲೇಬೇಕು ಮತ್ತು ಅಂಗಡಿಯಲ್ಲಿ ಸ್ಯಾನಿಟೈಸರ್ ಬಳಸಬೇಕು.
ಇದರ ಜೊತೆಗೆ ಕೆಎಸ್ಬಿಸಿಎಲ್ ಡಿಪೋಗಳು ಕಾರ್ಯಾರಂಭ ಮಾಡಲಿವೆ. ಹೀಗಾಗಿ ಸ್ಟಾಕ್ ಖಾಲಿಯಾದರೂ ಪೂರೈಕೆ ನಿರಾತಂಕವಾಗಿ ಮುಂದುವರಿಯಲಿದೆ. ಎಣ್ಣೆ ಪ್ರಿಯರು ಆತಂಕ ಪಡುವ ಅಗತ್ಯವಿಲ್ಲ.
Comments are closed.