ಜನಪ್ರಿಯ ಮೆಸೆಜಿಂಗ್ ಆ್ಯಪ್ ‘ವಾಟ್ಸ್ಆ್ಯಪ್‘ ಬಳಕೆದಾರರ ಸುರಕ್ಷತೆಗಾಗಿ ಈಗಾಗಲೇ ಹಲವು ಫೀಚರ್ಗಳನ್ನು ಬಿಡುಗಡೆ ಮಾಡಿದೆ. ಇದೀಗ ‘ಫಿಂಗರ್ ಪ್ರಿಂಟ್‘ ಫೀಚರ್ ಅನ್ನು ಪರಿಚಯ ಮಾಡುವ ಮೂಲಕ ಬಳಕೆದಾರರಿಗೆ ಮತ್ತಷ್ಟು ರಕ್ಷಣೆ ಕೊಡಲು ಮುಂದಾಗಿದೆ.
ವಾಟ್ಸ್ಆ್ಯಪ್ ಬಿಡುಗಡೆ ಮಾಡಿದ ‘ಫಿಂಗರ್ ಪ್ರಿಂಟ್‘ ಫೀಚರ್ ಆ್ಯಂಡ್ರಾಯ್ಡ್ ಮತ್ತು ಐಒಎಸ್ ಸ್ಮಾರ್ಟ್ಫೋನ್ಗಳಿಗೆ ಲಭ್ಯವಿದೆ. ಈ ಕಾರಣಕ್ಕಾಗಿ ವಾಟ್ಸ್ಆ್ಯಪ್ ತನ್ನ ಬೀಟಾ ಪ್ರೊಗ್ರಾಮ್ ಅನ್ನು ಅಭಿವೃದ್ಧಿ ಪಡಿಸಿದೆ. ಆ್ಯಂಡ್ರಾಯ್ಡ್ ಬಳಕೆದಾರರು ವಾಟ್ಸ್ಆ್ಯಪ್ 2.19.221ಗೆ ಅಪ್ಡೇಟ್ ಮಾಡುವ ಮೂಲಕ ನೂತನ ‘ಫಿಂಗರ್ ಪ್ರಿಂಟ್‘ ಫೀಚರ್ ಸಿಗಲಿದೆ.
ಹೈ ಎಂಡ್ ಮಾದರಿಯ ಆಪಲ್ ಐಫೋನ್ಗಳು ಟಚ್ ಈಡಿ, ಫೇಸ್ ಐಡಿ ಸೇರಿದಂತೆ ಕೆಲವು ಹೊಸ ಫೀಚರ್ಸ್ಗಳನ್ನು ಹೊಂದಿವೆ. ಹಾಗೆಯೇ, ಇನ್ನಷ್ಟು ಫೀಚರ್ಗಳು ವಾಟ್ಸ್ಆ್ಯಪ್ ಬೇಟಾ ವರ್ಷನ್ನಲ್ಲಿ ಲಭ್ಯವಿದೆ. ಇದರೊಂದಿಗೆ ಆ್ಯಂಡ್ರಾಯ್ಡ್ ಬಳಕೆದಾರರಿಗೂ ‘ಫಿಂಗರ್ಪ್ರಿಂಟ್‘ ಲಾಕ್ ಫೀಚರ್ ಆಯ್ಕೆಯನ್ನು ನೀಡುತ್ತಿದೆ.
ಈ ನೂತನ ಫೀಚರ್ ವಿದೇಶಿಗರಿಗೆ ಲಭ್ಯವಾಗಿದೆ. ಆದರೆ ಭಾರತದಲ್ಲಿ ವಾಟ್ಸ್ಆ್ಯಪ್ ಬಳಕೆದಾರಿಗೆ ‘ಫಿಂಗರ್ ಪ್ರಿಂಟ್‘ ಫೀಚರ್ ಸದ್ಯದಲ್ಲೇ ದೊರಕಲಿದೆ.
ಫಿಂಗರ್ ಪ್ರಿಂಟ್ ಲಾಕ್ ಪೀಚರ್:
ವಾಟ್ಸ್ಆ್ಯಪ್ 2.19.221 ಅಪ್ಡೇಟ್ ವರ್ಷನ್ ಬಳಕೆದಾರರಿಗೆ ‘ಫಿಂಗರ್ಪ್ರಿಂಟ್‘ ಲಾಕ್ ಫೀಚರ್ ಲಭ್ಯವಾಗಲಿದೆ.
1. ಮೊದಲಿಗೆ ವಾಟ್ಸ್ಆ್ಯಪ್ 2.19.221ಗೆ ಅಪ್ಡೇಟ್ ಮಾಡಿಕೊಳ್ಳಿ.
2. ನಂತರ ವಾಟ್ಸ್ಆ್ಯಪ್ ತೆರೆದು ಸೆಟ್ಟಿಂಗ್ ಆಯ್ಕೆಯ ಮೇಲೆ ಕ್ಲಿಕ್ ಮಾಡಿ.
3. ಅಕೌಂಟ್ ಸೆಕ್ಷನ್ನಲ್ಲಿರುವ ಪ್ರೈವಸಿ ಸೆಟ್ಟಿಂಗ್ಸ್ ಆಯ್ಕೆಯನ್ನು ತೆರೆಯಿರಿ.
4. ನಂತರ ಕಾಣಿಸಿಕೊಳ್ಳುವ ‘ಫಿಂಗರ್ ಪ್ರಿಂಟ್‘ ಆಯ್ಕೆಯನ್ನು ವಾಟ್ಸ್ಆ್ಯಪ್ಗೆ ಅಳವಡಿಸಿಕೊಳ್ಳಿ.
Comments are closed.