ನಡೆಯುವಾಗ ಈ ತಪ್ಪು ಮಾಡದಿರಿ

ದಿನಕ್ಕೆ ಅರ್ಧಗಂಟೆ ವಾಕಿಂಗ್ ಮಾಡಿದರೆ ಆರೋಗ್ಯಕ್ಕೆ ಒಳ್ಳೆಯದು ಹಾಗೂ ದೇಹವೂ ಫಿಟ್‌ ಆಗಿ ಇರುತ್ತದೆ.ಆದರೆ, ಈ ರೀತಿಯ ನಿತ್ಯದ ನಡಿಗೆಯಲ್ಲಿಯೂ ಕೆಲವು ತಪ್ಪುಗಳಾಗುತ್ತವೆ. ತಜ್ಞರು ಹೇಳುವ ಪ್ರಕಾರ, ಈ ತಪ್ಪುಗಳಿಂದಾಗಿ ನಿಮ್ಮ ನಡಿಗೆಯಿಂದ ಆಗುವ ಪ್ರಯೋಜನ ಕಡಿಮೆ:

*ಕೈಗಳೂ ನಡೆಯುತ್ತವೆ ಎಂಬುದನ್ನು ನೆನಪಿನಲ್ಲಿಡಿ. ನಿಮ್ಮ ಎಡಕಾಲು ಮುಂದಕ್ಕೆ ಇಟ್ಟಾಗ ಬಲಗೈ ಮುಂದಕ್ಕೆ ಬಂದಿರಬೇಕು. ಬಲಗಾಲು ಮುಂದಕ್ಕೆ ಬಂದಾಗ ಎಡಗೈ ಮುಂದಿರಬೇಕು. ಈ ರೀತಿಯ ನಡಿಗೆ ಆರಾಮದಾಯಕ ಮತ್ತು ಸಮರ್ಪಕ. ಸುಮ್ಮನೇ ಕೈಗಳನ್ನು ಬಿಗಿಯಾಗಿ ಹಿಡಿದುಕೊಂಡು ನಡೆಯಬೇಡಿ.

*ನಾನು ಇಷ್ಟು ದೂರ, ಇಷ್ಟು ಹೊತ್ತು ನಡೆದಿದ್ದೇನೆ ಎಂದು ಸಮಾಧಾನಪಡುವುದಕ್ಕಿಂತ ಎಷ್ಟು ಬೇಗ ನಡೆದಿದ್ದೀರಿ ಎಂಬುದರ ಮೇಲೆ ನಿಮ್ಮ ಫಿಟ್ನೆಸ್‌ ನಿಂತಿದೆ. ನಿಧಾನವಾಗಿ ಬಹುದೂರ ನಡೆಯುತ್ತ ಹೋಗುವ ಬದಲು ಕಡಿಮೆ ದೂರವಾದರೂ ಸರಿ, ಆದರೆ ಬೇಗನೇ ಹೆಜ್ಜೆ ಇಡುತ್ತಾ ಹೋಗುವುದು ಮುಖ್ಯವಾಗುತ್ತದೆ.

*ವಾಕ್‌ ಮಾಡುವಾಗ ಸರಿಯಾದ ಉಡುಗೆ, ಶೂ ಧರಿಸಿಕೊಳ್ಳಿ. ಇವು ಅಸಮರ್ಪಕವಾಗಿದ್ದಲ್ಲಿ ನೀವು ನಿಲ್ಲುವ, ನಡೆಯುವ ಭಂಗಿ ಸರಿಯಿಲ್ಲದೆ ಬೆನ್ನು ನೋವು ಅಥವಾ ಕಾಲು ನೋವು ಆರಂಭವಾಗಬಹುದು.

* ನಡೆಯುವ ಭಂಗಿಯೂ ಸರಿ ಇರಬೇಕು. ಸುಮ್ಮನೇ ಕಾಲೆಳೆದುಕೊಂಡು ನಡೆಯುತ್ಥಾ ಹೋದರೆ, ಅದರಿಂದ ಎಳ್ಳಷ್ಟೂ ಪ್ರಯೋಜನವಿಲ್ಲ. ನಡೆಯುವ ಆ ಪ್ರಕ್ರಿಯೆಯಲ್ಲಿ ಕಾಲಿನ ಹಿಮ್ಮಡಿ, ಹೆಬ್ಬೆರಳು ಎಲ್ಲವೂ ಸರಿಯಾಗಿ ಕೆಲಸ ಮಾಡಬೇಕು. ಕಾಲನ್ನು ಚಪ್ಪಟೆಯಾಗಿಸಿ ಎಳೆಯುತ್ತ ನಡೆಯಬಾರದು