ಸಹೋದರಿಯನ್ನೇ ಪ್ರೀತಿಸಿ ಮದುವೆಯಾದವನು ಕೊನೆಗೆ ಏನಾದ ಗೊತ್ತೇ..?

ಮೈಸೂರು: ಅಪರೂಪದ ಘಟನೆ ಎಂಬಂತೆ ಸಹೋದರಿಯನ್ನೇ ಪ್ರೀತಿಸಿ ಮದುವೆಯಾಗಿದ್ದ ಯುವಕ ನೇಣಿಗೆ ಶರಣಾಗಿದ್ದಾನೆ.

ಸುತ್ತೂರು ನಿವಾಸಿ ರಸಿಕ(23) ಮೃತ. 3 ತಿಂಗಳ ಹಿಂದೆಯಷ್ಟೇ ತಾಯಿಯ ಅಕ್ಕನ ಮಗಳು ಕಾವ್ಯಾ ಎಂಬಾಕೆಯನ್ನು ಪ್ರೀತಿಸಿ ರಸಿಕ ಮದುವೆಯಾಗಿದ್ದ. ಸಂಬಂಧದಲ್ಲಿ ಕಾವ್ಯ ಸಹೋದರಿಯಾಗುತ್ತಾಳೆ ಎಂದು ಎರಡೂ ಮನೆಯವರ ವಿರೋಧ ಇತ್ತು.

ವಿರೋಧವನ್ನು ಲೆಕ್ಕಿಸದೆ 3 ತಿಂಗಳ ಹಿಂದೆ ನಂಜನಗೂಡು ದೇಗುಲದಲ್ಲಿ ಇಬ್ಬರೂ ವಿವಾಹವಾಗಿದ್ದರು. ಮದುವೆಯಾದ ಮೂರು ತಿಂಗಳಲ್ಲೇ ದಾಂಪತ್ಯದಲ್ಲಿ ಬಿರುಕು ಮೂಡಿತ್ತು.

ಇದರಿಂದ ಬೇಸತ್ತ ರಸಿಕ, ಕಾವ್ಯಾಳ ಸ್ವಗ್ರಾಮ ಕೋಚನಹಳ್ಳಿಯಲ್ಲಿ ಮರಕ್ಕೆ ನೇಣು ಬಿಗಿದುಕೊಂಡು ಆತ್ಮಹತ್ಯೆ ಮಾಡಿಕೊಂಡಿದ್ದಾನೆ. ಮೈಸೂರು ಗ್ರಾಮಾಂತರ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.