ಕುಡಿದ ಮಹಿಳೆಯ ಮೇಲೆ ರೇಪ್ ಮಾಡಿದ ಕಾಮುಕ ಜೈಲಿಗೆ

ಪ್ರಮೋಶನ್ ಸಿಕ್ಕ ಖುಷಿಯಲ್ಲಿ ಗುಂಡಿನ ಪಾರ್ಟಿ ನಡೆಸಿ ಕಂಠಪೂರ್ತಿ ಕುಡಿದಿದ್ದ ಮಹಿಳೆಯೊಬ್ಬಳ ಮೇಲೆ ಅತ್ಯಾಚಾರ ನಡೆಸಿದ ಕಾಮುಕನೊಬ್ಬ ಜೈಲು ಪಾಲಾದ ಘಟನೆ ದೆಹಲಿಯಲ್ಲಿ ನಡೆದಿದೆ.

ಹೌದು. ದೆಹಲಿ ಮೂಲದ ಸಂಜೀವ್ ಕುಮಾರ್ ಎಂಬಾತನಿಗೆ ಆತ ಕೆಲಸ ಮಾಡುತ್ತಿದ್ದ ಕಂಪನಿಯಲ್ಲಿ  ಪ್ರಮೋಶನ್  ದೊರೆತಿತ್ತು. ಈ ಖುಷಿಯನ್ನು ಸಂಭ್ರಮಿಸಲು ಆತ ತನ್ನ ಎಲ್ಲ ಸಹೋದ್ಯೋಗಿಗಳಿಗಾಗಿ ಗುಂಡಿನ ಪಾರ್ಟಿ ಏರ್ಪಡಿಸಿದ್ದ.ಈ ಪಾರ್ಟಿಗೆ ಪುರುಷರ ಜೊತೆ ಮಹಿಳಾ ಸಹೋದ್ಯೋಗಿಗಳೂ ಬಂದಿದ್ದರು. ಪಾರ್ಟಿಯಲ್ಲಿ ಕಂಠಪೂರ್ತಿ ಕುಡಿದಿದ್ದ ಮಹಿಳೆಯೊಬ್ಬರು ಮತ್ತೇರಿ ಬಿದ್ದಿದ್ದರು.  ಈ ಸಮಯದಲ್ಲಿ  ಆತ ಆಕೆಯ ಮೇಲೆ ಅತ್ಯಾಚಾರ ನಡೆಸಿ ತನ್ನ ಕಾಮತೃಷೆ ತೀರಿಸಿಕೊಂಡಿದ್ದ ಎನ್ನಲಾಗಿದೆ. 2014ರ ಮೇ10ರಂದೇ ಈ ಘಟನೆ ನಡೆದಿತ್ತು. 2 ದಿನಗಳ ಬಳಿಕ ನೊಂದ ಮಹಿಳೆ ಪೊಲೀಸ್ ಠಾಣೆಗೆ ದೂರು ನೀಡಿದ್ದರು. ಈ ಪ್ರಕರಣ ನ್ಯಾಯಾಲಯದ ಮೇಟ್ಟಿಲೇರಿತ್ತು.

ಪ್ರಕರಣದ ವಿಚಾರಣೆ ನಡೆಸಿದ ನ್ಯಾಯಾಲಯ ಮನೆಗೆ ಬಂದಿದ್ದ ಅತಿಥಿ ಮದ್ಯ ಸೇವಿಸಿ ಪ್ರಜ್ಞೆ ತಪ್ಪಿದ್ದಾಗ ಅತ್ಯಾಚಾರ ಎಸಗಿರುವ ಘೋರ ಅಪರಾಧ ಎಂದು ಪರಿಗಣಿಸಿರು ಕೋರ್ಟ್ 4 ವರ್ಷ ಕಠಿಣ ಶಿಕ್ಷೆ ಮತ್ತು 25 ಸಾವಿರ ದಂಡ ವಿಧಿಸಿ ಆದೇಶಿಸಿದೆ.