ಬಾಲಿವುಡ್ ಆ್ಯಕ್ಷನ್ ಕಿಂಗ್ ಅಕ್ಷಯ್ ಕುಮಾರ್ ಸದ್ಯ ಬಿ-ಟೌನ್ನಲ್ಲಿ ಓಡುವ ಕುದುರೆ. ಮಾಡಿದ ಸಿನಿಮಾಗಳೆಲ್ಲ ಹಿಟ್ ಆಗುತ್ತಿವೆ. ವರ್ಷಕ್ಕೆ 2-3 ಸಿನಿಮಾಗಳನ್ನು ಮಾಡುತ್ತಿರುವ ಅಕ್ಷಯ್ ಕುಮಾರ್ ಬಾಕ್ಸಾಫಿಸ್ನಲ್ಲಿ ರಾಜ್ಯಭಾರ ಮಾಡುತ್ತಿದ್ದಾರೆ. ಅಲ್ಲದೆ ಒಂದರ ಹಿಂದೆ ಒಂದು ಸಿನಿಮಾಗಳಲ್ಲಿ ಬ್ಯುಸಿಯಾಗಿದ್ದು, ಸಾಲು ಸಾಲು ಸಿನಿಮಾಗಳಿಂದ ಆಫರ್ ಸಿಗುತ್ತಿದೆ. ಇದರಿಂದಾಗಿಯೇ ಸದ್ಯ ಬಾಲಿವುಡ್ನಲ್ಲಿ ಅತಿ ಹೆಚ್ಚು ಬೇಡಿಕೆಯಲ್ಲಿರುವ ನಟರಾಗಿದ್ದಾರೆ. ಕೊರೋನಾ ಲಾಕ್ಡೌನ್ ವೇಳೆ ಕೇಂದ್ರ ಹಾಗೂ ಮಹಾರಾಷ್ಟ್ರ ಸರ್ಕಾರಕ್ಕೆ ಕೋಟ್ಯಂತ ರೂಪಾಯಿ ನೆರವು ನೀಡಿದ್ದರು. ಲಾಕ್ಡೌನ್ನಲ್ಲೇ ಸಿನಿಮಾ ಚಿತ್ರೀಕರಣದ ಆರಂಭಿಸಿ, ಅದು ಸಂಪೂರ್ಣವಾಗಿ ಅನ್ಲಾಕ್ ಆಗುವ ಒಳಗೆ ಶೂಟಿಂಗ್ ಮುಗಿಸಿ ಸುದ್ದಿಯಾಗಿದ್ದರು ಅಕ್ಷಯ್. ಇನ್ನು ಅಕ್ಷಯ್ ಒಂದು ಸಿನಿಮಾಗೆ ಪಡೆಯುವ ಸಂಭಾವನೆಯಿಂದಾಗಿ ಹಲವಾರು ಸಲ ಸುದ್ದಿಯಾಗಿದ್ದರು. ಈಗಲೂ ಸಹ ಅಕ್ಷಯ್ ಕುಮಾರ್ ತಮ್ಮ ಸಂಭಾವನೆಯನ್ನು ಹೆಚ್ಚಿಸಿಕೊಂಡಿದ್ದಾರಂತೆ.
ಒಂದು ಸಿನಿಮಾಗೆ ನೂರು ಕೋಟಿ ಸಂಭಾವನೆ ಪಡೆಯುವ ಅಕ್ಷಯ್ ಕುಮಾರ್ ಈಗ ಸಂಭಾವನೆ ಹೆಚ್ಚಿಸಿಕೊಂಡಿದ್ದಾರಂತೆ. 2022ರಲ್ಲಿ ಅಕ್ಷಯ್ ಒಂದು ಸಿನಿಮಾಗೆ 135 ಕೋಟಿ ಸಂಭಾವನೆ ಪಡೆಯಲಿದ್ದಾರೆ.
ಬಾಲಿವುಡ್ ಹಂಗಾಮ ಮಾಡಿರುವ ವರದಿ ಪ್ರಕಾರ ಅಕ್ಷಯ್ 2022ರಲ್ಲಿ ಒಂದು ಸಿನಿಮಾಗೆ 135 ಕೋಟಿ ಸಂಭಾವನೆ ಪಡೆಯಲು ನಿರ್ಧರಿಸಿದ್ದಾರೆಂತೆ. ಅಕ್ಷಯ್ ಕುಮಾರ್ ಅವರಿಗೆ ಇಂಡಸ್ಟ್ರಿಯಲ್ಲಿರುವ ಹೆಸರನ್ನು ಬಳಸಿಕೊಂಡು ಲಾಭ ಮಾಡಲು ನಿರ್ಮಾಪಕರು ಮುಂದಾಗುತ್ತಿದ್ದಾರಂತೆ. ಅದರಲ್ಲೂ ಅಕ್ಷಯ್ ಕುಮಾರ್ ಕೇಳಿದಷ್ಟು ಸಂಭಾವನೆ ನೀಡಲು ಸಹ ನಿರ್ಮಾಪಕರು ತುದಿಗಾಲಲ್ಲಿ ನಿಂತಿದ್ದಾರೆ.
ಈ ಹಿಂದೆ 99 ಕೋಟಿ ಸಂಭಾವನೆ ಪಡೆಯುತ್ತಿದ್ದ ಅಕ್ಷಯ್ ನಂತರ 108 ಕೋಟಿಯಿಂದ 117 ಕೋಟಿಗೆ ಬಂದು ನಿಂತಿದ್ದಾರೆ. ಇತ್ತೀಚೆಗೆ ಸಹಿ ಮಾಡಿರುವ ಸಿನಿಮಾಗಳಿಗೆ 117 ಕೋಟಿ ಸಂಭಾವನೆ ಪಡೆದಿದ್ದಾರಂತೆ ಅಕ್ಷಯ್ ಕುಮಾರ್.
ಅಕ್ಷಯ್ ಕುಮಾರ್ ಅಭಿನಯದ ಸಿನಿಮಾಗಳ ಪ್ರೊಡಕ್ಷನ್ ಬಜೆಟ್ 35-45 ಕೋಟಿ, ಪ್ರಿಂಟ್ ಹಾಗೂ ಪ್ರಚಾರದ ವೆಚ್ಚ 15 ಕೋಟಿ. ಎಲ್ಲ ಸೇರಿ ಇಡೀ ಸಿನಿಮಾಗೆ 60-55 ಕೋಟಿ ವೆಚ್ಚವಾಗಲಿದೆ. ಇದರ ಜೊತೆಗೆ ಅಕ್ಷಯ್ ಕಯಮಾರ್ ಅವರ ಸಂಭಾವನೆ ಸೇರಿಸಿದರೆ ಚಿತ್ರದ ಒಟ್ಟಾರೆ ಬಜೆಟ್ 185 ರಿಂದ 195 ಕೋಟಿಯಾಗುತ್ತದೆ.
2020ರಲ್ಲಿ ಅತಿ ಹೆಚ್ಚು ಸಂಭಾವನೆ ಪಡೆಯುವ ನಟ ಅಕ್ಷಯ್ ಕುಮಾರ್ ಎಂದು ರ್ಫೋಬ್ಸ್ ಪ್ರಕಟಿಸಿದೆ. ಅಕ್ಷಯ್ ಕುಮಾರ್ ಅಭಿನಯದ ಜೊತೆಗೆ ಸಿನಿಮಾ ನಿರ್ಮಾಣಗಳನ್ನೂ ಮಾಡುತ್ತಿದ್ದಾರೆ. ಸದ್ಯ ಸೂರ್ಯವಂಶಿ, ಅತ್ರಂಗಿ ರೇ, ಪೃಥ್ವಿರಾಜ್, ರಾಮ್ ಸೇತು, ಮಿಷನ್ ಲಯನ್, ರಕ್ಷಾ ಬಂಧನ್ ಸೇರಿದಂತೆ ಇನ್ನೂ ಕೆಲವು ಸಿನಿಮಾಗಳು ಮುಂದಿನ 2 ವರ್ಷಗಳಲ್ಲಿ ರಿಲೀಸ್ ಆಗಲಿವೆ.
Comments are closed.