ಮಹಾಮಾರಿ ಕೊರೋನಾ ವಿರುದ್ಧ ಹೋರಾಟಕ್ಕಾಗಿ ಅನೇಕ ನಟ-ನಟಿಯರು ಕೈ ಜೋಡಿಸಿದ್ದಾರೆ. ಇನ್ನು ಕೆಲವರು ಸಂಕಷ್ಟದಲ್ಲಿರುವವರಿಗಾಗಿ ಪರಿಹಾರ ನಿಧಿ ಸಂಗ್ರಹಿಸುವ ಮೂಲಕ ಅವರ ನೆರವಿಗೆ ಧಾವಿಸಿದ್ದಾರೆ. ಅದರಂತೆ ಹಾಲಿವುಡ್ ನಟಿ ಜೆನ್ನಿಫರ್ ಅನಿಸ್ಟನ್ ತನ್ನ ನಗ್ನ ಭಾವಚಿತ್ರವನ್ನು ಹರಾಜು ಹಾಕುವ ಮೂಲಕ ನಿಧಿ ಸಂಗ್ರಹಕ್ಕೆ ಮುಂದಾಗಿದ್ದಾರೆ.
ಜೆನ್ನಿಫರ್ ಅನಿಸ್ಟನ್ ತನ್ನ 25 ವರ್ಷದ ನಗ್ನ ಭಾವಚಿತ್ರವನ್ನು ಮಾರಾಟ ಮಾಡಲು ಮುಂದಾಗಿದ್ದು, ಆ ಮೂಲಕ ಕೊರೋನಾ ವೈರಸ್ಗಾಗಿ ಪರಿಹಾರ ನಿಧಿ ಸಂಗ್ರಹಿಸಲು ಚಿಂತಿಸಿದ್ದಾರೆ. 1995ರ ನವೆಂಬರ್ ತಿಂಗಳಿನಲ್ಲಿ ಮಾರ್ಕ್ ಸೆಲೆಗರ್ ಎಂಬಾತ ಈ ಚಿತ್ರವನ್ನು ಸೆರೆಹಿಡಿದಿದ್ದಾರೆ.
ನಗ್ನ ಫೋಟೋ ಹರಾಜು ಕುರಿತು ಜೆನ್ನಿಫರ್ ಅನಿಸ್ಟನ್ ತನ್ನ ಇನ್ಸ್ಟಾಗ್ರಾಂ ವಿಡಿಯೋವೊಂದನ್ನು ಪೋಸ್ಟ್ ಮಾಡಿದ್ದಾರೆ. ಈ ವಿಡಿಯೋದಲ್ಲಿ ನನ್ನ ಗೆಳೆಯರಾದ ಮಾರ್ಕ್ಸೆಲೆಗರ್, ರಾಡ್ವೊಕಸಿ ಮತ್ತು ಕ್ರಿಸ್ಟಿಸಿಂಕ್ ಸೇರಿದಂತೆ ನನ್ನ ಭಾಚಚಿತ್ರವನ್ನು ಸೇರಿಸಿ ಒಟ್ಟು 25 ಫೋಟೋಗಳನ್ನು ಹರಾಜು ಹಾಕಲಿದ್ದೇವೆ. ಕೊರೋನಾ ವೈರಸ್ ನಿಧಿ ಸಂಗ್ರಹಕ್ಕಾಗಿ ಎಂದು ಅಡಿಬರಹ ಬರೆದಿದ್ದಾರೆ.
ಭಾವಚಿತ್ರಗಳ ಹರಾಜಿನಲ್ಲಿ ಬಂದ ಆದಾಯದಲ್ಲಿ ಶೇ 100ರಷ್ಟು ಆದಾಯ ಎನ್ಎಎಫ್ ಚಿಕಿತ್ಸಾಲಯಕ್ಕೆ ಹೋಗುತ್ತದೆ. ಎನ್ಎಎಫ್ ಕ್ಲಿನಿಕ್ ಬಡ ರೋಗಿಗಳಿಗೆ ಆರೈಕೆ ಮಾಡುತ್ತಿದೆ. ಹಾಗಾಗಿ ಅವರ ವೈದ್ಯಕೀಯ ವೆಚ್ಚವನ್ನು ಭರಿಸಲು ಮತ್ತು ಉಚಿತ ಕೊರೋನಾ ವೈರಸ್ ಪರೀಕ್ಷೆಗಾಗಿ ಈ ರೀತಿ ನಿಧಿ ಸಂಗ್ರಹ ಮಾಡುತ್ತಿದ್ದೇವೆ ಎಂದಿದ್ದಾರೆ.
ಇನ್ನು ಹರಾಜು ಪ್ರಕ್ರಿಯೆ ಬಗ್ಗೆ ಹೆಚ್ಚಿನ ಮಾಹಿತಿಯನ್ನು ತಿಳಿಯಲು ನನ್ನ ಬಯೋಲಿಂಕ್ ಫಾಲೋ ಮಾಡಿ. ಇದೊಂದು ಅವಕಾಶ ನೀಡಿದ ಮಾರ್ಕ್ಗೆ ನನ್ನ ಧನ್ಯವಾದಗಳು ಎಂದು ಜೆನ್ನಿಫರ್ ತಮ್ಮ ಇನ್ಸ್ಟಾ ಖಾತೆಯಲ್ಲಿ ಬರೆದುಕೊಂಡಿದ್ದಾರೆ.
Comments are closed.