Uncategorized

ಪ್ರತ್ಯೇಕತಾವಾದಿ ಗಿಲಾನಿಯಿಂದ 10,000 ಡಾಲರ್ ಜಪ್ತಿ

Pinterest LinkedIn Tumblr


ಹೊಸದಿಲ್ಲಿ: ಜಮ್ಮು ಮತ್ತು ಕಾಶ್ಮೀರದ ಪ್ರತ್ಯೇಕತಾವಾದಿಗಳ ವಿರುದ್ಧ ಜಾರಿ ನಿರ್ದೇಶನಾಲಯ ಕಠಿಣ ಕಾನೂನು ಪ್ರಯೋಗಕ್ಕೆ ಮುಂದಾಗಿದ್ದು, ಸಯ್ಯದ್ ಆಸಲಿ ಶಾ ಗಿಲಾನಿ ವಿರುದ್ಧ ‘ಫೆಮಾ’ ಕಾಯ್ದೆ (ಫಾರಿನ್ ಎಕ್ಸ್‌ಚೇಂಜ್ ಮ್ಯಾನೇಜ್‌ಮೆಂಟ್‌ ಆಕ್ಟ್‌) ಪ್ರಯೋಗಿಸಿದೆ. ಜೆಕೆಎಲ್‌ಎಫ್‌ನಿಂದ ವಶಪಡಿಸಿಕೊಂಡು ಭಾರೀ ಮೊತ್ತದ ವಿದೇಶಿ ವಿನಿಮಿಯವನ್ನು ಮುಟ್ಟುಗೋಲು ಹಾಕಿಕೊಳ್ಳಲೂ ಇ.ಡಿ ನಿರ್ಧರಿಸಿದೆ ಎಂದು ಎಎನ್‌ಐ ವರದಿ ಮಾಡಿದೆ.

10,000 ಡಾಲರ್‌ ಅಮೆರಿಕ ಕರೆನ್ಸಿಯನ್ನು ಅಕ್ರಮವಾಗಿ ಇಟ್ಟುಕೊಂಡಿದ್ದಕ್ಕಾಗಿ ಗಿಲಾನಿಗೆ 14.40 ಲಕ್ಷ ರೂ.ಗಳ ದಂಡವನ್ನೂ ಇ.ಡಿ ವಿಧಿಸಿದೆ. ಮೊತ್ತವನ್ನು ಮುಟ್ಟುಗೋಲು ಹಾಕಿಕೊಳ್ಳಲಾಗಿದೆ.

‘ಜೆಕೆಎಲ್ಎಫ್‌ ಮಾಜಿ ಅಧ್ಯಕ್ಷ ಯಾಸಿನ್ ಮಲಿಕ್‌ ನಿಂದ ವಶಪಡಿಸಿಕೊಂಡ ಅಕ್ರಮ ವಿದೇಶಿ ವಿನಿಮಯವನ್ನೂ ಜಪ್ತಿ ಮಾಡಲಾಗಿದ್ದು, ದಂಡ ವಿಧಿಸಲು ಇ.ಡಿ ನಿರ್ಧರಿಸಿದೆ. ಇದಕ್ಕೆ ಸಂಬಂಧಿಸಿದ ಕಾನೂನು ಪ್ರಕ್ರಿಯೆ ಮುಂದುವರಿದಿದೆ’.

‘ಗಿಲಾನಿಗೆ 14.40 ಲಕ್ಷ ರೂ ದಂಡ ವಿಧಿಸಲಾಗಿದೆ ಎಂದು’ ಇ.ಡಿ ನಿರ್ದೇಶಕ ಸಂಜಯ್ ಮಿಶ್ರಾ ತಿಳಿಸಿರುವುದಾಗಿ ಮತ್ತೊಂದು ಸುದ್ದಿಸಂಸ್ಥೆ ಐಎಎನ್‌ಎಸ್‌ ವರದಿ ಮಾಡಿದೆ.

ಹತ್ತು ಸಾವಿರ ಡಾಲರ್ ಮೌಲ್ಯದ ಅಮೆರಿಕನ್ ಕರೆನ್ಸಿಯನ್ನು 87 ವರ್ಷದ ಗಿಲಾನಿಯಿಂದ 2017ರಲ್ಲಿ ವಶಪಡಿಸಿಕೊಳ್ಳಲಾಗಿತ್ತು.

ಪುಲ್ವಾಮಾ ಉಗ್ರ ದಾಳಿ ನಡೆದ ಬೆನ್ನಿಗೇ ಕಾಶ್ಮೀರದ ಪ್ರತ್ಯೇಕಾತಾವಾದಿಗಳ ವಿರುದ್ಧ ಕಠಿಣ ಕ್ರಮ ಕೈಗೊಂಡ ಕೇಂದ್ರ ಸರಕಾರ, ಅವರಿಗೆ ನೀಡಿದ್ದ ಭದ್ರತೆಯನ್ನು ರದ್ದುಪಡಿಸಿತ್ತು. ಅಲ್ಲದೆ ಕಾನೂನು ಜಾರಿ ಸಂಸ್ಥೆಗಳು ಪ್ರತ್ಯೇಕತಾವಾದಿಗಳ ಮೇಲೆ ದಾಳಿ ನಡೆಸಿ ಕಠಿಣ ಕ್ರಮ ಕೈಗೊಂಡಿದ್ದವು.

Comments are closed.