ಎಷ್ಟೋ ಜೋಡಿಯನ್ನು ನೋಡುತ್ತೇವೆ, ಒಬ್ಬರನ್ನೊಬ್ಬರು ಬಿಟ್ಟು ಒಂದು ಕ್ಷಣ ಇರುವುದಕ್ಕೆ ಸಾಧ್ಯವಿಲ್ಲವೆಂಬಂತೆ ಆಡುತ್ತಾರೆ, ದಿನ ಪೂರ್ತಿ ಫೋನ್‌ನಲ್ಲಿ ಮುಳುಗಿ ಹೋಗುತ್ತಾರೆ, ಇದ್ದಕ್ಕಿದ್ದಂತೆ ಅವರಿಬ್ಬರು ದೂರ ಸರಿದು ಬಿಡುತ್ತಾರೆ. ಅಷ್ಟೊಂದು ಪ್ರೀತಿಸುತ್ತಿರುವವರು ದೂರವಾಗಲು ಕಾರಣ ನೋಡಿದರೆ ಕೆಲವೊಂದು ಸಿಲ್ಲಿ ಮಿಸ್ಟೇಕ್ಸ್ ಆಗಿರುತ್ತವೆ.
ಪ್ರೀತಿಯಲ್ಲಿ ಬಿದ್ದ ಮೇಲೆ ಪ್ರೀತಿಯನ್ನು ಉಳಿಸಿಕೊಳ್ಳಲು ಈ ರೀತಿ ವರ್ತಿಸದಿದ್ದರೆ ಒಳ್ಳೆಯದು.
ಕೋಪಗೊಂಡು ಮಾತು ಬಿಡುವುದು
ಪ್ರೀತಿಯಲ್ಲಿ ತುಸು ಮುನಿಸು ಒಳ್ಳೆಯದೇ, ಆದರೆ ಚಿಕ್ಕ-ಪುಟ್ಟ ವಿಷಯಗಳಿಗೆ ಕೋಪಗೊಳ್ಳುವುದು, ಮುನಿಸಿಕೊಂಡು ಮಾತು ಬಿಡುವುದು ಮಾಡುವುದರಿಂದ ನಿಮ್ಮ ಸಂಗಾತಿಗೆ ನಿಮ್ಮ ಮೇಲೆ ಬೇಸರ ಉಂಟಾಗಿ ದೂರ ಸರಿಯಬಹುದು.
ಸುಳ್ಳು ಹೇಳುವುದು
ಸಂಬಂಧ ನಿಲ್ಲುವುದೇ ನಂಬಿಕೆ ಮೇಲೆ. ನೀವು ಸುಳ್ಳು ಹೇಳಿ, ನಿಮ್ಮ ಸಂಗಾತಿಗೆ ಸತ್ಯಾಂಶ ಗೊತ್ತಿದ್ದರೆ ಅಂಥ ಸಂಬಂಧ ಮುರಿದು ಬೀಳುವುದು.
ಸಾರ್ವಜನಿಕ ಸ್ಥಳದಲ್ಲಿ ಸೀನ್‌ಕ್ರಿಯೇಟ್ ಮಾಡುವುದು
ನಾಲ್ಕು ಜನ ಸೇರಿರುವ ಕಡೆ ನಿಮ್ಮ ಸಂಗಾತಿ ಅಥವಾ ಪ್ರೇಮಿ ಜತೆ ಜಗಳವಾಡುವುದು, ಹೀಯಾಳಿಸುವುದು ಮಾಡುವುದರಿಂದ ಅವರ ಮನಸ್ಸಿಗೆ ತುಂಬಾ ನೋವುಂಟಾಗುವುದು. ನಿಮ್ಮಿಬ್ಬರಿಗೆ ಏನೇ ವೈಮನಸ್ಸು ಬಂದರೂ ಇಬ್ಬರೇ ಇರುವಾಗ ಚರ್ಚಿಸಿ, ಮತ್ತೊಬ್ಬರ ಮುಂದೆ ಸೀನ್‌ಕ್ರಿಯೇಟ್‌ಮಾಡುವುದು ಬೇಡ.
ಸೆಕ್ಸ್ ಶಿಕ್ಷೆಯ ರೂಪವಾಗಿ ಪರಿವರ್ತನೆಯಾಗುವುದು
ಲೈಂಗಿಕ ಹಿಂಸೆ ನೀಡುವ ಸಂಗಾತಿಯನ್ನು ಯಾರೂ ಪ್ರೀತಿಸುವುದಿಲ್ಲ, ಇದು ಆರೋಗ್ಯಕರ ಸಂಬಂಧಕ್ಕೆ ಒಳ್ಳೆಯದು ಕೂಡ ಅಲ್ಲ.
ಈಗೋ
ಸಂಬಂಧ ಒಡೆಯುವ ಅತೀ ದೊಡ್ಡ ಶತ್ರು ಅಂದರೆ ಈಗೋ. ಒಬ್ಬರನ್ನೊಬ್ಬರು ಅರಿತುಕೊಂಡು ಬಾಳಬೇಕೆ ಹೊರತು ಅಲ್ಲಿ ಈಗೋ ಇದ್ದರೆ ಆ ಸಂಬಂಧ ಬಾಳುವುದೇ ಇಲ್ಲ.
ಸಂಗಾತಿ ಮೇಲೆ ಸಂಶಯ
ಸಂಶಯ ಇರುವ ಕಡೆ ಸಂತೋಷ ಇರಲು ಸಾಧ್ಯವಿಲ್ಲ. ಸಂಶಯ ಬುದ್ದಿ ಇರುವವರ ಜತೆ ಬಾಳುವುದು ಕಷ್ಟ, ಆದ್ದರಿಂದ ಸಂಬಂಧ ಮುರಿದು ಬೀಳುವುದು.
Comments are closed.