ಮಡಿಕೇರಿ: ಇತ್ತೀಚೆಗಷ್ಟೇ ಚೆನ್ನೈನ ಬೀದಿಗಳಲ್ಲಿ ಚಪ್ಪಲಿಯಿಲ್ಲದೇ, ಹರಿದ ಬಟ್ಟೆ ತೊಟ್ಟು ಅಲೆಯುತ್ತಿದ್ದ ನಟ ಹಾಗೂ ಯೂಟೂಬ್ ಸ್ಟಾರ್ ನಿನ್ನೆ (ಬುಧವಾರ) ಮಂಡ್ಯದ ಪಾಂಡವಪುರದಲ್ಲಿ ಅಲೆದಾಡುತ್ತಿದ್ದರು. ಆದರೆ ಗುರುವಾರ ಮಡಿಕೇರಿಯಲ್ಲಿ ಕಾಣಿಸಿಕೊಂಡ ಹುಚ್ಚ ವೆಂಕಟ್ ಕಿರಿಕ್ ಮಾಡಿಕೊಂಡಿದ್ದು ಹುಚ್ಚಾಟ ಮಾಡಿ ಸ್ಥಳೀಯರಿಂದ ಧರ್ಮದೇಟು ತಿಂದಿದ್ದಲ್ಲದೇ ಪೊಲೀಸರ ಅತಿಥಿಯಾಗಿದ್ದಾರೆ.
ಮಡಿಕೇರಿಯ ಕೆಎಸ್ಆರ್ಟಿಸಿ ಡಿಪೋ ಬಳಿ ಸ್ಥಳೀಯರೊಬ್ಬರ ಕಾರು ಪುಡಿಮಾಡಿದ್ದು ಇದರಿಂದ ರೊಚ್ಚಿಗೆದ್ದ ಸ್ಥಳೀಯರು ಹುಚ್ಚ ವೆಂಕಟ್ಗೆ ಹಿಗ್ಗಾಮುಗ್ಗಾ ಥಳಿಸಿದ್ದಾರೆ.ನಾಪೋಕ್ಲುವಿನ ದಿಲೀಪ್ ಎಂಬುವವರ ಕಾರಿನ ಮೇಲೆ ಕಾಲಿಟ್ಟು, ದರ್ಪ ತೋರಿದ್ದಲ್ಲದೇ ಕಲ್ಲಿನಿಂದ ಕಾರಿನ ಗಾಜು ಹೊಡೆದು ಪುಡಿಮಾಡಿದ್ಧಾರೆ ಎಂದು ತಿಳಿದು ಬಂದಿದೆ. ಘಟನೆಯ ವಿಷಯ ತಿಳಿದು ಸ್ಥಳಕ್ಕೆ ಧಾವಿಸಿದ ಪೊಲೀಸರು ಹುಚ್ಚ ವೆಂಕಟ್ ಅವರನ್ನು ವಶಕ್ಕೆ ಪಡೆದಿದ್ದಾರೆ.
Comments are closed.