ಲಖನೌ : ವೇದಿಕೆಯ ಮೇಲೆ ಬೃಹದಾಕಾರದ ಕೇಕ್ ಇಡಲಾಗಿತ್ತು. ಆ ಕೇಕ್ನ ತೂಕ ಬರೋಬ್ಬರಿ 63 ಕೆ.ಜಿ.. ಕೇಕ್ ತಂದಿಡುತ್ತಿದ್ದಂತೆ ಅಲ್ಲಿದ್ದವರು ಕೇಕ್ ಮೇಲೆ ಮುಗಿಬಿದ್ದರು. ನಾಮುಂದು, ತಾಮುಂದು ಎಂದು ಕೇಕ್ ಖಾಲಿ ಮಾಡಿಬಿಟ್ಟರು! ಕೇಕ್ ಕತ್ತರಿಸುವ ಮೊದಲೇ ಮಾಯಾವಾಗಿತ್ತು. ಈ ದೃಶ್ಯ ಕಂಡು ಬಂದಿದ್ದು ಬಹುಜನ ಸಮಾಜ ಪಾರ್ಟಿ (ಬಿಎಸ್ಪಿ) ಮುಖ್ಯಸ್ಥೆ ಮಾಯಾವತಿ ಜನ್ಮದಿನಾಚರಣೆಯ ಸಂಭ್ರಮದಲ್ಲಿ!
#WATCH: People loot cake during an event in Amroha, on Bahujan Samaj Party (BSP) chief Mayawati's 63rd birthday today. pic.twitter.com/8Q4bDWdr66
— ANI UP/Uttarakhand (@ANINewsUP) January 15, 2019
ಮಾಯಾವತಿ ಮಂಗಳವಾರ 63ನೇ ವರ್ಷಕ್ಕೆ ಕಾಲಿಟ್ಟಿದ್ದಾರೆ. ಈ ಬಾರಿ ಅವರು ಜನ್ಮದಿನವನ್ನು ಅದ್ದೂರಿಯಾಗಿ ಆಚರಿಸಿಕೊಳ್ಳದೆ ಇರಲು ನಿರ್ಧರಿಸಿದ್ದರು. ಆದರೆ, ಬಿಎಸ್ಪಿ ಕಾರ್ಯಕರ್ತರು ನೆಚ್ಚಿನ ನಾಯಕಿಯ ಹುಟ್ಟುಹಬ್ಬವನ್ನು ದೊಡ್ಡ ಪ್ರಮಾಣದಲ್ಲಿ ಆಚರಿಸಲು ನಿರ್ಧರಿಸಿದ್ದರು. ಅದಕ್ಕಾಗಿ ಬರೋಬ್ಬರಿ 63 ಕೆ.ಜಿ ತೂಕದ ಕೇಕ್ ತಂದಿದ್ದರು. ಬಿಎಸ್ಪಿ ಮುಖ್ಯಸ್ಥೆಯ ಹುಟ್ಟುಹಬ್ಬ ಆಚರಣೆಗೆ ಸಾಕ್ಷಿಯಾಗಲು ಸಾಕಷ್ಟು ಜನರು ಸೇರಿದ್ದರು.
ಕಾರ್ಯಕ್ರಮ ಆಯೋಜಕರು ವೇದಿಕೆಯ ಮೇಲೆ ಕೇಕ್ ತಂದಿಟ್ಟರು. ಅದನ್ನು ಕತ್ತರಿಸಲು ಇನ್ನೂ ಸಮಯವಿತ್ತು. ಆದರೆ, ವೇದಿಕೆಯ ಕೆಳಗಿದ್ದವರಿಗೆ ಕೇಕ್ ನೋಡಿ ಬಾಯಲ್ಲಿ ನೀರೂರಿತ್ತು. ಇದರ ಜೊತೆಗೆ ರಾಕ್ಷಸ ಹಸಿವು ಬೇರೆ. ಹಾಗಾಗಿ, ಒಂದಿಬ್ಬರು ಕೇಕ್ಗೆ ಮುತ್ತಿಗೆ ಹಾಕಿದ್ದರು. ನೋಡ ನೋಡುತ್ತಿದ್ದಂತೆ 20-25 ಜರನು ಒಂದೇ ಬಾರಿಗೆ ಕೇಕ್ ಬಾಚಿಕೊಳ್ಳಲು ಆರಂಭಿಸಿದ್ದರು. ಕ್ಷಣಮಾತ್ರದಲ್ಲಿ ಅಲ್ಲಿದ್ದ 63 ಕೆ.ಜಿ. ತೂಕದ ಕೇಕ್ ಮಾಯವಾಗಿತ್ತು. ಭದ್ರತಾ ಸಿಬ್ಬಂದಿ ಅವರನ್ನು ತಡೆಯಲು ಮುಂದಾದರಾದರೂ ಅದು ವಿಫಲವಾಯಿತು. ಕಾರ್ಯಕ್ರಮದ ಆಯೋಜಕರು ಇದರಿಂದ ಪೇಚಿಗೀಡಾದರು. ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
ಮತ್ತೊಂದು ಕಡೆ, ಬಿಎಸ್ಪಿ ಶಾಸಕರು ಕಾರ್ಯಕರ್ತರಿಗೋಸ್ಕರ ನೃತ್ಯ ಕಾರ್ಯಕ್ರಮ ಆಯೋಜನೆ ಮಾಡಿದ್ದರು. ಈ ವಿಡಿಯೋ ಕೂಡ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ. ಈ ಬಗ್ಗೆ ಪರ ವಿರೋಧ ಚರ್ಚೆಗಳು ವ್ಯಕ್ತವಾಗಿದೆ.
Comments are closed.