ವಾಹನ ಓಡಿಸುವಾಗ ಸ್ವಲ್ಪ ಮೈಮರೆತರೆ ಅಪಘಾತಗಳು ಸಂಭವಿಸುತ್ತದೆ. ಆದರೆ ಕೆಲವೊಂದು ಬಾರಿ ಯಾವುದೋ ವಾಹನ ಚಾಲಕನ ಅಜಾಗರೂಕತೆಯಿಂದ ದೊಡ್ಡ ಅನಾಹುತಗಳೇ ಗತಿಸಿ ಬಿಡುತ್ತದೆ. ಅಂಥಹದ್ದೇ ಅವಘಡ ವಿಯ್ನೆಟ್ನಾಂನಲ್ಲಿ ನಡೆದಿದೆ.
https://youtu.be/CENy0fprDnw
ಲಾಂಗ್ ಪ್ರಾಂತ್ಯದ ನಗರದಲ್ಲಿ ಟ್ರಾಫಿಕ್ ಸಿಗ್ನಲ್ನಲ್ಲಿ ಒಂದಷ್ಟು ವಾಹನಗಳು ನಿಂತಿದ್ದವು. ಇನ್ನೇನು ಸಿಗ್ನೆಲ್ ದ್ವೀಪ ಹಸಿರು ಬಣ್ಣಕ್ಕೆ ತಿರುಗಲಿದೆ ಎನ್ನುವಷ್ಟರಲ್ಲಿ ಟ್ರಕ್ವೊಂದು ವೇಗವಾಗಿ ಹಿಂದೆಯಿಂದ ಬಂದಿದೆ. ಅತಿ ವೇಗವಾಗಿ ಬರುತ್ತಿದ್ದ ಟ್ರಕ್ ಸಿಗ್ನಲ್ ಸಮೀಪಿಸುತ್ತಿದ್ದಂತೆ ನಿಯಂತ್ರಣ ತಪ್ಪಿದ್ದು, ಇದರಿಂದ ಸಿಗ್ನೆಲ್ನಲ್ಲಿ ನಿಂತಿದ್ದ 20 ಕ್ಕೂ ಹೆಚ್ಚಿನ ಬೈಕುಗಳ ಮೇಲೆ ಹರಿದಿದೆ.
ಈ ಘಟನೆಯಿಂದ 6 ಮಂದಿ ಸ್ಥಳದಲ್ಲೇ ಮೃತಪಟ್ಟರೆ, 22 ಮಂದಿಗೆ ಗಂಭೀರ ಗಾಯಗಳಿಂದ ಸಾವು ಬದುಕಿನ ನಡುವೆ ಹೋರಾಟ ನಡೆಸುತ್ತಿದ್ದಾರೆ. ಇನ್ನು ಕೆಲವರು ಸಣ್ಣಪುಟ್ಟ ಗಾಯಗಳೊಂದಿಗೆ ಪವಾಡಸದೃಶವಾಗಿ ಪ್ರಾಣಾಪಾಯದಿಂದ ಪಾರಾಗಿದ್ದಾರೆ.
ಟ್ರಕ್ ಚಾಲಕನನ್ನು ವಿಯೆಟ್ನಾಂ ಪೊಲೀಸರು ವಶಕ್ಕೆ ಪಡೆದಿದ್ದು, ಈ ಬ್ರೇಕ್ ಫೇಲ್ ಆಗಿದ್ದರಿಂದ ನಿಯಂತ್ರಿಸಲು ಸಾಧ್ಯವಾಗಿರಲಿಲ್ಲ ಎಂದು ತಿಳಿಸಿರುವುದಾಗಿ ವರದಿಯಾಗಿದೆ. ಈ ಭೀಕರ ದೃಶ್ಯವು ಸಿಸಿ ಟಿವಿ ಕ್ಯಾಮೆರಾದಲ್ಲಿ ಸೆರೆಯಾಗಿದ್ದು, ಈ ವೀಡಿಯೊ ತುಣುಕು ವಿಶ್ವದಾದ್ಯಂತ ವೈರಲ್ ಆಗಿದೆ.
Comments are closed.