ಸಾಕಿದವನನ್ನೇ ಕೊಂದು ಹಾಕಿದ ಹುಲಿ ! ಇಲ್ಲಿದೆ ವೀಡಿಯೊ

https://youtu.be/4YHvEvfzDp4

ಬೀಜಿಂಗ್: ಹುಲಿಯೊಂದು ತನ್ನನ್ನು ಸಾಕಿದ ಮೃಗಾಲಯದ ಸಿಬ್ಬಂದಿಯನ್ನೇ ಕೊಂದಿರುವ ಘಟನೆ ಚೀನಾದಲ್ಲಿ ನಡೆದಿದೆ.

ಕಳೆದ ಭಾನುವಾರ ಇಲ್ಲಿನ ಫುಝೌ ಮೃಗಾಲಯದಲ್ಲಿ ಈ ಘಟನೆ ನಡೆದಿದೆ. ಮೃಗಾಲಯದ ಸಿಬ್ಬಂದಿಯಾದ ವೂ ಪ್ರಾಣಿಗಳಿಗೆ ತರಬೇತಿ ನೀಡಲು ಬಳಸುವ ಬೋನಿನೊಳಗೆ ಹುಲಿಯೊಂದಿಗೆ ಇದ್ದರು. ಯಾವಾಗ್ಲೂ ಶಾಂತವಾಗಿರುತ್ತದೆ ಹುಲಿ ಅಂದು ಇದ್ದಕ್ಕಿದ್ದಂತೆ ವೂ ಅವರಿಗೆ ಕಚ್ಚಿದ್ದು, ಅವರು ಉಸಿರುಗಟ್ಟಿ ಸಾವನ್ನಪ್ಪಿದರು ಎಂದು ಅಧಿಕಾರಿಗಳು ಹೇಳಿದ್ದಾರೆ.

ಫುಜೌ ಸಿಬ್ಬಂದಿಯಾಗಿದ್ದ ವೂ, ಹುಲಿ ಮರಿಯಾಗಿದ್ದಾಗಿನಿಂದಲೂ ಅದರ ಆರೈಕೆ ಮಾಡಿದ್ದರು. ದೀರ್ಘ ಕಾಲ ಮಾನವನೊಂದಿಗೆ ಒಡನಾಟದಲ್ಲೇ ಹುಲಿಯನ್ನ ಸಾಕಲಾಗಿತ್ತು ಎಂದು ವರದಿಯಾಗಿದೆ.

ಈ ಘಟನೆಯನ್ನ ಪ್ರತ್ಯಕ್ಷದರ್ಶಿಗಳು ವಿಡಿಯೋ ಮಾಡಿದ್ದು, ಸಾವನ್ನಪ್ಪಿದ ತನ್ನ ತರಬೇತುದಾರನ ದೇಹದ ಬಳಿ ಹುಲಿ ನಿಂತಿರೋದನ್ನ ಕಾಣಬಹುದು. ಪೊಲೀಸರಿಗೆ ಕರೆ ಮಾಡಿ ಎಂದು ಅಲ್ಲಿದ್ದವರು ಕಿರುಚೋದನ್ನೂ ವಿಡಿಯೋದಲ್ಲಿ ಕೇಳಬಹುದು.

ಮತ್ತೊಂದು ವಿಡಿಯೋದಲ್ಲಿ ಹುಲಿ ವೂ ಅವರ ಮೇಲೆ ದಾಳಿ ಮಾಡುತ್ತಿದ್ದು, ಇತರೆ ಸಿಬ್ಬಂದಿ ಕೋಲಿನಿಂದ ಅದನ್ನ ಓಡಿಸಲು ಪ್ರಯತ್ನಿಸುತ್ತಿರುವುದನ್ನು ಕಾಣಬಹುದು. ಆದ್ರೆ ಅವರ ಪ್ರಯತ್ನ ವಿಫಲವಾಗಿದ್ದು ವೂ ಹುಲಿಯ ದಾಳಿಯಿಂದ ಕೊನೆಯುಸಿರೆಳೆದಿದ್ದಾರೆ.