ಬೆಂಗಳೂರು: ಸಗಲ ಚಿತ್ರದ ಸೂರಿ ಖ್ಯಾತಿಯ ದಿನೇಶ್‌ ಕುಮಾರ್ ಹುಲಿಯನಾಗಿ ಮಿಂಚಿರುವ ಬಹುನಿರೀಕ್ಷತ ಚಿತ್ರ “ಮಾರಿಗುಡ್ಡದ ಗಡ್ಡಧಾರಿಗಳು”, ಇದೇ ಏಪ್ರಿಲ್‌ 14 ರಂದು ರಾಜ್ಯಾದ್ಯಂತ ರಿಲೀಸ್ ಆಗಲಿದೆ.
ಡಿ.ಜೆ ಪ್ರಕಾಶ್ ಸಿನಿ ಪ್ರೊಡಕ್ಷನ್‌ ಅಡಿಯಲ್ಲಿ, ಸಲಗ ಚಿತ್ರದ ಸೂರಿ ಖ್ಯಾತಿಯ ದಿನೇಶ್‌ ಕುಮಾರ್ ಅವರು ನಟಿಸಿ, ಸಹ ನಿರ್ಮಾಪಕ ವಿಜಯ್‌ ಅವರೊಂದಿಗೆ ಸೇರಿ ಅದ್ದೂರಿಯಾಗಿ ನಿರ್ಮಿಸಿರೋ ಮಾರಿಗುಡ್ಡದ ಗಡ್ಡಧಾರಿಗಳು, ಕೋಲಾರದ ಕೆ.ಜಿ.ಎಫ್‌ ಸುತ್ತಮುತ್ತ, ಸತತ 46 ದಿನಗಳ ಕಾಲ ಒಂದೇ ಹಂತದಲ್ಲಿ ಚಿತ್ರೀಕರಣಗೊಂಡಿದೆ.
1994ರಲ್ಲಿ ನಡೆಯುವ ಒಂದು ಕಾಲ್ಪನಿಕ ಕಥೆ ಇದಾಗಿದ್ದು, ಮಾರಿಗುಡ್ಡದಲ್ಲಿ ಗಡ್ಡಧಾರಿಗಳ ಒಡೆಯ ಹುಲಿಯನ ಸುತ್ತ ಒಂದೊಂದೇ ಎಳೆ ಬಿಚ್ಚಿಕೊಳ್ಳುತ್ತ, ಕ್ಲೈಮ್ಯಾಕ್ಸಲ್ಲಿ ಖಳನಾಯಕನೇ ಹೇಗೆ ಕಥಾನಾಯಕನಾಗುತ್ತಾನೆ ಎಂಬುದೇ ಈ ಚಿತ್ರದ ಒನ್‌ ಲೈನ್‌ ಸ್ಟೋರಿ ಅಂತೆ.
ಚಿತ್ರದಲ್ಲಿ ನಾಯಕಿಯಾಗಿ ನಮೃತಾ, ಮಗಳ ಪಾತ್ರದಲ್ಲಿ ಬೇಬಿ ಮರೀಷಾ, ಪ್ರವೀಣ್‌ ಡಿ ರಾಜು, ನಂಜುಂಡ ಎಂಬ ಹೊಸ ಪ್ರತಿಭೆಗಳನ್ನು ಪರಿಚಯಿಸಲಾಗಿದೆ. ಹಿರಿಯ ನಟರಾದ ಅವಿನಾಶ್‌, ರಮೇಶ್‌ ಭಟ್‌, ಗಣೇಶ್‌ ರಾವ್‌, ಬೆನಕ ನಂಜಪ್ಪ, ಪ್ರಶಾಂತ್‌ ಸಿದ್ಧಿ ಅವರ ಅಭಿನಯ ಪ್ರೇಕ್ಷಕರನ್ನು ಮೋಡಿ ಮಾಡಲಿದೆ.
ನಿರ್ದೇಶಕ ಟಿ.ಎಸ್‌ ನಾಗಾಭರಣ ಅವರ ತಂಡದಲ್ಲಿ ಸಹ ನಿರ್ದೇಶಕರಾಗಿ ಕೆಲಸ ಮಾಡಿರುವ, ಆರ್‌ ಚಂದ್ರಕಾಂತ್‌, ಮಾರಿಗುಡ್ಡದ ಗಡ್ಡಧಾರಿಗಳಿಗೆ ಕಥೆ, ಚಿತ್ರಕಥೆ, ಖಡಕ್‌ ಡೈಲಾಗ್‌ಳನ್ನು ಹೆಣೆದು, ಆಕ್ಷನ್‌ ಕಟ್‌ ಹೇಳಿದ್ದಾರೆ. ಚಿತ್ರದ ಸಹ ನಿರ್ದೇಶನ ಹಾಗೂ ಮೇಲ್ವಿಚಾರಣೆ ರಂಜಿತ್‌ ತಿಗಡಿಯವರದಾಗಿದ್ದು, ಮದನ್‌ ಹರಿಣಿ ಹಾಗೂ ಮೋಹನ್‌ ನೃತ್ಯ ಸಂಯೋಜನೆ ಮಾಡಿದ್ದಾರೆ.
ಚಿತ್ರಕ್ಕೆ ಸತ್ಯ ಅವ್ರ ಕ್ಯಾಮೆರಾ ವರ್ಕ್‌ ಹಾಗೂ ಎನ್‌.ಎಂ ವಿಶ್ವ ಅವರ ಕತ್ತರಿ ಪ್ರಯೋಗ ಪ್ಲಸ್‌ ಪಾಯಿಂಟ್‌ ಆಗಲಿದ್ದು, ಜಾಗ್ವಾರ್‌ ಸಣ್ಣಪ್ಪ ಅವರ ಸ್ಟಂಟ್‌ ಡೈರೆಕ್ಷನ್‌, ಕೆ.ಎಂ ಇಂದ್ರ ಅವರ ಸಂಗೀತ ಸಂಯೋಜನೆ ಹಾಗೂ ಶಶಾಂಕ್‌ ಶೇಷಗಿರಿ ಅವರ ಬ್ಯಾಗ್ರೌಂಡ್‌ ಮ್ಯೂಸಿಕ್‌ ಚಿತ್ರದ ಸೊಗಡನ್ನು ಡಬಲ್‌ ಮಾಡಲಿದೆ.
ಈಗಾಗಲೇ ಚಿತ್ರದ ಟೀಸರ್‌ ಮತ್ತು ಟ್ರೇಲರ್‌ ಸಖತ್‌ ಸದ್ದು ಮಾಡುತ್ತಿದ್ದು, ಇದೇ ಏಪ್ರಿಲ್‌ 14ರಂದು ರಾಜ್ಯಾದ್ಯಂತ ತೆರೆಗೆ ಅಪ್ಪಳಿಸಲಿರುವ “ಮಾರಿಗುಡ್ಡದ ಗಡ್ಡಧಾರಿಗಳು” ಬಿಗ್‌ ಸಕ್ಸಸ್‌ ಕಂಡು, ಬಾಕ್ಸ್‌ ಆಫೀಸ್‌ ಕೊಳ್ಳೇ ಹೊಡೆಯುವುದು ನಿಸ್ಸಂಶಯ ಎಂದು ಸಿನೆಮಾ ವಲಯದಲ್ಲಿ ಹೇಳಲಾಗುತ್ತಿದೆ.
Comments are closed.