ಮಹಾರಾಷ್ಟ್ರದಿಂದ ಉಡುಪಿ ಜಿಲ್ಲೆಗೆ ಬಂದ ನಾಲ್ವರು ಹಾಗೂ ಚಿತ್ರದುರ್ಗದ 17 ವರ್ಷದ ಯುವತಿ ಸಹಿತ ಐವರಿಗೆ ಕೊರೋನಾ ಸೋಂಕು(updated)

ಉಡುಪಿ: ಉಡುಪಿ ಜಿಲ್ಲೆಯಲ್ಲಿ ಮಂಗಳವಾರ ಹೊಸ ಐದು ಕೊರೋನಾ ಪ್ರಕರಣಗಳು ಪತ್ತೆಯಾಗಿದೆ.

ಮಹಾರಾಷ್ಟ್ರದಿಂದ ಉಡುಪಿ ಜಿಲ್ಲೆಗೆ ಬಂದ 8 ವರ್ಷದ ಬಾಲಕ, 24ವರ್ಷ ಪ್ರಾಯದ ಯುವತಿ, 24 ಹಾಗೂ 38ವರ್ಷ ಪ್ರಾಯದ ಯುವಕರಿಗೆ ಕೊರೋನಾ ಸೋಂಕು ಪತ್ತೆಯಾಗಿದೆ. ಇವರೆಲ್ಲರೂ ಜಿಲ್ಲೆಗೆ ಬಂದು‌ ಸರಕಾರಿ ಕ್ವಾರೆಂಟೈನ್’ನಲ್ಲಿದ್ದರು. ಇನ್ನೋರ್ವ ಚಿತ್ರದುರ್ಗದಿಂದ ಬಂದು ಕ್ಯಾನ್ಸರ್ ಚಿಕಿತ್ಸೆಗೆ ದಾಖಲಾದ 17 ವರ್ಷದ ಯುವತಿಯಲ್ಲಿ ಕೊರೋನಾ ಪತ್ತೆಯಾಗಿದೆ.

ಸದ್ಯ ಇವರನ್ನು ಕೋವಿಡ್ ಆಸ್ಪತ್ರೆಗೆ ದಾಖಲಿಸಲಾಗಿದೆ.ಉಡುಪಿ‌ ಜಿಲ್ಲೆಯಲ್ಲಿ ಈವರೆಗೆ 16 ಕೊರೋನಾ ಪಾಸಿಟಿವ್ ಪ್ರಕರಣ ದಾಖಲಾಗಿದ್ದು ಮೂವರು ಗುಣಮುಖರಾಗಿ ಬಿಡುಗಡೆ ಹೊಂದಿದ್ದಾರೆ. ಓರ್ವ ವ್ಯಕ್ತಿ ಮೃತಪಟ್ಟಿದ್ದಾರೆ.