ದುಬೈ: ದುಬೈ ಕ್ರೌನ್ ಪ್ಲಾಜಾ ಹೊಟೇಲ್‌ನಲ್ಲಿ ವ್ಯಾಪಾರ ಕ್ಷೇತ್ರಕ್ಕೆ ಹೊಸ ಚೈತನ್ಯವನ್ನು ನೀಡಲು ಸದುದ್ಯಮ ಎಮರ್ಜಿಂಗ್ ಇಂಡಿಯಾ ಬ್ಯುಸಿನೆಸ್ ಕಾನ್ಕ್ಲೇವ್ ಇತ್ತೀಚೆಗೆ ನಡೆಯಿತು.
ಯುಎಇಯ ಸುಮಾರು 500 ಉದ್ಯಮಿಗಳು ಈ ಸಮಾವೇಶದ ಭಾಗವಾಗಿದ್ದರು. ಕೇಂದ್ರದ ಮಾಜಿ ಸಚಿವ ಸುರೇಶ್ ಪ್ರಭು, ಇಸ್ರೋ ವಿಜ್ಞಾನಿ ನಂಬಿನಾರಾಯಣನ್ ಮತ್ತು ಸುಪ್ರೀಂ ಕೋರ್ಟ್ ವಕೀಲ ಡಾ.ಎಂ.ಆರ್.ವೆಂಕಟೇಶ್ ಮುಖ್ಯ ಅತಿಥಿಗಳಾಗಿ ಪಾಲ್ಗೊಂಡಿದ್ದ ಸಮಾವೇಶದಲ್ಲಿ ಬದಲಾವಣೆಗಳು ಮತ್ತು ಸಾಧ್ಯತೆಗಳ ಕುರಿತು ಚರ್ಚಿಸಲಾಯಿತು. ಸುರೇಶ್ ಗಾಂಧಿ, ಪ್ರವೀಣ್ ಕುಮಾರ್ ಶೆಟ್ಟಿ, ರೀಮಾ ಮಹಾಜನ್, ಸಿಬಿ ಮಣಿ, ಪ್ರತಾಪ್ ರಾವ್ ಮತ್ತು ಅನಿಲ್ ಚಂದ್ರಯಾನಿ ಅವರು ವಿವಿಧ ಕ್ಷೇತ್ರಗಳಿಂದ ಈ ವರ್ಷದ ಸದುದ್ಯಮ ವ್ಯವಹಾರ ಪ್ರಶಸ್ತಿಗಳನ್ನು ಪಡೆದರು.
ಹಾಸ್ಪಿಟಾಲಿಟಿ ವಲಯದಲ್ಲಿಈ ಪ್ರಶಸ್ತಿಯನ್ನು ಪ್ರವೀಣ್ ಕುಮಾರ್ ಶೆಟ್ಟಿ ಅವರಿಗೆ ನೀಡಲಾಯಿತು. ಪ್ರವೀಣ್ ಕುಮಾರ್ ಶೆಟ್ಟಿಯವರು ಫಾರ್ಚೂನ್ ಗ್ರೂಪ್ ಆಫ್ ಹೋಟೆಲ್ಸ್ ಎಂಬ ಬೃಹತ್ ಹೋಟೆಲ್ ಉದ್ಯಮ ಸ್ಥಾಪಿಸಿದ್ದು ಈ ಸಂಸ್ಥೆಯ ಚೇರ್ಮನ್ ಮತ್ತು ಮ್ಯಾನೇಜಿಂಗ್ ಡೈರೆಕ್ಟರ್ ಆಗಿದ್ದಾರೆ. ಇವರು 2001 ರಲ್ಲಿ ಫಾರ್ಚೂನ್ ಗ್ರೂಪ್ ಆಫ್ ಹೋಟೆಲ್‌ಗಳ ಅಧ್ಯಕ್ಷ ಮತ್ತು ವ್ಯವಸ್ಥಾಪಕ ನಿರ್ದೇಶಕರಾಗಿ ಅಧಿಕಾರ ವಹಿಸಿಕೊಂಡರು. ಫಾರ್ಚೂನ್ ಗ್ರೂಪ್, ದುಬೈಯಲ್ಲಿ 7 ಹೋಟೆಲ್‌ಗಳನ್ನು ಒಳಗೊಂಡಿದೆ. ಭಾರತದಲ್ಲಿ 2 ಹೋಟೆಲ್‌ಗಳು ಮತ್ತು ದುಬೈನಲ್ಲಿ ಮತ್ತೊಂದು ಹೋಟೆಲನ್ನು ಸೇರಿಸಲು ಸಜ್ಜಾಗಿದೆ. ಅವರು ಈ ಗ್ರೂಪ್‌ನ ಅಭೂತಪೂರ್ವ ವಿಸ್ತರಣೆ ಯೋಜನೆಗಳನ್ನು ಮುನ್ನಡೆಸುತ್ತಿದ್ದಾರೆ. 2000ಕ್ಕೂ ಮಿಗಿಲಾದ ಇವರ ಸಿಬ್ಬಂದಿ ಪಡೆಯ 60% ಭಾರತೀಯರೇ. ಕರ್ನಾಟಕದವರಾದ ಇವರು ಕರ್ನಾಟಕದ ಕೀರ್ತಿ ಪತಾಕೆಯನ್ನು ಹೆಮ್ಮೆಯಿಂದ ಹೊರನಾಡಿನಲ್ಲಿ‌ಹಾರಿಸಿದ್ದಾರೆ. ವರ ಕಾರ್ಯದಕ್ಷತೆ ಹಾಗೂ ಸ್ವಜನರ ಪ್ರತಿ ಪ್ರೇಮ ಹಾಗು ಸೇವಾಮನೋಭಾವವನ್ನು ಗುರುತಿಸಿ, ಕರ್ನಾಟಕ ಸರಕಾರವು 2021ರಲ್ಲಿ ಪ್ರತಿಷ್ಠಿತ ಕರ್ನಾಟಕ ರಾಜ್ಯೋತ್ಸವ ಪ್ರಶಸ್ತಿಯನ್ನೂ ನೀಡಿ ಗೌರವಿಸಿದೆ.
ಸುರೇಶ್ ಪ್ರಭು, ನಂಬಿ ನಾರಾಯಣನ್ ಮತ್ತು ಎಂ.ಆರ್.ವೆಂಕಟೇಶ್ ಅವರೊಂದಿಗಿನ ಸಂವಾದ ಕಾರ್ಯಕ್ರಮವೂ ಮೆಚ್ಚುಗೆಗೆ ಪಾತ್ರವಾಯಿತು. ಯುಎಇಯ ಪ್ರಮುಖ ವ್ಯಾಪಾರ ಪತ್ರಕರ್ತ ಭಾಸ್ಕರ್ ರಾಜ್, ಮಾಜಿ ಇಸ್ರೋ ವಿಜ್ಞಾನಿ ಶ್ರೀ ಸುಧಾ ಮತ್ತು ಅರ್ಥಶಾಸ್ತ್ರಜ್ಞ ಸಜಿತ್ ಕುಮಾರ್ ಚರ್ಚಾ ಸೆಷನ್‌ಗಳನ್ನು ನಿರ್ವಹಿಸಿದರು.
ಕಾನ್‌ಕ್ಲೇವ್‌ನಲ್ಲಿ ಆಯೋಜಿಸಲಾದ ನೆಟ್‌ವರ್ಕಿಂಗ್ ಅಧಿವೇಶನವು ವಿವಿಧ ಕ್ಷೇತ್ರಗಳ ಯುವ ಉದ್ಯಮಿಗಳನ್ನು ಭೇಟಿ ಮಾಡಲು ಮತ್ತು ವ್ಯಾಪಾರ ಅವಕಾಶಗಳ ಬಗ್ಗೆ ತಿಳಿದುಕೊಳ್ಳಲು ಅವಕಾಶವನ್ನು ಒದಗಿಸುತ್ತದೆ. ಕಾರ್ಯಕ್ರಮದಲ್ಲಿ ಕಾನ್ಸುಲ್ ಕೆ ಕಾಳಿಮುತ್ತು, ಸದುದ್ಯಮ ಅಧಿಕಾರಿಗಳಾದ ವಿನೋದ್ ನಂಬಿಯಾರ್, ಸಂಜಯ್ ಮೆಹ್ತಾ ಮತ್ತು ನಂದಕುಮಾರ್ ಮಾತನಾಡಿದರು.
Comments are closed.