ವಿಶ್ವದ ಗಮನ ಸೆಳೆದಿರೋ ಕ್ರಿಕೆಟ್ ಪಂದ್ಯಾವಳಿ ಹಿನ್ನೆಲೆಯಲ್ಲಿ ಸಾಮಾಜಿಕ ಜಾಲತಾಣದಲ್ಲಿ ಟೀಂ ಇಂಡಿಯಾ ಕುರಿತು ಅಭಿಮಾನದ ಮಹಾಪೂರವೇ ಹರಿಯುತ್ತಿದೆ. ಈ ಮಧ್ಯೆ ವೆಸ್ಟ್ ಇಂಡೀಸ್ ತಂಡದ ಸ್ಟೋಟಕ ಆಟಗಾರ ಕ್ರಿಸ್ ಗೇಲ್ ವಿಶೇಷವಾಗಿ ಭಾರತ-ಪಾಕ್ ಕದನದ ಬಗ್ಗೆ ಅಭಿಮಾನ ವ್ಯಕ್ತ ಪಡಿಸಿ ವಿಭಿನ್ನವಾಗಿ ಪ್ರೋತ್ಸಾಹಿಸಲು ಮುಂದಾಗಿದ್ದಾರೆ.
ಇಂದಿನ ಮ್ಯಾಚ್ಗಾಗಿ ಕಾತುರರಾಗಿರೋ ವಿಂಡೀಸ್ ತಂಡದ ಸ್ಫೋಟಕ ಬ್ಯಾಟ್ಸ್ಮನ್ ಕ್ರಿಸ್ ಗೇಲ್ ವಿಶೇಷ ಗೆಟಪ್ನಲ್ಲಿ ಕಾಣಿಸಿಕೊಂಡಿದ್ದಾರೆ. ಗೇಲ್ ಬಿಳಿ ಬಣ್ಣದ ಸೂಟ್ ಧರಿಸಿದ್ದು, ಸೂಟ್ನ ಬಲ ಮತ್ತು ಎಡ ಭಾಗದ ತೋಳಿನಲ್ಲಿ ಇಂಡೋ-ಪಾಕ್ ತಿರಂಗದ ಕಲರ್ ಹಾಕಿಕೊಂಡಿದ್ದಾರೆ.
ಇನ್ನು ತಮ್ಮ ಟ್ವಿಟರ್ನಲ್ಲಿ ಪೋಟೋ ಪೋಸ್ಟ್ ಮಾಡಿದ್ದು, ಇವತ್ತಿನ ಹೈವೋಲ್ಟೆಜ್ ಮ್ಯಾಚ್ಗೋಸ್ಕರ ಕಾಯ್ತಿದ್ದೇನೆ. ಅಲ್ದೇ, ಸೆಪ್ಟೆಂಬರ್ 20ರಂದು ನನ್ನ ಬರ್ತಡೇಗೆ ಸೂಟ್ ಇದೇ ಆಗಿದೆ ಎಂದು ಇನ್ಸ್ಟಾ ಗ್ರಾಮ್ನಲ್ಲಿ ಬರೆದುಕೊಂಡಿದ್ದಾರೆ.
ಕ್ರಿಸ್ ಗೇಲ್ ಸ್ಪೆಷಲ್ ಡ್ರೆಸ್ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದ್ದು, ಕ್ರಿಕೆಟ್ ಅಭಿಮಾನಕ್ಕೆ ದೇಶ,ಭಾಷೆಯ ಗಡಿ ಇಲ್ಲ ಎಂದು ಅಭಿಮಾನಿಗಳು ಕಮೆಂಟ್ ಮಾಡ್ತಿದ್ದಾರೆ. ಇನ್ನು ಈ ಭಾವೈಕ್ಯತೆ ಡ್ರೆಸ್ನ್ನು ತಮ್ಮ ಹುಟ್ಟುಹಬ್ಬದ ಪಾರ್ಟಿಗೂ ಬಳಸುವುದಾಗಿ ವೆಸ್ಟ್ ಇಂಡೀಸ್ ಬ್ಯಾಟ್ಸ್ಮನ್ ಕ್ರಿಸ್ ಗೇಲ್ ಹೇಳಿದ್ದಾರೆ.
Comments are closed.