ಈ ಬಾರಿಯ ಐಪಿಎಲ್ನಲ್ಲಿ ಮನ್ಕಡ್ ರನೌಟ್ ಭಾರೀ ಸುದ್ದಿ ಮಾಡುತ್ತಿದೆ. ಕಳೆದ ರಾಜಸ್ಥಾನ್ ರಾಯಲ್ಸ್ ವಿರುದ್ಧದ ಪಂದ್ಯದಲ್ಲಿ ಕಿಂಗ್ಸ್ ಇಲೆವೆನ್ ಪಂಜಾಬ್ ತಂಡದ ನಾಯಕ ಆರ್. ಅಶ್ವಿನ್ ಜೋಸ್ ಬಟ್ಲರ್ರನ್ನು ಮನ್ಕಡ್ ರನೌಟ್ ಮಾಡಿ ಅನೇಕರಿಂದ ಟೀಕೆಗೆ ಗುರಿಯಾಗಿದ್ದರು. ಸದ್ಯ ಮತ್ತೆ ಅಶ್ವಿನ್ ತಮ್ಮ ಹಳೆ ಚಾಳಿ ಮುಂದುವರಿಸಿದ್ದಾರೆ. ಆದರೆ, ಈ ಬಾರಿ ಅದು ಯಶಸ್ವಿ ಆಗಲಿಲ್ಲ.
WATCH: Shikhar's dance moves on the crease
— IndianPremierLeague (@IPL) April 20, 2019
ನಿನ್ನೆ ಡೆಲ್ಲಿ ಕ್ಯಾಪಿಟಲ್ಸ್ ವಿರುದ್ಧದ ಪಂದ್ಯದಲ್ಲಿ ಅಶ್ವಿನ್ ಅವರು ಶಿಖರ್ ಧವನ್ರನ್ನು ಮನ್ಕಡ್ ರನೌಟ್ ಮಾಡಲು ಯತ್ನಿಸಿದರು. ಆದರೆ, ಧವನ್ ತಮ್ಮದೆ ಶೈಲಿಯಲ್ಲಿ ಸರಿಯಾಗಿ ತಿರುಗೇಟು ನೀಡಿದ್ದಾರೆ. ಈ ವಿಡಿಯೋ ಸದ್ಯ ಸಾಮಾಜಿಕ ಜಾಲತಾಣಗಳಲ್ಲಿ ಸಖತ್ ವೈರಲ್ ಆಗುತ್ತಿದೆ.
13ನೇ ಓವರ್ ಬೌಲ್ ಮಾಡಲು ಬಂದ ಅಶ್ವಿನ್ ಇನ್ನೇನು ಚೆಂಡು ಎಸೆಯಬೇಕು ಎನ್ನುವಷ್ಟರಲ್ಲಿ ಬಾಲ್ ಹಾಕದೆ ತಿರುಗಿದರು. ಈ ಸಂದರ್ಭ ಧವನ್ ಕ್ರೀಸ್ನಲ್ಲೇ ಇದ್ದು ಅಲ್ಲಿಂದ ಕದಲಲಿಲ್ಲ. ಮುಂದಿನ ಎಸೆತ ಅಶ್ವಿನ್ ಬಾಲ್ ಮಾಡಲು ಬಂದಾಗ ಧವನ್ ಕ್ರೀಸ್ನಲ್ಲೇ ಮೈ ಕುಣಿಸುತ್ತಾ ಅಶ್ವಿನ್ಗೆ ತಿರುಗೇಟು ನೀಡಿ ಕೆರಳಿಸಿದ್ದಾರೆ.
Comments are closed.