ಮುಂಬೈ: 2019ರ ಏಕದಿನ ವಿಶ್ವಕಪ್ ಗೆ ಇಂಗ್ಲೆಂಡ್ ಆತಿಥ್ಯ ವಹಿಸಲಿದ್ದು ಯಾರ್ ಯಾರು ವಿಶ್ವಕಪ್ ನಲ್ಲಿ ಆಡುತ್ತಾರೆ ಎಂಬುದು ಇನ್ನು ನಿರ್ಧಾರವಾಗಿಲ್ಲ. ಆದರೆ ಇಂಗ್ಲೆಂಡ್ ನಲ್ಲಿ ತಮಗೆ ಯಾವ ರೀತಿಯ ಸೌಕರ್ಯಗಳನ್ನು ಒದಗಿಸಬೇಕು ಎಂಬ ಬೇಡಿಕೆ ಪಟ್ಟಿಯನ್ನು ಟೀಂ ಇಂಡಿಯಾ ಭಾರತೀಯ ಕ್ರಿಕೆಟ್ ನಿಯಂತ್ರಣ ಮಂಡಳಿ(ಬಿಸಿಸಿಐ) ಮುಂದಿಟ್ಟಿದೆ.
ಟೀಂ ಇಂಡಿಯಾ ತಂಡದ ಪ್ರತಿನಿಧಿಗಳು ತಂಡದ ಅವಲೋಕನ ಸಭೆಯಲ್ಲಿ ಬೇಡಿಕೆ ಪಟ್ಟಿಯನ್ನು ಮುಂದಿಟ್ಟಿದ್ದಾರೆ. ಪಟ್ಟಿಯಲ್ಲಿ ವಿಶ್ವಕಪ್ ಪಂದ್ಯಗಳನ್ನಾಡಲು ಹೋಗುವಾಗ ಜತೆಗೆ ಪತ್ನಿಯನ್ನೂ ಕರೆದುಕೊಂಡು ಹೋಗಲು ಅನುಮತಿ ನೀಡಬೇಕು. ಇಂಗ್ಲೆಂಡ್ ನಲ್ಲಿ ಪ್ರಯಾಣಿಸಲು ಕಾಯ್ದಿರಿಸಿದ ರೈಲ್ವೆ ಬೋಗಿಗಳು ಬೇಕು. ಕ್ರೀಡಾಪಟುಗಳಿಗೆ ತಿನ್ನಲು ಬಾಳೆಹಣ್ಣು ಮತ್ತು ತಂಗಲು ಜಿಮ್ ಇರುವ ಹೋಟೆಲ್ ಗಳು ಬೇಕು. ಇವೆ ಪಟ್ಟಿಯಲ್ಲಿರುವ ಪ್ರಧಾನ ಬೇಡಿಕೆಗಳು.
ಈ ಹಿಂದೆ ಇಂಗ್ಲೆಂಡ್ ಪ್ರವಾಸ ಪಂದ್ಯದಲ್ಲಿ ಭಾರತದ ಪ್ರದರ್ಶನ ಕಳಪೆಯಾಗಿದ್ದರಿಂದ ಬಿಸಿಸಿಐ ಅವಲೋಕನ ಸಭೆ ಕರೆದಿತ್ತು.
Comments are closed.