ಟ್ರೆಂಡಿಂಗ್ ದಂಪತಿಗಳಲ್ಲಿ ವಿರಾಟ್ ಕೊಹ್ಲಿ-ಅನುಷ್ಕಾ ಶರ್ಮಾ ಕೂಡ ಒಬ್ಬರು. ಈ ಮುದ್ದಾದ ಜೋಡಿ ಸತಿ-ಪತಿಗಳಾದಾಗಿನಿಂದ ಇನ್ನೂ ಹೆಚ್ಚು ಸುದ್ದಿಯಾಗುತ್ತಿದ್ದಾರೆ. ಸಖತ್ ರೋಮ್ಯಾಂಟಿಕ್ ಫೋಟೋಗಳನ್ನು ತಮ್ಮ ಇನ್ಸ್ಟಾಗ್ರಾಮ್ನಲ್ಲಿ ಶೇರ್ ಮಾಡುವ ಮೂಲಕ ಅಭಿಮಾನಿಗಳನ್ನು ಪುಳಕಿತರನ್ನಾಗಿ ಮಾಡುತ್ತಿದ್ದಾರೆ ವಿರುಷ್ಕಾ.
ಸದ್ಯಕ್ಕೆ ಅನುಷ್ಕಾ ಶರ್ಮಾ ತಮ್ಮ ಇನ್ಸ್ಟಾಗ್ರಾಮ್ನಲ್ಲಿ ಪೋಸ್ಟ್ ಮಾಡಿರುವ ಪೋಟೋವೊಂದು ಸಾಮಾಜಿಕ ಜಾಲತಾಣಗಳಲ್ಲಿ ಸಿಕ್ಕಾಪಟ್ಟೆ ಹವಾ ಎಬ್ಬಿಸಿದೆ. ಫೋಟೋದಲ್ಲಿ ಪತ್ನಿ ಅನುಷ್ಕಾ ವಿರಾಟ್ ಕೆನ್ನೆಗೆ ಸಿಹಿಮುತ್ತು ನೀಡಿದ್ದಾರೆ. ಈ ಫೋಟೋ ನೋಡುತ್ತಿದ್ದರೆ ವಿರಾಟ್-ಅನುಷ್ಕಾ ಒಂದಿಷ್ಟು ದಿನಗಳ ಗ್ಯಾಪ್ ನಂತರ ಒಂದೆಡೆ ಸೇರಿದ್ದಾರೆ ಅನಿಸುವುದಂತೂ ನಿಜ.
ಇನ್ನು ಅನುಷ್ಕಾ ಈ ಫೋಟೋ ಪೋಸ್ಟ್ ಮಾಡಿದ ಒಂದು ಗಂಟೆಯಲ್ಲಿ 7 ಲಕ್ಷಕ್ಕೂ ಅಧಿಕ ಜನರು ಲೈಕ್ ಮಾಡಿದ್ದಾರೆ. ಇದೇ ಪೋಟೋವನ್ನು ವಿರಾಟ್ ಕೂಡ ಶೇರ್ ಮಾಡಿಕೊಂಡಿದ್ದಾರೆ. ಅನುಷ್ಕಾ ಶರ್ಮಾ ‘ಸೂಯಿ ಧಾಗಾ’ ಚಿತ್ರದ ಮೊದಲ ಹಂತದ ಚಿತ್ರೀಕರಣ ಮುಗಿಸಿಕೊಂಡು ಭಾನುವಾರ ಮುಂಬಯಿಗೆ ವಾಪಸ್ಸಾಗಿದ್ದು, ವಿರಾಟ್ ಸಹ ಇಂಡಿಯನ್ ಸೂಪರ್ ಲೀಗ್ನ ಫುಟ್ಬಾಲ್ ಮ್ಯಾಚ್ ಮುಗಿಸಿಕೊಂಡು ಮುಂಬಯಿ ಬಂದಿಳಿದಿದ್ದಾರೆ. ಒಟ್ಟಾರೆ ವಿರುಷ್ಕಾ ಜೋಡಿ ಪರಸ್ಪರ ಪ್ರೀತಿ ವ್ಯಕ್ತಪಡಿಸುವ ರೀತಿ ಮಾತ್ರ ನವದಂಪತಿ ಹಾಗೂ ಪ್ರೇಮಿಗಳಿಗೆ ಸ್ಫೂರ್ತಿ ನೀಡುತ್ತಿದೆ ಎಂದರೆ ತಪ್ಪಾಗಲಾರದು.
Comments are closed.