ಕೇಪ್ ಟೌನ್: ಸ್ವಲ್ಪ ಕಾಲದ ಹಿಂದಿನ ವರೆಗೂ ಭಾರತೀಯ ಕ್ರಿಕೆಟ್ ತಂಡದ ನಾಯಕ ವಿರಾಟ್ ಕೊಹ್ಲಿ ಅವರ ಪ್ರೇಯಸಿ ಪಟ್ಟದಲ್ಲಿದ್ದ ಬಾಲಿವುಡ್ ನಟಿ ಅನುಷ್ಕಾ ಶರ್ಮಾ, ತಮ್ಮ ಪ್ರಿಯಕರ ಆಡುವಾಗ ಸ್ಟೇಡಿಯಂಗೆ ಆಗಮಿಸಿ ಬೆಂಬಲಿಸುವುದನ್ನು ಭಾರಿ ಟ್ರೋಲ್ಗಳಿಗೆ ಗುರಿಯಾಗಿಸಲಾಗುತ್ತಿತ್ತು.
ಇದರ ವಿರುದ್ಧ ಕೊಹ್ಲಿ ಬಹಿರಂಗವಾಗಿಯೇ ಸಿಡಿದೆದ್ದಿದ್ದರು. ಇದೀಗ ಅಧಿಕೃತವಾಗಿ ಪತಿ-ಪತ್ನಿಯರಾದ ಬಳಿಕ ವಿರಾಟ್ ಅವರನ್ನು ಬೆಂಬಲಿಸಲು ಅನುಷ್ಕಾ ಮತ್ತೆ ಬಂದಿದ್ದಾರೆ.
ದಕ್ಷಿಣ ಆಫ್ರಿಕಾ ವಿರುದ್ಧ ಕೇಪ್ ಟೌನ್ನಲ್ಲಿ ನಡೆಯುತ್ತಿರುವ ಮೊದಲ ಟೆಸ್ಟ್ ಪಂದ್ಯದಲ್ಲಿ ವಿರಾಟ್ ಹುರಿದುಂಬಿಸಲು ಸ್ಟೇಡಿಯಂನಲ್ಲಿ ಅನುಷ್ಕಾ ಕಾಣಿಸಿಕೊಂಡಿದ್ದರು.
ಆದರೆ ವಿರಾಟ್ ಮತ್ತೆ ಬ್ಯಾಟಿಂಗ್ ವೈಫಲ್ಯ ಅನುಭವಿಸುವುದರೊಂದಿಗೆ ಟ್ವಿಟರ್ನಲ್ಲಿ ಮತ್ತೆ ಅನುಷ್ಕಾ ಟ್ರೋಲ್ಗೆ ಗುರಿಯಾಗಿದ್ದಾರೆ.
ಈ ವೇಳೆಯಲ್ಲಿ ಅನುಷ್ಕಾ ಜತೆಗೆ ಶಿಖರ್ ಧವನ್ ಪತ್ನಿ ಆಯೇಷಾ, ಭುವನೇಶ್ವರ್ ಕುಮಾರ್ ಪತ್ನಿ ನುಪುರ್ ನಗರ್, ರೋಹಿತ್ ಶರ್ಮಾ ಪತ್ನಿ ರಿತಿಕಾ ಸಜದೇಹ್ ಸಹ ಜತೆಗಿದ್ದರು.
ಅಂದ ಹಾಗೆ ದಕ್ಷಿಣ ಆಫ್ರಿಕಾ ಪ್ರವಾಸದಲ್ಲಿ ಸಂಪೂರ್ಣ ಆನಂದಿಸುತ್ತಿರುವ ಅನುಷ್ಕಾ ಫಿಟ್ನೆಸ್ಗೂ ಹೆಚ್ಚಿನ ಆದ್ಯತೆ ಕೊಟ್ಟಿದ್ದಾರೆ. ದೇಶದಲ್ಲಿ ಅತಿ ಹೆಚ್ಚು ದೈಹಿಕ ಸಾಮರ್ಥ್ಯಯುಳ್ಳ ಕ್ರಿಕೆಟಿಗ ವಿರಾಟ್ ಕೊಹ್ಲಿ ಪತ್ನಿಯಾಗಿರುವ ಅನುಷ್ಕಾ ಸಹ ಫಿಟ್ನೆಸ್ ಮಂತ್ರವನ್ನು ಪಠಿಸುತ್ತಿದ್ದಾರೆ.
ಶಿಖರ್ ಧವನ್ ಪತ್ನಿ ಆಯೇಷಾ ಧವನ್ ಜತೆ ಜಿಮ್ನಲ್ಲಿ ಕಸರತ್ತು ಮಾಡುತ್ತಿರುವ ಅನುಷ್ಕಾ ಚಿತ್ರವನ್ನು ಹಂಚಿದ್ದಾರೆ.
ತವರಿಗೆ ಹಿಂತಿರುಗಿದ ಅನುಷ್ಕಾ…
ಈ ನಡುವೆ ಜನವರಿ 07 ಭಾನುವಾರದಂದು ಅನುಷ್ಕಾ ಶರ್ಮಾ ತವರಿಗೆ ಮರಳಿದ್ದಾರೆ. ಮುಂಬಯಿ ಅಂತರಾಷ್ಟ್ರೀಯ ವಿಮಾನಕ್ಕೆ ಬಂದಿಳಿದ ಅನುಷ್ಕಾ ಮೀಡಿಯಾದಲ್ಲಿ ಸೆರೆಯಾದರು. ಇದೀಗ ತಮ್ಮ ಮುಂದಿನ ಚಲನಚಿತ್ರಗಳಲ್ಲಿ ಅಭಿನಯವನ್ನು ಮುಂದುವರಿಸಲಿದ್ದಾರೆ.
Comments are closed.